ଭୁବନେଶ୍ୱର(କେ ନ୍ୟୁଜ): ଆଉ ଦୌଡ଼ିବାକୁ ପଡିବ ନାହିଁ ପରିବହନ ଅଫିସ । ଆରଟିଓ ଯିବା ଏବେ ଇତିହାସ ପାଲଟି ଯିବ । ସବୁ କିଛି ହେବ ପେପର ଲେସ୍ । ଗାଡ଼ି କିଣିଲେ କି ମାଲିକାନା ବଦଳିଲେ ଆରଟିଓ ଅଫିସକୁ ଯିବାକୁ ପଡିବ ନାହିଁ । ସବୁ କିଛି ହେବ ଅନ୍ ଲାଇନ୍ । ଇଣ୍ଟର ଷ୍ଟେଟ୍ ବସ ପରମିଟ୍ ହେଉ କି ଲର୍ଣ୍ଣରସ ଲାଇସେନ୍ସ ପାଇଁ ଅନଲାଇନରେ ହେବ ଆବେଦନ । ଆପଣ ଗାଡି କିଣିଲେ ଡିଲର ସବୁ ଦସ୍ତାବିଜ୍ ସ୍କାନ କରି, ଡିଜିଟାଲ ସିଗ୍ନେଚର ସହ ଅପଲୋଡ୍ କରିବେ । ଟିକସ ପୈଠ କ୍ଷଣି ତୁରନ୍ତ ମିଳିଯିବ ରେଜିଷ୍ଟ୍ରେସନ ନମ୍ବର । ବ୍ୟକ୍ତିଗତ ଭାବେ ଆରଟିଓ ଯାଇ କାଗଜପତ୍ର ଦେବାକୁ ପଡିବ ନାହିଁ । ଏପରିକି ଆପଣ ଗାଡ଼ି କିଣିଲେ ଆପଣ ରାଜ୍ୟର ଯେକୌଣସି ଆରଟିଓରେ ପଞ୍ଜୀକରଣ କରିପାରିବେ। ସେଠାକୁ ଯିବାକୁ ପଡିବ ନାହିଁ । ଆଜି ପରିବହନ ବିଭାଗର ୯ଟି ସେବାକୁ ଅନଲାଇନ କରାଯାଇଛି।
ସେଗୁଡିକ ହେଲା ସ୍ୱୟଂକ୍ରିୟ ଓ ବାଧାହୀନ ଯାନ ପଞ୍ଜିକରଣ, ଚୁକ୍ତିମୂଳକ ଗାଡ଼ିର ଅନୁମତି ପତ୍ର ସ୍ୱୟଂକ୍ରିୟ ପ୍ରକ୍ରିୟାରେ ଅନୁମୋଦନ । ଟ୍ରକର ଅନୁମତି ପତ୍ର ସ୍ୱୟଂ କ୍ରିୟା ପ୍ରକ୍ରିୟାରେ ଅନୁମୋଦନ, ବସ୍ ପାଇଁ ରାଜ୍ୟ ମଧ୍ୟରେ ସ୍ୱତନ୍ତ୍ର ଅନୁମତି, ଆନ୍ତର୍ଜାତିକ ଗାଡ଼ି ଚାଳନା ପାଇଁ ଅନୁମତି ପତ୍ର । ସେହିପରି ଲର୍ଣ୍ଣରସ୍ ଲାଇସେନ୍ସ ପାଇଁ ଉମଙ୍ଗ ଆପ୍, ରାଜ୍ୟରେ ଯେକୌଣସି ଆରଟିଓରେ ଗାଡି ପଞ୍ଜୀକରଣର ନବୀକରଣ, ରାଜ୍ୟର ଯେ କୌଣସି ଆରଟିଓରେ ଗାଡ଼ିର ମାଲିକାନା ପରିବର୍ତ୍ତନ ପାଇଁ ଅନଲାଇନ ସେବା ଆରମ୍ଭ ହୋଇଛି । ଏହି କଣ୍ଟାକ୍ଟଲେସ୍ ଓ ପେପରଲେସ୍ କାର୍ଯ୍ୟ ଯୋଗୁଁ ଗୋଟିଏ ବର୍ଷରେ ଗୋଟିଏ କୋଟି କାଗଜ ପୃଷ୍ଠା ନଷ୍ଟ ହେବାରୁ ରକ୍ଷା ପାଇବ। ଅର୍ଥାତ ୧୦୦୦ ଗଛ ରକ୍ଷା ପାଇବ ।
ଟିମ୍ ଇଣ୍ଡିଆର ପୂର୍ବତନ କ୍ରିକେଟର ଗୌତମ ଗମ୍ଭୀର ବର୍ତ୍ତମାନ ଚର୍ଚ୍ଚାରେ । ଗମ୍ଭୀରଙ୍କ ମେଣ୍ଟରଶିପ୍ରେ କୋଲକାତା ନାଇଟ୍ ରାଇଡର୍ସ (KKR)…
ଭୁବନେଶ୍ୱର(କେନ୍ୟୁଜ୍): ପାରିବାରିକ ମାସିକ ପତ୍ରିକା କାଦମ୍ବିନୀ ପକ୍ଷରୁ ପାଳିତ ହୋଇଯାଇଛି ଆର୍ଟ ଅଫ୍ ଗିଭିଂ ଦିବସ। ଭୁବନେଶ୍ବର ଭରତପୁର ବସ୍ତିରେ…
ପ୍ରତିଦିନ ବୈଜ୍ଞାନିକମାନେ ପୃଥିବୀରେ ନୂତନ ଅନୁସନ୍ଧାନ ଜାରି ରଖିଛନ୍ତି, ଯାହା ମାଧ୍ୟମରେ ଆମେ ଏହାର ଅନନ୍ୟ ରହସ୍ୟ ବିଷୟରେ ନୂଆ…
ଜାପାନରେ ଏକ ମାରାତ୍ମକ ରୋଗ ଦ୍ରୁତ ଗତିରେ ବ୍ୟାପିବାରେ ଲାଗିଛି । ଏହି ରୋଗ ବ୍ୟାକ୍ଟେରିଆ ଯୋଗୁ ହୋଇଥାଏ ।…
ଇଣ୍ଡିଆନ କୋଷ୍ଟ ଗାର୍ଡ ତରଫରୁ ଭର୍ତ୍ତି ପାଇଁ ନୋଟିଫିକେସନ ଜାରି ହୋଇଛି । ଏଠାରେ ବମ୍ପର ପଦବୀରେ ଭର୍ତ୍ତି ହେଉଛି…
ବର୍ତ୍ତମାନର ଖରା ଓ ଗରମ ଯୋଗୁ ଘରୁ ବାହାରକୁ ଯିବା ବହୁତ କଷ୍ଟକର ହୋଇଯାଇଛି । ଏହା ସହ ଖରାରେ…