କେନ୍ଦ୍ରାପଡା : ସମୟ ଅପରାହ୍ନ ୧୨ଟା କି ସାଢ଼େ ୧୨ଟା ହେବ । ନଦୀ କୂଳରୁ ହଠାତ୍ ଶୁଭିଥିଲା ଶଦ୍ଦ । ପାଣି ଭିତରକୁ ଚାହିଁଲା ବେଳକୁ ଭାସୁଥିଲା ଦୁଇଟି ମୁଣ୍ଡ । କିନ୍ତୁ ଅକାତ କାତ ପାଣିରେ ବୁଡ଼ି ଯାଉଥିଲେ ସ୍ୱାମୀ, ସ୍ତ୍ରୀ ଓ ୯ମାସର କୁନି ଝିଅ । କୁନି ଝିଅ ସିନା ଦେଖାଯାଉ ନଥିଲା କିନ୍ତୁ ସେହି ନଦୀ ପାଣିରେ ମା’ ବାପା ସହ ବୁଡ଼ିଯାଇ ଅଚେତ୍ ହୋଇଯାଇଥିଲା । କ୍ଷଣକ ମଧ୍ୟରେ ଏହି ଦୃଶ୍ୟ ପାଖରେ ଉପସ୍ଥିତ ଥିବା ଲୋକଙ୍କୁ ବିଚଳିତ କରିଥିଲା । କିଏ କଣ କରିବେ କିଛି ଭାବିପାରି ନଥିଲେ । ଠିକ୍ ସେହି ସମୟରେ ଦେବଦୂତ ସାଜିଥିଲେ ଦୁଇବନ୍ଧୁ । ଜୀବନକୁ ପାଣି ଛଡ଼ାଇ ତିନି ତିନୋଟି ଜୀବନ ଉଦ୍ଧାର କରିବାକୁ ଆଗେଇ ଯାଇଥିଲେ ।
ତେବେ ସମ୍ପୂର୍ଣ୍ଣ ଘଟଣା ହେଉଛି । କେନ୍ଦ୍ରାପଡା ଜିଲ୍ଲା ଆଳିର ଗଡ଼ଗଡ଼ି ସେତୁ ଉପରୁ ଡେଇଁ ପଡ଼ିଥିଲେ ମା ସହ କୁନି ଶିଶୁ । ପରେ ପରେ ଦୁହିଁଙ୍କୁ ଉଦ୍ଧାର କରିବା ପାଇଁ ମହିଳାଙ୍କ ସ୍ୱାମୀ ମଧ୍ୟ ନଦୀକୁ ଡେଇଁ ପଡ଼ିଲେ । ଏହା ଦେଖି ନଦୀ ବନ୍ଧ ନିକଟରେ ବସିଥିବା ଦୁଇ ବନ୍ଧୁ ବିରେନ ଓ ସୁଶାନ୍ତ ସାହସିକତା ଦେଖାଇ ତାଙ୍କ ପଛେ ପଛେ ଉଦ୍ଧାର କରିବା ପାଇଁ ନଦୀ ଭିତରକୁ ଡେଇଁଥିଲେ ।
ତେବେ ପାରିବାରିକ କଳହକୁ ନେଇ ମହିଳା ଜଣକ ଏପରି ଚରମ ନିଷ୍ପତ୍ତି ନେଇଥିବା କୁହାଯାଉଛି । କିନ୍ତୁ ପ୍ରକୃତ କାରଣ କଣ ଜଣାପଡ଼ିନାହିଁ ? ତେବେ ପାଣି ଭିତରେ ସ୍ୱାମୀ,ସ୍ତ୍ରୀ ଓ ଛୋଟ ଶିଶୁଟି ମରଣ ସହ ସଂଗ୍ରାମ କରୁଥିଲେ । ସେହି ସମୟରେ ଦୁଇବନ୍ଧୁ ସୁଶାନ୍ତ ମଳିକ ଓ ବିରେନ ରାଉତ ଖରସ୍ରୋତା ନଦୀକୂଳରେ ବସିଥିଲେ । ତିନିଜଣ ବୁଡ଼ି ଯାଉଥିବାର ଦେଖି କୂଳରେ ଥିବା ଏକ ମେସିନ ଚାଳିତ ଡଙ୍ଗା ନେଇ ସେମାନଙ୍କ ପାଖରେ ପହଞ୍ଚିଥିଲେ । ତତ୍କ୍ଷଣାନ୍ତ ପାଣିକୁ ଡେଇଁ ତିନି ଜଣଙ୍କୁ ଉଦ୍ଧାର କରିଥିଲେ । ପରେ ସେମାନଙ୍କୁ ଆଣି ଆଳି ଗୋଷ୍ଠୀ ସ୍ୱାସ୍ଥ୍ୟରେ ଭର୍ତ୍ତି କରିଥିଲେ । ହୁଏତ ଠିକ ସମୟରେ ଦୁଇବନ୍ଧୁ ତିନି ଜଣଙ୍କୁ ଉଦ୍ଧାର ନକରିଥିଲେ ଆଜି କିଛି ବି ଅଘଟଣ ଘଟିଯାଇଥାନ୍ତା। ୩ ଜଣଙ୍କ ଜୀବନ ଚାଲିଯାଇ ଥାଆନ୍ତା ଏହି ଦୁଇବନ୍ଧୁଙ୍କ ସାହାସିକତାକୁ ନେଇ ଏବେ ସମସ୍ତେ ପ୍ରଶଂସା କରୁଛନ୍ତି ।
ମେଷ : ଏହି ରାଶିର ବ୍ୟକ୍ତିମାନେ କର୍ମକ୍ଷେତ୍ରରେ ଆଗକୁ ଯିବେ, ଏହା ସହ ସମ୍ମାନ ମିଳିବା ସହିତ ଆପଣ ଏକ…
ଯାଜପୁର ଟାଉନ : ରେସ୍ତୁରାଣ୍ଟରେ ଶିଶୁ ଶ୍ରମିକ କାମ କରୁଥିବା ଖବର ପାଇ ଚଢ଼ାଉ କରିବାକୁ ଯାଇଥିବା ଚାଇଲ୍ଡ ଲାଇନ…
ଭୁବନେଶ୍ବର : ଆସନ୍ତାକାଲି ବିଜେଡିର ରାଜ୍ୟସଭା ସାଂସଦଙ୍କ ସହ ଆଲୋଚନା କରିବେ ସୁପ୍ରିମୋ ନବୀନ ପଟ୍ଟନାୟକ । ନବୀନ ନିବାସରେ…
ମୟୁରଭଞ୍ଜ : ତୁଟିଲା ବିବାଦ । ମୟୁରଭଞ୍ଜ ଜିଲ୍ଲାରେ ସ୍ବାଭାବିକ ହେଲା ବସ୍ ଚଳା ଚଳ । ୩ ଦିନ…
କେନ୍ଦୁଝର : ଘଟଗାଁ ତାରିଣୀ ପୀଠର ବିକାଶ ପାଇଁ ଆଉ ୫୦ କୋଟିର ଅନୁଦାନ। କେନ୍ଦୁଝର ଜିଲ୍ଲାକୁ ଦୁଇ ଦିନିଆ…
ବାଲେଶ୍ବର: ଆଶା କରିଥିଲୁ ବୁଢ଼ା କାଳେ ଆମ ପୁଅ ଆମ ସାହାରା ପାଲଟିବ । ଆମେ ଜମି ବାଡ଼ି ବିକ୍ରି…