ରାଜ୍ୟ

ଓଡିଶା ଫେରିବେ ଅଭିନେତା ବିଜୟ ମହାନ୍ତି, ସାଂସଦ ଅପରାଜିତା ଷଡଙ୍ଗୀ ଭୁବନେଶ୍ବର ଆଣି କରିବେ ଚିକିତ୍ସା

କେନ୍ୟୁଜ୍(ବ୍ୟୁରୋ):  ଓଡିଶା ଫେରିବେ ଅଭିନେତା ବିଜୟ ମହାନ୍ତି। ମେ ୨୫ ତାରିଖରୁ ଅଭିନେତା ବିଜୟ ମହାନ୍ତି ହୃଦ୍‌ଘାତର ଶିକାର ହୋଇ ହାଇଦ୍ରାବାଦର ଏକ ଘରୋଇ ହସ୍ପିଟାଲରେ ଚିକିତ୍ସିତ ହୋଇଛନ୍ତି । ଏହି  ସମୟରେ ସେ ଓଡିଶା ଫେରିବା ପାଇଁ ଚାହୁଁଛନ୍ତି ବୋଲି ବିଜୟ ମାହନ୍ତିଙ୍କ ଝିଅ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀଙ୍କୁ କହିଛନ୍ତି। ଏଥିପାଇଁ ସାଂସଦ ମଧ୍ୟ ଅଭିନେତା ବିଜୟ ମହାନ୍ତିଙ୍କୁ କିପରି  ଓଡିଶା ଅଣାଯାଇପାରିବ ସେଥିପାଇଁ ଜୋରଦାର ଉଦ୍ୟମ ଲଗାଇଛନ୍ତି। ଏଥିପାଇଁ ଭୁବନେଶ୍ବରର  ଏକ ଘରୋଇ ଡାକ୍ତରଖାନାର ଡାକ୍ତରମାନଙ୍କ ସହ କଥା ହୋଇଥିବା କହିଛନ୍ତି ସାଂସଦ ଅମରାଜିତା। ଆଉ ଦିନେ କି ଦୁଇଦିନ ମଧ୍ୟରେ ସ୍ୱାସ୍ଥ୍ୟାବସ୍ଥାରେ ସାମାନ୍ୟ ପରିବର୍ତ୍ତନ ହେଲେ ତାଙ୍କୁ  ଓଡିଶା ଅଣାଯିବ ବୋଲି ଜଣା ପଡିଛି।

ମିଳିଥିବା ସୂଚନା ମୁତାବକ  ବିଜୟ ମହାନ୍ତିଙ୍କୂ ଏକ ସ୍ବତନ୍ତ୍ର ଆମ୍ବୁଲାନ୍ସ ଯୋଗେ ଓଡିଶା ଆଣିବା ପାଇଁ ଯୋଜନା କରାଯାଇଛି। ଯେଉଁ ଆମ୍ବୁଲାନ୍ସରେ ନିର୍ଦ୍ଧିଷ୍ଟ ଘରୋଇ ହସ୍ପିଟାଲର ଡାକ୍ତର ରହିବେ। ଶ୍ରୀଯୁକ୍ତ ମାହାନ୍ତିଙ୍କୁ ଓଡିଶା ଆଣିବାର ସମ୍ପର୍ଣ୍ଣ ପ୍ରକ୍ରିୟାରେ ପାଖାପାଖି ୭୨ ହଜାର ଟଙ୍କା ଖର୍ଚ୍ଚ ହେବ ଆଉ ତାହାର ସବୁ ଖର୍ଚ୍ଚ  ସାଂସଦ ଅପରାଜିତା ଷଡଙ୍ଗୀ  ବହନ କରିବେ ବୋଲି ସୂଚନା ଦେଇଛନ୍ତି। ସାଂସଦ କହିଛନ୍ତି  ବିଜୟ ମହାନ୍ତିଙ୍କ ପରିବାର ପକ୍ଷରୁ ଫୋନ୍‌ ଆସିଥିଲା । କଳାକାରମାନେ ବି ଯୋଗାଯୋଗ କରିଥିଲେ । ସେ ଆସି ହସ୍ପିଟାଲ୍‌ରେ ଭର୍ତ୍ତି ହେବା ପର୍ଯ୍ୟନ୍ତ ମୁଁ ସବୁ ଦାୟିତ୍ୱ ନେଇଛି । କଳାକାରମାନଙ୍କ ପ୍ରତି ରାଜ୍ୟ ସରକାରଙ୍କର ଏବଂ ଆମର କିଛି ଦାୟିତ୍ୱ ରହୁଛି । ସେ ଯେହେତୁ ଭୁବନେଶ୍ୱରର ଲୋକ ତେଣୁ ସାଂସଦ ହିସାବରେ ମୋର ବି ଦାୟିତ୍ୱ ରଚ୍ଚ ତାଙ୍କ ଦେହ ବହୁତ ଖରାପ ଅଛି ତାଙ୍କ ଝିଅଙ୍କ ସହିତ ବି କଥା ହୋଇଛି । ତା’ ପରେ ମୁଁ ଭୁବନେଶ୍ୱରର ଏକ ଘରୋଇ ହସ୍ପିଟାଲ ସହିତ କଥା ହୋଇଛି । ସେମାନେ ସେମାନଙ୍କ ଅତ୍ୟାଧୁନିକ ବ୍ୟବସ୍ଥା ଥିବା ଆମ୍ବୁଲାନ୍ସରେ ବିଜୟ ମହାନ୍ତିଙ୍କୁ ଆଣିବାର ବ୍ୟବସ୍ଥା କରିବେ ବୋଲି କହିଛନ୍ତି।

Sasmita

Recent Posts

ଘର ଭିତରେ କନିଷ୍ଠ କିରାଣିଙ୍କ ମୃତଦେହ..

ରେଢାଖୋଲ(କେନ୍ୟୁଜ): ଘର ଭିତରେ ମୃତଦେହ। ଉଦ୍ଧାର ହେଲା କନିଷ୍ଠ କିରାଣିଙ୍କ ମୃତଦେହ । ମୃତକ ରେଢାଖୋଲ ନାକଟିଦେଉଳ ତହସିଲ କାର୍ଯ୍ୟାଳୟରେ…

19 mins ago

ଚର୍ଚ୍ଚରେ ଚୋରି କରିବା ସହ ଫାଦରଙ୍କୁ ମାଡ଼ ମାରିଲେ ଚୋର, ଘଟଣାର ଚାଲିଛି ତଦନ୍ତ

ରାଉରକେଲା(କେନ୍ୟୁଜ): ଚୋରମାନେ ଘର, ଦୋକାନ, ବଜାର ଓ ମନ୍ଦିରରୁ ଚୋରି କରୁଥିବା ତ ଆପଣମାନେ ଜାଣିଥିବେ । କିନ୍ତୁ ଚୋରମାନେ…

34 mins ago

ଏମିତି ଏକ ଗାଁ ଯେଉଁଠି ଦୋଳି ନାହିଁ ସତ କିନ୍ତୁ ରହିଛି ରଜ ପର୍ବର ଦୁଇ ଗୁଣା ଉତ୍ସାହ

ଭଞ୍ଜନଗର(କେନ୍ୟୁଜ): ଓଡ଼ିଶାର ଗଣ ପର୍ବ ରଜ । ଏଥିପାଇଁ ଉତ୍ସବ ମୁଖର ଗାଆଁଠୁ ସହର ।  ବସୁଧା, ପ୍ରକୃତି ମାତାଙ୍କୁ…

35 mins ago

ଉପବାଚସ୍ପତି ପଦ ପାଇଁ ବିରୋଧୀ ଦଳଙ୍କ ଦାବି, ନହେଲେ ବାଚସ୍ପତି ନିର୍ବାଚନ ଲଢ଼ିବାକୁ ଘୋଷଣା

ନୂଆଦିଲ୍ଲୀ:ଚସ୍ପତି ପଦକୁ ନେଇ ତେଜିଲା ବିବାଦ। ଆସନ୍ତା ୨୪ ତାରିଖରୁ ଆରମ୍ଭ ହୋଇ ଜୁଲାଇ ୩ ତାରିଖ ପର୍ଯ୍ୟନ୍ତ ଚାଲିବ…

60 mins ago

ବିବାହ ଉତ୍ସବରେ ରକ୍ତଦାନ ଶିବିର, ନବଦମ୍ପତି ସୃଷ୍ଟି କଲେ ନିଆରା ଉଦାରଣ

ଜଳେଶ୍ୱର (କେନ୍ୟୁଜ): ନିଜର ବିବାହ ଉତ୍ସବକୁ ସ୍ମରଣୀୟ କରିବା ପାଇଁ ଆଜିର ଯୁବପିଢୀ ଭିନ୍ନ ଭିନ୍ନ ଢଙ୍ଗରେ ଏହାକୁ ପାଳନ…

1 hour ago

ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଅଧୀନରେ ବିଗ୍ ଫୋର୍, ରହିବ ଅନେକ ଚ୍ୟାଲେଞ୍ଜ

କେନ୍ୟୁଜ (ବ୍ୟୁରୋ) : ବିଭାଗ ବଣ୍ଟନ ସରିଛି । ଏବେ ଦାୟିତ୍ୱ ନେବା ପରେ ମନ୍ତ୍ରୀମାନଙ୍କ ଆଗରେ ରହିବ ଅନେକ ଚ୍ୟାଲେଞ୍ଜ…

1 hour ago