ବାଲିଗୁଡା(କେନ୍ୟୁଜ): ରୁପା ବ୍ୟବସାୟୀଙ୍କ ଠାରୁ ରୁପା ଭର୍ତ୍ତି ବ୍ୟାଗ ଝାମ୍ପି ନେଲେ ଦୁର୍ବୁତ୍ତ । ବାଲିଗୁଡା ସହରର ପାଟଖଣ୍ଡା ସାହିରୁ ଆସିଛି ଏଭଳି ଏକ ଲୁଟ୍ ଅଭିଯୋଗ । ଦୁଇଟି ବାଇକରେ ୪ଜଣ ଦୁର୍ବୁତ୍ତ ଆସି ବ୍ୟବସାୟୀଙ୍କ ଠାରୁ ରୁପା ଭର୍ତ୍ତି ଥିବା ଏକ ବ୍ୟାଗ୍ ଝାମ୍ପି ନେଇଥିବା ନେଇ ବାଲିଗୁଡା ଥାନାରେ ଅଭିଯୋଗ ହୋଇଛି । ଲୁଟର ଶୀକାର ହୋଇଥିବା ରୁପା ବ୍ୟବସାୟୀ ହେଲେ ବାଲିଗୁଡା ପାଟଖଣ୍ଡା ସାହିର ସନ୍ୟାସୀ ନାୟକ ।
ସନ୍ୟାସୀ ଦୀର୍ଘ ବର୍ଷ ହେବ ସାଇକେଲରେ ଘର ଘର ବୁଲି ରୁପା ବ୍ୟବସାୟ କରିଆସୁଥିଲେ । ସବୁଦିନ ପରି ବ୍ୟବସାୟ ସାରି ପାଟଖଣ୍ଡା ସାହି ସ୍ଥିତ ନିଜ ଘରକୁ ଫେରିବା ସମୟରେ ଦୁର୍ବୁତ୍ତଙ୍କ ଲୁଟର ଶୀକାର ହୋଇଥିବା ଜଣାପଡିଛି । ସୂଚନା ଅନୁଯାୟୀ ଦୁଇଟି ବାଇକରେ ଚାରି ଜଣ ଯୁବକ ତାଙ୍କୁ ପିଛା କରିଥିଲେ ।
ସମୟ ସୁଯୋଗ ଦେଖି ସନ୍ୟାସୀଙ୍କ ସାଇକେଲ ଆଗରେ ବାଇକରେ ବସିଥିବା ଜଣେ ଦୁର୍ବୁତ୍ତ ତଳେ ପଡି ଯାଇଥିଲା । ଅଚେତ ହେବା ବାହାନା କରିଥିଲା । ଏହି ସମୟରେ ଅନ୍ୟ ଜଣେ ଦୁର୍ବୁତ୍ତ ସନ୍ୟାସୀଙ୍କୁ ସାହାଯ୍ୟ ମାଗିଥିଲା । ସନ୍ୟାସୀ ସାହାଯ୍ୟ କରିବାକୁ ଯାଇ ସାଇକେଲ ରଖି ଦୁର୍ବୁର୍ତ୍ତ ଙ୍କ ପାଖକୁ ଯିବାବେଳେ ଅନ୍ୟ ଏକ ବାଇକରେ ପୂର୍ବ ଯୋଜନା ମୁତାବକ ଛକି ବସିଥିବା ଦୁର୍ବୁତ୍ତ ମାନେ ଆସି ରୁପା ବ୍ୟାଗଟିକୁ ସାଇକେଲରୁ ଝାମ୍ପି ନେଇଥିଲେ ।
ତେବେ ବ୍ୟାଗରେ ପ୍ରାୟ ୮ ରୁ ୧୦ କେଜି ରୁପା ଥିବା ନେଇ ବ୍ୟବସାୟୀ ସନ୍ୟାସୀ ବାଲିଗୁଡା ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ଅନୁଯାୟୀ ବାଲିଗୁଡା ପୋଲିସ୍ ଘଟଣାସ୍ଥଳରେ ପହଂଚି ତଦନ୍ତ ଜାରି ରଖିଥିବା ବେଳେ ସିସିଟିଭି ଆଧାରରେ ମଧ୍ୟ ଘଟଣାର ଛାନଭିନ ଚଳାଇଛି ।
ମାତିଛନ୍ତି ଲୁଟେରା । ନୂଆ ତରିକାରେ କରୁଛନ୍ତି ଲୁଟ୍ । ତେବେ ବର୍ତ୍ତମାନ ଏହି ଅପରାଧୀ ଓ ଅପରାଧ ଏତେ ବଢିଲାଣି ଯେ ଏଥିରେ ଲଗାମ ଲଗାଇବା ପାଇଁ ପୋଲିସ୍ ପ୍ରଶାସନ ଆହୁରୀ କଠୋର ନୀତି ଅବଲମ୍ବନ କରିବା ନିହାତୀ ଜରୁରୀ ।
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…