ବର୍ତ୍ତମାନ ସାଇବର ଠକଙ୍କ ଉତପାତ୍ ବଢ଼ି ଚାଲିଛି । ଆଉ ଏହି ଠକମାନେ ଆପ୍ ମାଧ୍ୟମରେ ଲୁଟ କରନ୍ତି ଏହା ତ ଆପଣମାନେ ଜାଣିିଥିବେ । କିନ୍ତୁ ଏକା ସାଙ୍ଗରେ ଜଣେ କି ଦୁଇ ଜଣ ନୁହେଁ ଶହ ଶହ ଲୋକ ସାଇବର ଠକାମୀର ଶିକାର ହୋଇଛନ୍ତି । ଆପଣମାନେ ନିଶ୍ଚିତ ଭାବୁଥିବେ ଯେ ଏତେ ଲୋକ ସାଇବର ଠକାମୀର ଶିକାର ହେଲେ କିପରି । ତେବେ ଆପଣମାନଙ୍କୁ କହି ରଖିବାକୁ ଚାହିଁବୁ କି ଏକ ଆପ୍ ମାଧ୍ୟମରେ ହିଁ ଅନେକ ଲୋକ ଏଭଳି ଠକାମୀର ଶିକାର ହୋଇଛନ୍ତି ।
ତେବେ ବର୍ତ୍ତମାନ ସାଇବର ଅପରାଧ ଓ ସୁରକ୍ଷା ସମ୍ପର୍କିତ ସଚେତନତା ଅଭିଯାନ ଚାଲିଥିବାବେଳେ ଅନ୍ୟପଟେ ନୟାଗଡ଼ରେ ମୋବାଇଲ ଆପ୍ ଯୋଗେ ପ୍ରାୟ ୫ କୋଟିରୁ ଅଧିକ ଟଙ୍କା ଲୁଟ ହୋଇଥିବାର ସାଙ୍ଘାତିକ ଅଭିଯୋଗ ହୋଇଛି । ଯାହାକୁ ନେଇ ସୃଷ୍ଟି ହୋଇଛି ହଇଚଇ । ଏକ ପ୍ରାଇଭେଟ୍ ସଂସ୍ଥା ଆକର୍ଷଣୀୟ ଅଫର ଦେଖାଇ,ମୋବାଇଲ ଆପରେ ଲୁଟି ନେଇଛି କୋଟି କୋଟି ଟଙ୍କା । ସଂସ୍ଥାର ଅଫର ଦେଖି ଫଶି ଯାଇଛନ୍ତି ନୟାଗଡ଼ ଜିଲ୍ଲାର ଶହ ଶହ ଲୋକ । ୫ ହଜାର ଟଙ୍କା ଡ଼ିପୋଜିଟ କଲେ ମାସକୁ ମିଳିବ ୫୫ ହଜାର ଟଙ୍କା ଏବଂ ୧୫ ହଜାର ଟଙ୍କା ଡ଼ିପୋଜିଟ କଲେ ମିଳିବ ଲକ୍ଷାଧିକ ଟଙ୍କା । ଏଭଳି ଲୋଭ ଦେଖାଇ ଲୋକଙ୍କ ମନରେ ବିଶ୍ୱାସ ଜନ୍ମାଇ ଠକ ସଂସ୍ଥା, ଜମାକାରୀଙ୍କ ଟଙ୍କା ଲୁଟ କରି ଆପ୍ ବନ୍ଦ କରି ଛୁ ମାରିଛି ।
ଏହି ସଂସ୍ଥା ନୟାଗଡ଼ ଜିଲ୍ଲାର ଏଜେଣ୍ଟ ମାଧ୍ୟମରେ ସଭା ସମିତି କରି, ଆପରେ ଲୋକଙ୍କୁ ଯୋଡି ଆକର୍ଷଣୀୟ ଅଫର ଦେଖାଇ ଚେନ୍ ସିଷ୍ଟମ ମାଧ୍ୟମରେ ଜିଲ୍ଲାର ଶହ ଶହ ଲୋକଙ୍କ ଠାରୁ ପ୍ରାୟ ୫ କୋଟି ଟଙ୍କା ଠକି ନେଇଥିବା ନେଇ ଅଭିଯୋଗ ହୋଇଛି । ଆଉ ବଡ଼ କଥା ହେଉଛି ଏହି ଲୁଟର ଶିକାର ହୋଇଛନ୍ତି ଅନେକ ବିଶିଷ୍ଟ ବ୍ୟକ୍ତି । ଲୋକ ଲଜ୍ଜା ଭୟରେ କେହି ଅଭିଯୋଗ କରିବାକୁ ଚାହୁଁ ନାହାନ୍ତି । ନୟାଗଡ଼ ଟାଉନ ଥାନାରେ ଅଭିଯୋଗ ହେବା ପରେ ମାଷ୍ଟରମାଇଣ୍ଡ ଦୁଇ ଭାଇକୁ ଅଟକ ରଖି ପଚରାଉଚରା କରୁଛି ପୋଲିସ । ନୟାଗଡ଼ ଗାୟତ୍ରୀ କଲୋନୀର ଅରୁଣ ଦାଶ ଓ ଅମୁଲ୍ୟ ଦାଶଙ୍କୁ ଅଟକ ରଖି ପୋଲିସ ପଚରାଉଚରା କରୁଛି । ଉଭୟ ୨ ଭାଇ ଗିରଫ ହେବେ ବୋଲି ସୂଚନା ରହିଛି । ତଦନ୍ତ ଚାଲିଛି କାର୍ଯ୍ୟାନୁଷ୍ଠାନ ହେବ ଏବଂ ଏଥିରେ ସମ୍ପୃକ୍ତ ଅନ୍ୟ ବ୍ୟକ୍ତି ତଦନ୍ତ ପରିସରଭୁକ୍ତ କରାଯିବ ବୋଲି ନୟାଗଡ SDPO ସ୍ନେହାଶିଷ ସାହୁ ସୂଚନା ଦେଇଛନ୍ତି ।
ବାରମ୍ବାର ଏଭଳି ଠକାମୀର ଶିକାର ହେଉଥିଲେ ମଧ୍ୟ ଲୋକମାନେ ସତର୍କ ହେଉ ନାହାନ୍ତି । କିଏ ଝିଅ ବାହାଘର ପାଇଁ ଟଙ୍କା ସଞ୍ଚୟ କରି ରଖିଥିଲା ତ ଆଉ କିଏ ନିଜର ଦୋକାନ କରିବ ବୋଲି । ଅନେକ ଲୋକ ନିଜ ପିଲାଙ୍କ ଭବିଷ୍ୟତ ପାଇଁ ଟଙ୍କା ସଞ୍ଚୟ କରି ରଖିଥିଲେ । କିନ୍ତୁ ଠକାମୀର ଶିକାର ହେବା ପରେ ଏହି ଲୋକଙ୍କ ପାଖରେ ଟଙ୍କାଟିଏ ବି ନାହିଁ । ହତାଶ ହୋଇ ପୋଲିସର ଦ୍ୱାରସ୍ତ ହୋଇଛନ୍ତି । ତେବେ ସମ୍ପୃକ୍ତ ଘଟଣାକୁ ନେଇ ପୋଲିସର ତଦନ୍ତ ଜାରି ରହିଛି ।
କଟକ (କେନ୍ୟୁଜ): କଟକ scb ବଡ଼ ମେଡିକାଲରେ ଭର୍ତ୍ତି ହେଲେ ବିଧାୟକ ପ୍ରଶାନ୍ତ ଜଗଦ୍ଦେବ । ସ୍ୱାସ୍ଥ୍ୟ ଅବସ୍ଥା ଖରାପ…
ଜୟପୁର(କେନ୍ୟୁଜ): ହୋଇଯାଆନ୍ତୁ ସାମଧାନ । ବିଡ଼ି, ସିଗାରେଟ, ଗୁଟୁଖା,ଖଇନି ଖାଉଥିଲେ ଚାଲିଯିବ ଜୀବନ । କାଳ ସାଜିପାରେ ଗୁଟୁଖା ଖାଇବା…
ଭୁବନେଶ୍ୱର ପେଟ୍ରୋଲ ଦରରେ ପରିବର୍ତ୍ତନ ହୋଇଥିବା ଦେଖିବାକୁ ମିଳିଛି । ସେହିପରି ଦେଶ ଅନ୍ୟ କିଛି ସ୍ଥାନରେ ଦର ଖସି…
ସୁନା କିଣିବାକୁ ଯାଉଥିଲେ ନଜର ପକାନ୍ତୁ ଆଜି ଓଡ଼ିଶା ସମେତ ଦେଶର ପ୍ରମୁଖ ସହର ମାନଙ୍କରେ କେତେ ରହିଛି ସୁନା…
ଯାଜପୁର (କେନ୍ୟୁଜ): ହାଇୱାକୁ ପଛପଟୁ ଧକ୍କା ଦେଲା ବସ୍ । ଜଣେ ମୃତ, ୧୦ ଆହତ । ଯାଜପୁର ୧୬ନଂ…
ପୁରୀ (କେନ୍ୟୁଜ): ଆଜି ଶ୍ରୀକ୍ଷେତ୍ରରେ ଭଉଁରୀ ଯାତ୍ରା । ଶ୍ରୀକ୍ଷେତ୍ରରେ ସମ୍ପୂର୍ଣ୍ଣ ହେବ ତିନି ରଥର ଚକ ଅଖ ଡେରା…