ହସଖୁସିର ପରିବାର ଭିତରେ ହଠାତ ଚାଲି ଆସିଲା ଦୁଃଖର କଳା ବାଦଲ । ଅପେକ୍ଷା କରିଥିଲେ ଘରକୁ ନୂଆ ଅତିଥି ଆସିବ କିନ୍ତୁ ସବୁକିଛି ପାଣି ଫୋଟକା ଭଳି ଫାଟିଗଲା । ସବୁ ଖୁସି କ୍ଷଣିକରେ ଶେଷ ହୋଇଗଲା । କେତେବେଳେ କାହା ଜୀବନରେ ଏ ମୃତ୍ୟୁ ଆସି ପହଞ୍ଚିଯାଏ ତାହା କେହି କହି ପାରିବେ ନାହିଁ । ଆଉ ଦୁନିଆ ଦେଖିବା ପୂର୍ବରୁ ସମସ୍ତଙ୍କୁ ବିଦାୟ ଦେଇ ଚାଲିଗଲା ବାପା ମା’ଙ୍କର କନ୍ୟା ସନ୍ତାନ । ବର୍ତ୍ତମାନ ପୁରା ପରିବାର ଦୁଃଖରେ ଭାଙ୍ଗି ପଡ଼ିଛି ।
ଶିଶୁ କନ୍ୟାର ଯତ୍ନ ପାଇଁ ସରକାରଙ୍କ ତରଫରୁ ବିଭିନ୍ନ ପ୍ରକାର ପଦକ୍ଷେପ ନିଆାଯାଉଛି । କିନ୍ତୁ ସୋରଡା ମେଡିକାଲରେ ମେଡିକାଲ କର୍ମଚାରୀଙ୍କ ଅବହେଳା ଯୋଗୁଁ ଜନ୍ମ ହେବା ପୂର୍ବରୁ ହିଁ ମା’ ପେଟରେ ମରିଗଲା ଶିଶୁ କନ୍ୟା । ଆଉ ଶେଷର ଜନ୍ମ ହେଲା ମଲା ଛୁଆ । ଛୁଆ ଜନ୍ମ ହେବା ପରେ ଗନ୍ଧ ହେଉଥିବା ମଧ୍ୟ ଅଭିଯୋଗ ହୋଇଛି । ଏପରି ସାଂଘାତିକ ଅଭିଯୋଗ ଆଣିଛନ୍ତି ମୃତ କନ୍ୟା ସନ୍ତାନଙ୍କ ବାପା ଦ୍ଵାରିକା ନାଥ ପଟ୍ଟନାୟକ ।
ସୂଚନା ଅନୁସାରେ ଦ୍ଵାରିକା ସୋରଡା ନିକଟ ସାନ ସୋରଡା ଠାରେ ନିଜ ପରିବାର ସହ ରହୁଥିଲେ । ଦ୍ଵାରିକାଙ୍କ ସ୍ତ୍ରୀ ବିଦ୍ୟୂତଲତାଙ୍କର ଦ୍ୱିତୀୟ ସନ୍ତାନ ହେବାର ଥିଲା । ଏନେଇ ସେ ଆଶା କର୍ମୀଙ୍କ ମାଧ୍ୟମରେ ସୋରଡା ମେଡିକାଲରେ ପ୍ରଥମ ମାସରୁ ଚେକ୍ ଅପ୍ କରାଉଥିଲେ । ସୋରଡା ମେଡିକାଲରେ ନିୟମିତ ଆସି ମେଡ଼ିସିନ ନେବା ସହ ଡାକ୍ତର ଦେଖାଉଥିଲେ । ଅକ୍ଟୋବର ୨୩ରେ ଦ୍ଵାରିକା ନିଜ ସ୍ତ୍ରୀ କୁ ଧରି ମେଡିକାଲକୁ ଆସିଥିଲେ କିନ୍ତୁ ପିଲା ଠିକ ଅଛି କହି ଡାକ୍ତର ତାଙ୍କୁ ଫେରାଇ ଦେଇଥିଲେ ଏବଂ ତାଙ୍କୁ ୫ ଦିନ ପରେ ଆସିବାକୁ କହିଥିଲେ । ମେଡିକାଲ କର୍ମଚାରୀ ପୁଣି ନଭେମ୍ବର ୫କୁ ଡେଟ ଦେଇଥିଲେ । ବାରମ୍ବାର ମେଡିକାଲକୁ ଦୌଡ଼ି ଦୌଡ଼ି ନିରାଶ ହୋଇ ପଡ଼ିଥିଲେ ଦ୍ୱାରିକା । କେବଳ ପିଲା ଭଲ ଅଛି କହି ତାଙ୍କୁ ଫେରାଇ ଦେଉଥିଲେ । ତେବେ ଗତ ୧୨ ତାରିଖରେ ମା’କୁ କଷ୍ଟ ହେବାରୁ ଦ୍ଵାରିକା ତାଙ୍କୁ ମେଡିକାଲ ଆଣିଥିଲେ । କିନ୍ତୁ ତା ପରେ ଯାହା ହୋଇଥିଲା ତାକୁ ବିଶ୍ୱାସ କରି ପାରି ନଥିଲେ ଦ୍ୱାରିକା । କାରଣ କ୍ଷଣିକରେ ସବୁକିଛି ଶେଷ ହୋଇ ଯାଇଥିଲା । କିଛି ସମୟ ପରେ ମେଡିକାଲ ର ନର୍ସ କହିଥିଲେ ତୁମର ମୃତ ଶିଶୁ କନ୍ୟା ଜନ୍ମ ହୋଇଛି ଏବଂ ଦୁଇ ଦିନ ଆଗରୁ ହିଁ ଶିଶୁଟି ପେଟରେ ମରିଯାଇଛି । ଏନେଇ ମେଡିକାଲର କର୍ମଚାରୀଙ୍କୁ ଦାୟୀ ବୋଲି ଅଭିଯୋଗ କରିଛନ୍ତି ଦ୍ଵାରିକା । ମେଡିକାଲରେ ଏପରି ଅବହେଳା କରାଯାଇଥିବାରୁ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି । ଏପରି ଆଗରୁ ଅବହେଳା ହୋଇଥିବା ମଧ୍ୟ ଅଭିଯୋଗ ହୋଇଛି ।
ଶିଶୁର ଆସିବା ବାଟକୁ ଅନାଇ ବସିଥିଲେ ପରିବାର । କିନ୍ତୁ ଏପରି ଅଘଟଣ ଘଟିବ ବୋଲି କିଏ ବା ଜାଣି ଥିଲା । ମା’ କୋଳକୁ ଆସିବା ପୂର୍ବରୁ ଯମ ଛଡ଼ାଇ ନେଲା ସବୁ ଖୁସି । ବର୍ତ୍ତମାନ ଏଭଳି ଅବହେଳା ପାଇଁ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉ ବୋଲି ବାପା ମା’ ଅଭିଯୋଗ କରିଛନ୍ତି ।
ଅଯୋଧ୍ୟା ରାମ ମନ୍ଦିରର ପ୍ରାଣ ପ୍ରତିଷ୍ଠା କରାଇଥିବା ମୁଖ୍ୟ ଆଚାର୍ଯ୍ୟ ଲକ୍ଷ୍ମୀକାନ୍ତ ଦୀକ୍ଷିତଙ୍କ ୯୦ ବର୍ଷ ବୟସରେ ଦେହାନ୍ତ ହୋଇଛି…
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…