ପୁରୀ: ସ୍କୁଲ ଖୋଲିଥିଲେ ବି ଏଯାଏ ହୋଇନାହିଁ ମରାମତି

ପୁରୀ(କେନ୍ୟୁଜ୍): ଗତ ୨୧ ତାରିଖରୁ ଖୋଲିଛି ରାଜ୍ୟର ସମସ୍ତ ସ୍କୁଲ । ହେଲେ ବାତ୍ୟା ଫନିରେ ପୁରୀ ଜିଲ୍ଳା ନିମାପଡ଼ା ବ୍ଳକର ୨୬୦ଟି ସ୍କୁଲ ଭାଙ୍ଗି ଯାଇଥିବା ବେଳେ ୧୧ଟି ସ୍କୁଲ ସଂପୂର୍ଣ୍ଣ ନଷ୍ଟ ହୋଇ ଯାଇଛି । ବ୍ଳକର ୧୧ଟି ସରକାରୀ ସ୍କୁଲ, ୧୩ଟି ବ୍ଳକଗ୍ରାଣ୍ଟ ହାଇସ୍କୁଲ, ୪ଟି ବ୍ଳକଗ୍ରାଣ୍ଟ ୟୁପି ସ୍କୁଲକୁ ଅନ୍ୟତ୍ର ସ୍ଥାନାନ୍ତର କରାଯାଇଛି । ଏବେ ବି ସ୍କୁଲ ଗୁଡିକର ମରାମତି ହୋଇନାହିଁ । ବ୍ଳକର ବଡ଼ମାଛପୁର ସ୍କୁଲ ବନ୍ୟା ଆଶ୍ରୟସ୍ଥଳୀରେ ଚାଲିଥିବା ବେଳେ ଭଗବତୀପୁର କଲ୍ୟାଣ ମଣ୍ଡପରେ ଦୁର୍ଦ୍ଦିନରେ ପାଠ ପଢୁଛନ୍ତି ଛାତ୍ରଛାତ୍ରୀ। ଅନେକ ସ୍କୁଲ ଗାଁ କୋଠ ଘରେ ଚାଲିଛି । ଆଉ କିଛି ସ୍କୁଲର ମରାମତି କାମ ଯୁଦ୍ଧକାଳୀନ ଭିତ୍ତିରେ କରାଯାଉଛି । ବର୍ଷାଦିନ ଆରମ୍ଭ ହୋଇଥିବାରୁ କାର‌୍ୟ୍ୟରେ ବିଳମ୍ବ ହେଉଛି । ଖୁବଶୀଘ୍ର ସ୍କୁଲ ଗୁଡିକର ମରାମତି କରାଯାଇ ଛାତ୍ରଛାତ୍ରୀଙ୍କୁ ପାଠ ପଢାଯିବ ବୋଲି ବିଡିଓ କହିଛନ୍ତି ।