ଅନୁଗୁଳ: ପିଲାମାନେ କିଭଳି ପାଠ ପଢିବେ ଆଉ ଅଜ୍ଞାନ ରୂପକ ଅନ୍ଧାରରୁ ମୁକ୍ତ ହୋଇ ନୂଆ ଆଲୋକ ଦେଖିବେ ସରକାରଙ୍କ ଦାୟିତ୍ୱ । କିନ୍ତୁ ଏଠି ପ୍ରଶାସନ ଆଉ ଏମସିଏଲ୍ ନିଜର ଦାୟିତ୍ୱ ତୁଲାଉ ନାହାନ୍ତି । ଯାହା ଫଳରେ ଅନ୍ଧାରକୁ ଠେଲି ହୋଇଯାଉଛି ପିଲାଙ୍କ ଭବିଷ୍ୟତ । ଅନୁଗୁଳ ଜିଲ୍ଲା ତାଳଚେର ରାକସ ଗାଁର ଦଳିତ ପରିବାରର ଲୋକେ ନିଜର ଭିଟାମାଟି ହରାଇବା ସହ ନିଜ ପିଲାଙ୍କ ଭବିଷ୍ୟତ ନେଇ ଚିନ୍ତାରେ ।
ସଭିଏଁ ପଢନ୍ତୁ ସଭିଏଁ ବଢନ୍ତୁ ନାରା ଦେଉଛନ୍ତି ସରକାର । କିନ୍ତୁ ଏ କୁନି କୁନି ପିଲାମାନଙ୍କୁ ଦେଖିଲେ ଲାଗୁଛି ସତେ ଯେମିତି ସଭିଏଁ ଖେଳନ୍ତୁ ସଭିଏଁ ବୁଲନ୍ତୁ । ଏମାନଙ୍କ ଭବିଷ୍ୟତ ଏବେ ଠେଲି ହୋଇଯାଇଛି ଅନ୍ଧକାରକୁ । ଆଉ ଏଥିପାଇଁ ଖୋଦ୍ ଏମସିଏଲ୍ ଦାୟୀ । ଅନୁଗୁଳ ଜିଲ୍ଲା ରାକସ ଗାଁରେ ବସବାସ କରୁଥିଲେ ୧୮ ଦଳିତ ପରିବାର । ସମସ୍ତଙ୍କ ପିଲାମାନେ ପଢୁଥିଲେ ସରକାରୀ ରାକସ ପଦ୍ମାବତୀ ଉପ୍ରା ବିଦ୍ୟାଳୟରେ । କିନ୍ତୁ କୌଣସି ସୂଚନା ନଦେଇ ଏମ୍ସିଏଲ୍ ଏବଂ ପ୍ରଶାସନ ମାଟି ତଳେ ପୋତି ଦେଇଛି ଏମାନଙ୍କ ସୁନାର ସଂସାରକୁ । ଆସବାବପତ୍ର ସହ ସ୍କୁଲ୍ ଛାତ୍ରଛାତ୍ରୀଙ୍କ ବହି ବସ୍ତାନୀ ବି ମିଶି ଯାଇଛି ମାଟିରେ ।
ଅନ୍ୟପଟେ ସମସ୍ତଙ୍କୁ ୧୦ କିଲୋମିଟର ଦୂରରେ ଥିବା ସେଣ୍ଟ୍ରାଲ୍ କଲୋନୀରେ ବିପଦ ସଙ୍କୁଳ ଘରେ ଥଇଥାନ କରାଯାଇଛି । ତେବେ ସେଠାରୁ ସ୍କୁଲର ଦୂରତା ଅନେକ ଥିବାରୁ ଏବେ ଘରେ ବସି ରହିଛନ୍ତି ଛାତ୍ରଛାତ୍ରୀ । ଏନେଇ ସ୍ଥାନୀୟ ବିଧାୟକ ମଧ୍ୟ ଏମସିଏଲର ଏପରି ପଦକ୍ଷେପକୁ ଦୃଢ ଭାବରେ ନିନ୍ଦା କରିଛନ୍ତି । ଅନ୍ୟପଟେ ଘଟଣା ବିଷୟରେ ଜାଣିବା ପରେ ପିଲାଙ୍କ ପାଠପଢା ଦାୟିତ୍ୱ ତୁଲାଇବା ପାଇଁ ଏମ୍ସିଏଲକୁ ନିର୍ଦ୍ଦେଶ ଦେଇଛନ୍ତି ଉପଜିଲ୍ଲାପାଳ । ଏମ୍ସିଏଲ୍ କର୍ତ୍ତୃପକ୍ଷ କେବେ ଦାୟିତ୍ୱ ଗ୍ରହଣ କରୁଛନ୍ତି ତାକୁ ଅପେକ୍ଷା ।
କଣ୍ଟାବାଞ୍ଜି: ଟଙ୍କା ନେଇ ଛୁ ମାରିଥିଲେ, ହେଲେ ଛାଡିଲେନି ଗାଁର ମହିଳା । ସିଧା ଘରକୁ ଗଲେ ଆଉ ପକାଇଲେ…
ଭୁବନେଶ୍ୱର : ବାରମ୍ବାର ମୁକୁଳା ଡ୍ରେନରେ ଅଘଟଣ ପରେ ତତ୍ପର ପ୍ରାଶସନ । ମାସକ ଭିତରେ ମୁକୁଳା ଡ୍ରେନ ଉପରେ…
ହଲିଉଡର ଲୋକପ୍ରିୟ ଅଭିନେତା ତମାୟୋ ପେରୀଙ୍କ ମୃତ୍ୟୁ । ଶାର୍କ ଆକ୍ରମଣ କରିବାକୁ ମାତ୍ର ୪୯ ବର୍ଷ ବୟସରେ ତମାୟୋଙ୍କ…
ରାଜଧାନୀ ଦିଲ୍ଲୀର ପ୍ରେମ୍ ନଗରରେ ଘଟିଛି ଏକ ଭୟାବହ ଅଗ୍ନିକାଣ୍ଡ । ଏଠାରେ ଘରେ ନିଆଁ ଲାଗି ପରିବାରର ୪…
ଆଇସିସି ଟି୨୦ ବିଶ୍ୱକପ ସେମିଫାଇନାଲରେ ପ୍ରବେଶ କରିଛି ଆଫଗାନିସ୍ତାନ । ବାଂଲାଦେଶକୁ ଡିଏଲଏସ ନିୟମରେ ହରାଇ ସେମିରେ ପ୍ରବେଶ କରିଛି…
ଅଯୋଧ୍ୟା: ସବୁ ପ୍ରତୀକ୍ଷାର ଅନ୍ତ ଘଟି ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ହୋଇସାରିଥିବାବେଳେ, ପ୍ରଭୁ ଶ୍ରୀରାମ ଅଯୋଧ୍ୟା ମନ୍ଦିରରେ…