ବାଲେଶ୍ବର/ସୋର(କେନ୍ୟୁଜ୍): ବାହାନଗା ରେଳ ଟ୍ରାଜେଡିକୁ ୧୦ଦିନ ପୁରିଛି । ଏହି ଭୟାନକ ରେଳ ଦୁର୍ଘଟଣାରେ ୨୮୮ ଜଣଙ୍କ ପ୍ରାଣହାନୀ ଘଟିଥିଲା । ହଜାରେରୁ ଅଧିକ ଗୁରୁତର ଆହତ ହୋଇଥିଲେ । ଅନେକ ମୃତକଙ୍କ ମରଶରୀରକୁ ପରିବାର ଲୋକେ ଗ୍ରହଣ କରିଥିବା ବେଳେ ଅନେକ ମୃତଶରୀର ଏବେବି ଭୁବନେଶ୍ୱର ଏମ୍ସରେ ସଂରକ୍ଷିତ ହୋଇ ରହିଛି । ଆଜି ବାହାନଗା ବାସୀ ଅଚିହ୍ନା ଶବଙ୍କ ପାଇଁ ଦଶାହ କ୍ରିୟା କରିବା ସହ ମୁଣ୍ଡନ ହୋଇଛନ୍ତି। ବାହାନଗାର ପ୍ରାୟ ୧୧୨ଜଣ ଅଚିହ୍ନା ଶବଙ୍କ ପାଇଁ ମୁଣ୍ଡନ ହୋଇଛନ୍ତି ।
ଦୁର୍ଘଟଣା ସମୟରେ ବାହାନଗା ବାସୀଙ୍କ ସାହସ ଓ ସହଯୋଗକୁ ସାରା ବିଶ୍ବ ସାଲ୍ୟୁଟ କରୁଥିବା ବେଳେ ସେମାନଙ୍କ ଉଦ୍ୟମରେ ଅନେକ ଜୀବନ ସେଦିନ ବଞ୍ଚି ଯାଇଥିଲା । ତେବେ ଆଜି ମଧ୍ୟ ବନାନଗା ବାସୀ ଦିବଂଗତ ଆତ୍ମାଙ୍କୁ ସମ୍ମାନ ଜଣାଇ ଦଶାହରେ ସାମିଲ ହୋଇଥିଲେ। ରେଳ ଦୁର୍ଘଟଣାରେ ମୃତାହତଙ୍କ ପାଇଁ ଆଜି ଠାରୁ ବାହାନଗାରେ ୩ଦିନ ଧରି ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେଉଅଛି ।
ରେଳ ଦୁର୍ଘଟଣାରେ ଶରୀର ତ୍ୟାଗ କରିଥିବା ମଣିଷ ଆତ୍ମାର ଶାନ୍ତି , ସଦଗତି , ତୃପ୍ତିପ୍ରାପ୍ତି ପାଇଁ ଓ ଗୁରୁତର ଆହତଙ୍କ ଆରୋଗ୍ୟ କାମନା କରି ୩ଦିନ ବ୍ୟାପୀ ଧାର୍ମିକ କାର୍ଯ୍ୟ କରାଯିବ । ଆଜି କେବଳ ଗ୍ରାମବାସୀଙ୍କ ଦ୍ଵାରା ମୁଣ୍ଡନ ଓ ଦଶାହ କାର୍ଯ୍ୟ ଅନୁଷ୍ଠିତ ହୋଇଥିଲା । ସେହିଭଳି ସୋମବାରରେ ଅଷ୍ଟପ୍ରହରୀ ନାମ ସଙ୍କୀର୍ତ୍ତନ ,ଅଖଣ୍ଡ ଗାୟତ୍ରୀ ମନ୍ତ୍ରଜପ , ସର୍ବଧର୍ମ ପ୍ରାର୍ଥନା ସଭା , ଶ୍ରଦ୍ଧାଞ୍ଜଳୀ , ସାମୁହିକ ବେଦପାଠ ଓ ଦୀପଦାନ କାର୍ଯ୍ୟକ୍ରମ ରହିଛି । ସେହିଭଳି ଅନ୍ତିମ ଦିନରେ କଳସ ଶୋଭାଯାତ୍ରା ,ବିଶ୍ଵ ଶାନ୍ତି ଗାୟତ୍ରୀ ଯଜ୍ଞ ଓ ୫୦୦୮ ଦୀପ ଦାନ କାର୍ଯ୍ୟକ୍ରମ ରହିଛି । ତେବେ ଏଭଳି ଭବ୍ୟ କାର୍ଯ୍ୟକ୍ରମ କରିବାରେ ଗ୍ରାମବାସୀ ମାନେ ସହଯୋଗର ହାତ ବଢାଇଛନ୍ତି ।
କାଲି ଭାରତ-ଇଂଲଣ୍ଡ ଟି୨୦ ବିଶ୍ୱକପ୍ ସେମିଫାଇନାଲ ଲଢ଼େଇ । ୨୦୨୨ ପରାଜୟର ବଦଲା ନେବାକୁ ପ୍ରସ୍ତୁତ ରୋହିତ ବାହିନୀ ।…
ପୁରୀ: ଆଜି ଅନୁଷ୍ଠିତ ହେବ ରଥଯାତ୍ରାର ଦ୍ୱିତୀୟ ସମନ୍ୱୟ ବୈଠକ । ପୁରୀ ପୌରସଦନ ଠାରେ ଆଇନ ମନ୍ତ୍ରୀଙ୍କ ଅଧ୍ୟକ୍ଷତାରେ…
ଜାଣନ୍ତୁ, କେତେ ରହିଛି ଆଜି ସୁନା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି…
ଭଞ୍ଜନଗର: ଭିଜିଲାନ୍ସ ଜାଲରେ ଆରଆଇ । ୭ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ । ଗଂଜାମ…
ବାଲେଶ୍ଵର: ହଟିଲା ଦିନ କର୍ଫ୍ୟୁ, ରାତି କର୍ଫ୍ୟୁ ବଳବତ୍ତର । ବାଲେଶ୍ଵରରେ ଆଜିଠୁ ରାତ୍ରିକାଳୀନ କର୍ଫ୍ୟୁ । ରାତି ୯ଟାରୁ…
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…