Photo credit: DNA India
ଚଳିତ ଅଣ୍ଡର-୧୯ ବିଶ୍ୱକପ୍ରେ ଭାରତ ସହଜ ବିଜୟ ସହ ସେମି ଫାଇନାଲ୍ରେ ପ୍ରବେଶ କରିଛି । ଶନିବାର ଅନୁଷ୍ଠିତ ସୁପରଲିଗ୍ କ୍ୱାର୍ଟର ଫାଇନାଲ୍ ମୁକାବିଲାରେ ଭାରତ ୫ ୱିକେଟ୍ରେ ବାଂଲାଦେଶକୁ ହରାଇଥିଲା। ୩୦.୫ ଓଭରରେ ୫ ଓ୍ଵିକେଟ ହରାଇ ଏହି ବିଜୟ ହାସଲ କରିଛି। କୌଶଳ ତାମ୍ବେ ୬ ମାରି ଭାରତକୁ ଜିତାଇଥିଲେ।
ଏହି ମ୍ୟାଚ୍ରେ ଟସ୍ ଜିତି ଭାରତ ଫିଲ୍ଡିଂ ନିଷ୍ପତ୍ତି ନେଇଥିଲା । ବ୍ୟାଟିଂ ଆମନ୍ତ୍ରଣ ପାଇଥିବା ବାଂଲାଦେଶ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇ ୩୭.୧ ଓଭରରେ ୧୧୧ ରନ୍ କରି ଅଲ୍ ଆଉଟ୍ ହୋଇ ଯାଇଥିଲା । ଦଳ ପକ୍ଷରୁ ଏସଏମ ମେହରବ ୩୦, ଐଚ ମୁଲା ୧୭, ଆଶିକୁର ଜମାନ ୧୬ ରନ୍ କରିଥିଲେ । ଭାରତ ପକ୍ଷରୁ ରବି କୁମାର ୧୪ ରନ୍ରେ ୩ଟି ଓ ଭିକି ଓସ୍ୱାଲ ୧୬ ରନ୍ରେ ୨ଟି ୱିକେଟ୍ ନେଇଥିଲେ ।
ଭାରତ ପକ୍ଷରୁ ରଘୁବଂଶୀ ୪୪ ରନ୍, ରସିଦ ୨୬, ସିଦ୍ଧାର୍ଥ ଯାଦବ ୬, ରାଜ ବାୱା ୦ ରନ୍ କରି ଆଉଟ୍ ହୋଇଥିଲେ । ୯୭ ରନ୍ରେ ଭାରତ ୫ଟି ୱିକେଟ୍ ହରାଇଥିଲା । ଅଧିନାୟକ ୟଶ ଧୂଲ ଓ କୌଶଲ ତାମ୍ବେ ଅପରାଜିତ ରହି ଦଳକୁ ବିଜୟୀ କରାଇଥିଲେ । ଭାରତ ୩୦. ୫ଓଭରରେ ବିଜୟ ହାସଲ କରିଥିଲା । ପଞ୍ଚମ ବଲ୍ରେ ତାମ୍ବେ ଛକା ମାରିଥିଲେ । ସେ ୧୧ ଓ ଧୂଲ ୨୦ ରନ୍ କରି ଅପରାଜିତ ରହିଥିଲେ । ବାଂଲାଦେଶ ପକ୍ଷରୁ ରିପୋନ ମଣ୍ଡଳ ୪ଟି ୱିକେଟ୍ ନେଇଥିଲେ ।
ଟିମ୍ ଇଣ୍ଡିଆ ଏହି ମ୍ୟାଚ ଜିତିବା ପରେ ସେମିଫାଇନାଲ ଅଷ୍ଟ୍ରେଲିଆ ସହିତ ଖେଳିବ। ଅଷ୍ଟ୍ରେଲିଆ କ୍ୱାଟରଫାଇନାଲ ମ୍ୟାଚରେ ପାକିସ୍ତାନକୁ ୧୧୯ ରନରେ ସେମିଫାଇନାଲରେ ସ୍ଥାନ ପକ୍କା କରିଛି। ମୁକାବିଲାରେ ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ୫୦ ଓଭରରେ ୭ ଓ୍ୱିକେଟ୍ ହରାଇ ୨୭୬ ରନ୍ କରିଥିଲା । ତେବେ ପାକିସ୍ତାନ ମାତ୍ର ୩୫.୧ ଓଭରରେ ୧୫୭ ରନରେ ଅଲଆଉଟ ହୋଇଯାଇଥିଲା ।
ପାକିସ୍ତାନ ଅଧିନାୟକ କାସିମ ଆକ୍ରମ୍ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲେ । ଅଷ୍ଟ୍ରେଲିଆର ଦୁଇ ଓପନର ୧୬.୪ ଓଭରରେ ୮୬ ରନ୍ ଯୋଡି ଦଳକୁ ମଜବୁତ ସ୍ଥିତିରେ ରଖିଥିଲେ । ସେହିପରି ବିଲି ଡେଟ୍ ୭୧ ରନ୍ କରିଥିଲେ । ଏତତ୍ ବ୍ୟତୀତ କ୍ୟାରୀ ମିଲର ୩ ନମ୍ବର ସ୍ଥାନରେ ବ୍ୟାଟିଂ କରିବାକୁ ଆସି ୬୪ ରନ୍ କରିଥିଲେ ।
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…
ଖୋର୍ଦ୍ଧା(କେନ୍ୟୁଜ): ଖୋର୍ଦ୍ଧା ସହରକୁ ପ୍ରତିଦିନ ଲକ୍ଷ ଲକ୍ଷ ଲୋକଙ୍କ ଯାଆସ । ଏତେ ଲୋକଙ୍କ ଭିଡ ଭିତରେ ଏଠି କେମିତି ଚାଲିଛି…
ପୁରୀ (କେନ୍ୟୁଜ) : ଆଜି ପବିତ୍ର ଦେବସ୍ନାନ ପୂର୍ଣ୍ଣିମା । ଆଜି ସ୍ନାନ ବେଦୀରୁ ଗଜବେଶରେ ଅଗଣିତ ଭକ୍ତଙ୍କୁ ଦର୍ଶନ…