ଅନୁଗୋଳ ଜିଲ୍ଲା ବଅଁରପାଳ ବ୍ଲକ ପିଙ୍ଗୁଆ ଗ୍ରାମ ଦେଇ ଯାଇଥିବା ଏକ ଆସ୍ ପାଇପ ଲାଇନ୍ ଫାଟି ଗାଁରେ ସୃଷ୍ଟି ହୋଇଛି ଏମିତି ପରିସ୍ଥିତି । ପିଙ୍ଗୁଆ ଗ୍ରାମ ଦେଇ ଯାଇଥିବା ଏହି ଆସ୍ ପାଇପ ଲାଇନ୍ କୌଣସି କାରଣରୁ ଫାଟି ଯାଇଥିଲା । ଏହା ଏତେ ଜୋରରେ ଫାଟିଥିଲା ଯେ ଭୟଙ୍କର ଶବ୍ଦ ହୋଇଥିଲା । ପ୍ରଚଣ୍ଡ ଶବ୍ଦ ଶୁଣିବା ପରେ ଗାଁ ଲୋକେ ବି ଚମକି ପଡ଼ିଥିଲେ । ତୁରନ୍ତ ଚାଷ ଜମିକୁ ଦୌଡ଼ିଥିଲେ ଗାଁ ଲୋକେ । ସେଠାରେ ପହଞ୍ଚି ଦେଖିବା ବେଳକୁ ଫାଟି ଯାଇଥିବା ପାଇପ୍ ରୁ ପାଉଁଶ ପାଣି ବାହାରୁଛି । ପାଉଁଶ ଓ ପାଣି ର ପ୍ରେସର୍ ଏତେ ମାତ୍ରାରେ ଥିଲା ଯେ ତାହା କିଛି ସମୟ ମଧ୍ୟରେ ସେଠାରେ ଥିବା ପାଞ୍ଚରୁ ଛଅ ଏକର ଚାଷ ଜମି ଗୁଡ଼ିକରେ ମାଡ଼ି ଯାଇଥିଲା । ପାଉଁଶ ମିଶ୍ରିତ ପାଣି ଚାଷ ଜମିରେ ମାଡ଼ି ଯିବାରୁ ସ୍ଥାନୀୟ ବାସିନ୍ଦା ଭୟଭୀତ ହୋଇପଡ଼ିଥିଲେ ।
ତେବେ ସ୍ଥାନୀୟ ଲୋକଙ୍କ କହିବା ମୁତାବକ ଦୀର୍ଘଦିନ ହେଲା ଏହି ଜାଗାରୁ ପାଇପ୍ ଫାଟି ପାଉଁଶ ପାଣି ବାହାରୁଥିବା ବେଳେ ଏହାକୁ ଠିକ୍ କରିବା ପାଇଁ କୌଣସି ପଦକ୍ଷେପ ନିଆଯାଉ ନାହିଁ । ଗ୍ରାମବାସୀ ମାନେ ନିତ୍ୟ ବ୍ୟବହାର କରୁଥିବା ପୋଖରୀରେ ମଧ୍ୟ ଏହି ପାଉଁଶ ପାଣି ପଶିଯିବାରୁ ସେଠାରେ ଏବେ ଗାଧୋଇବା କିମ୍ବା ଗୋରୁ ଗାଈମାନେ ପାଣି ପିଇବା ମଧ୍ୟ ସମ୍ଭବ ହେଉନାହିଁ । ଗ୍ରୀଷ୍ମର ପ୍ରବାହ ଅଧିକ ଥିବାରୁ ଏଭଳି ଘଟଣା ଏବେ ଚିନ୍ତାର ବିଷୟ ପାଲଟିଛି । ସେହିଭଳି ପାଇପ୍ ଫାଟିଥିବା ସ୍ଥାନର ଖୁବ ନିକଟରେ ନନ୍ଦିରା ନାଳ ଟି ଥିବାରୁ ପାଉଁଶ ପାଣି ସେଥିରେ ମିଶିବା ସମ୍ଭାବନା କୁ ଏଡ଼ାଇ ଦିଆ ଯାଇ ନପାରେ ।
ଏହି ପାଉଁଶ ପାଣି ଲୋକଙ୍କ ଘରେ ପଶୁଥିବା ମଧ୍ୟ ଅଭିଯୋଗ ହୋଇଛି । ଚାଷ ଜମିରେ ମାଡ଼ି ଯାଇଥିବା ଏହି ପାଣି ଚାଷ ଜମିର ଉର୍ବରତାକୁ ନଷ୍ଟ କରିପାରେ ବୋଲି କୁହାଯାଉଛି । କାରଣ ଏହି ପାଉଁଶ ସାଧାରଣ ପାଉଁଶ ନହୋଇ କେମିକାଲ ମିଶ୍ରିତ ପାଉଁଶ ହୋଇଥିବାରୁ ଚାଷ ଜମିର ଉର୍ବରତାକୁ ନଷ୍ଟ କରିପାରେ । ଏନେଇ ଚିନ୍ତାରେ ଅଛନ୍ତି ଚାଷୀ । ଚାଷୀମାନେ ଜମି ଉପରେ ସମ୍ପୂର୍ଣ୍ଣ ଭାବେ ନିର୍ଭର କରୁଥିବା ବେଳେ ଏହି ପାଉଁଶ ପାଣି ସେମାନଙ୍କ ଜିବୀକା ନଷ୍ଟ କରିପାରେ । ଏହି ପାଇପ୍ ଫାଟି ପ୍ରାୟତଃ ସବୁବେଳେ ପାଉଁଶ ପାଣି ଚାଷ ଜମି, ନିକଟସ୍ଥ ପୋଖରୀ ଓ ଗାଁରେ ମାଡ଼ିଯାଉଛି । ଫଳରେ ଗାଁ ଲୋକେ ନାନା ସମସ୍ୟାର ସମ୍ମୁଖୀନ ହେଉଛନ୍ତି । ଗାଁରେ ଥିବା ପଶୁ ପକ୍ଷୀମାନେ ପୋଖରୀରୁ ପାଣି ପିଇ ପାରୁ ନାହାନ୍ତି । ଯଦି ଏହି ସମସ୍ୟାକୁ ତୁରନ୍ତ ଦୃଷ୍ଟି ଦିଆଯାଆନ୍ତା ତେବେ ଗାଁ ଲୋକେ ସୁରୁଖୁରୁରେ ବାସ କରି ପାରନ୍ତେ ।
କାଲି ଭାରତ-ଇଂଲଣ୍ଡ ଟି୨୦ ବିଶ୍ୱକପ୍ ସେମିଫାଇନାଲ ଲଢ଼େଇ । ୨୦୨୨ ପରାଜୟର ବଦଲା ନେବାକୁ ପ୍ରସ୍ତୁତ ରୋହିତ ବାହିନୀ ।…
ପୁରୀ: ଆଜି ଅନୁଷ୍ଠିତ ହେବ ରଥଯାତ୍ରାର ଦ୍ୱିତୀୟ ସମନ୍ୱୟ ବୈଠକ । ପୁରୀ ପୌରସଦନ ଠାରେ ଆଇନ ମନ୍ତ୍ରୀଙ୍କ ଅଧ୍ୟକ୍ଷତାରେ…
ଜାଣନ୍ତୁ, କେତେ ରହିଛି ଆଜି ସୁନା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି…
ଭଞ୍ଜନଗର: ଭିଜିଲାନ୍ସ ଜାଲରେ ଆରଆଇ । ୭ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ । ଗଂଜାମ…
ବାଲେଶ୍ଵର: ହଟିଲା ଦିନ କର୍ଫ୍ୟୁ, ରାତି କର୍ଫ୍ୟୁ ବଳବତ୍ତର । ବାଲେଶ୍ଵରରେ ଆଜିଠୁ ରାତ୍ରିକାଳୀନ କର୍ଫ୍ୟୁ । ରାତି ୯ଟାରୁ…
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…