ଭୁବନେଶ୍ବରରୁ ଆପାର୍ଟମେଣ୍ଟ ଲୁଟେରା ଗ୍ୟାଙ୍ଗର ୨ ଗିରଫ

ଭୁବନେଶ୍ବରରୁ ଆପାର୍ଟମେଣ୍ଟ ଲୁଟେରା ଗ୍ୟାଙ୍ଗ ଗିରଫ । ୨ ଜଣଙ୍କୁ ଧରିଛି କମିଶନରେଟ ପୋଲିସ । ରାଜ୍ୟ ବାହାରୁ ସେମାନଙ୍କୁ ଗିରଫ କରାଯାଇଛି । ସେମାନଙ୍କଠାରୁ ଜବତ ହୋଇଛି ୨ ଲକ୍ଷ ୧୫ ହଜାର ଟଙ୍କା, ଗାଡ଼ି ଓ ୩ଟି ମୋବାଇଲ୍ ଫୋନ୍ । ଜଣେ ଅଭିଯୁକ୍ତର ନାଁ ଦୀନେଶ କୁମାର ଶାହ ଓ ଘର ଗୁଜରାଟରେ । ଅନ୍ୟ ଲୁଟେରା ହରିୟାଣାର ପୱନ କୁମାର । ଲୁଟ୍ କରିବା ପରେ ଫ୍ଲାଇଟରେ ରାଜ୍ୟ ବାହାରକୁ ଚାଲି ଯାଆନ୍ତି ସେମାନେ । ସେଠାରୁ ନୂଆ ଗାଡି କିଣି ଲୁଟ୍ କରନ୍ତି ।

ରାଜ୍ୟ ରାଜ୍ୟ ବୁଲି ଆପାର୍ଟମେଣ୍ଟରୁ ଲୁଟ୍ କରନ୍ତି । ଦିନରେ ବୁଲି ବୁଲି ରେକି କରନ୍ତି ଓ ରାତି ହେଲେ ପାଚେରୀ ଡେଇଁ ଘରେ ପଶନ୍ତି ଲୁଟେରା । ୧୦ ମିନିଟରେ ଘରୁ ସୁନା, ଗହଣା ଓ ଟଙ୍କା ନେଇ ଛୁ ମାରନ୍ତି ଅଭିଯୁକ୍ତ । ଏମାନଙ୍କ ନାଁରେ ଓଡ଼ିଶା, ଗୁଜୁରାଟ, ଆନ୍ଧ୍ର ପ୍ରଦେଶ, ଦିଲ୍ଲୀ , ଉତ୍ତର ପ୍ରଦେଶ, ହରିଆଣାରେ ବିଭିନ୍ନ ଅଭିଯୋଗ ରହିଛି । ଗତବର୍ଷ ଡିସେମ୍ବର ୨୩ ତାରିଖରେ ଭୁବନେଶ୍ବର ନୟାପଲ୍ଲୀ ନିରୁପମା ଆପାର୍ଟମେଣ୍ଟରୁ ଲୁଟ୍ ହୋଇଥିଲା । ଅଭିଯୋଗକାରିଣୀ ଅନୁସା ମହାନ୍ତିଙ୍କ ଘରୁ ୧୩ ଲକ୍ଷ ଟଙ୍କା ଲୁଟ୍ ହୋଇଥିଲା ।