ଅନୁଭବ ମହାନ୍ତିଙ୍କ ଶିକ୍ଷାଗତ ଯୋଗ୍ୟତା ବିବାଦ, କଂଗ୍ରେସକୁ ଜବାବ ଦେଲେ ସାଂସଦ ଅନୁଭବ ମହାନ୍ତି

କେନ୍ୟୁଜ୍(ବ୍ୟୁରୋ): ସାଂସଦ ଅନୁଭବ ମହାନ୍ତିଙ୍କ ଶିକ୍ଷାଗତ ଯୋଗ୍ୟତାକୁ ନେଇ ଉଠିଛି ବିବାଦ । ଅନୁଭବଙ୍କ ଶିକ୍ଷାଗତ ଯୋଗ୍ୟତାକୁ ନେଇ କଂଗ୍ରେସ ପ୍ରଶ୍ନ ଉଠାଇଛି । ଯାହାର ଜବାବ ଦେଇଛନ୍ତି ଅନୁଭବ ମହାନ୍ତି । ସେ କହିଛନ୍ତି କଂଗ୍ରେସର ଅଭିଯୋଗରେ କୌଣସି ସତ୍ୟତା ନାହିଁ, ଏହା ସମ୍ପୂର୍ଣ୍ଣ ଭିତ୍ତିହୀନ । ନିର୍ବାଚନ ସମୟରେ ନିର୍ବାଚନ କମିଶନଙ୍କୁ ଦେଇଥିବା ସତ୍ୟପାଠରେ ଶିକ୍ଷାଗତ ଯୋଗ୍ୟତା ସମ୍ପୂର୍ଣ୍ଣ ଠିକ୍‌ ରହିଛି । ମୋ ବିରୋଧରେ କଂଗ୍ରେସ ମିଛ ଷଡଯନ୍ତ୍ର କରୁଛି । କିଛିଦିନ ତଳେ କେନ୍ଦ୍ରାପଡାରେ ହୋଇଥିବା ୟୁଥ୍‌ କନକ୍ଲେଭ କାର୍ଯ୍ୟକ୍ରମ ସଫଳ ହୋଇଥିବାରୁ ଏହାକୁ କଂଗ୍ରେସ ହଜମ କରିପାରୁନାହିଁ ବୋଲି ସେ କହିଛନ୍ତି । ମୁଖ୍ୟମନ୍ତ୍ରୀଙ୍କ ନିର୍ଦେଶରେ ରାଜ୍ୟ ସରକାର କେନ୍ଦ୍ରାପଡାର ବିକାଶ କାର୍ଯ୍ୟ ଚାଲିଛି । ବିଜେଡି ବହୁ ବ୍ୟବଧାନରେ ଜିତିଥିବାରୁ ବିରୋଧୀ ଏଭଳି ଅପପ୍ରଚାର କରୁଥିବା କହିଛନ୍ତି ସାଂସଦ ଅନୁଭବ ମହାନ୍ତି ।