ଭୁବନେଶ୍ବର(କେନ୍ଯୁଜ୍) : ଆପାର୍ଟମେଣ୍ଟର ୪ ମହଲା ଉପରୁ ଡେଇଁ ଜୀବନ ହାରିଲେ ମହିଳା । ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ମୃତକ ହେଉଛନ୍ତି ଭିଜିଲାନ୍ସ ଦ୍ୱାରା ଗିରଫ ହୋଇ ଜେଲରେ ଥିବା ଓପେପା ଆକାଉଣ୍ଟସ୍ ନଳୀନି ପୃଷ୍ଟିଙ୍କ ମାଆ । ଏହି ଘଟଣା ପରେ ତାଙ୍କ ଘରୁ ଏକ ସୁଇସାଇଡ୍ ନୋଟ୍ ଜବତ କରାଯାଇଛି । ତେବେ ଏହା ଆତ୍ମହତ୍ୟା ନା ହତ୍ୟା, ସୂରାକ ଖୋଜୁଛି ପୋଲିସ ।
ମୃତକ ଦେବକୀ ପୃଷ୍ଟି । ଭିଜିଲାନ୍ସ ଦ୍ୱାରା ଗିରଫ ହୋଇ ଜେଲ୍ ଯାଇଥିବା ଓପେପା ଆକାଉଣ୍ଟସ୍ ନଳୀନି ପୃଷ୍ଟିଙ୍କ ମାଆ । ଜୟଦେବ ବିହାର ଉତ୍କଳ ଭିଲ୍ଲା ଆପାର୍ଟମେଣ୍ଟ ତଳୁ ଉଦ୍ଧାର ହୋଇଥିଲା ତାଙ୍କର ମୃତଦେହ । ଅଭିଯୋଗ ହୋଇଛି, ଆପାଟମେଣ୍ଟର ୪ ମହଲା ଉପରୁ ଡେଇଁ ଆତ୍ମହତ୍ୟା କରିଛନ୍ତି । ତାଙ୍କ ସ୍ୱମୀ କହିଛନ୍ତି, ଝିଅ ନଳୀନି ଜେଲ୍ ଯିବା ପରେ ଦେବକୀ ମାନସିକ ଅଶାନ୍ତିରେ ଥିଲେ । ଘରୁ ଜବତ ହୋଇଛି ଏକ ସୁଇସାଇଡ୍ ନୋଟ୍ । ଯେଉଁଥିରେ ଲେଖାଅଛି, ‘ମୁଁ ଜେଲ୍ ଯିବା ଭୟରେ ଘର ଛାଡୁଛି । ମୁଁ ଜାଣିଛି, ସେ ରେକର୍ଡିଂ କରିଛି । ଦୟାକରି ଫୋନ୍ କରି ମୋତେ ଖୋଜିବେ ନାହିଁ । ଦୟାକରି ଝିଅ ଜ୍ୱାଇଁକୁ ଜେଲ୍ରୁ ଶିଘ୍ର ଛାଡିଦେବେ । ମୋ ନାତି ଉପରେ କିଛି ପ୍ରଭାବ ପକାଇବେ ନାହିଁ । ପଢ଼ିସାରି ଚିଠିକୁ ଚିରିଦେବେ । ଜେଲ୍ ଯିବା ପରେ ଘରେ ଆଉ ଟଙ୍କା ନାହିଁ । ଘରେ ଚଳିବାକୁ ଅସୁବିଧା ହେଉଛି । ମେଡିସିନ୍ ଖାଇବାକୁ ଅସୁବିଧା ହେଉଛି ।’ ତେବେ ଚିଠିକୁ ନେଇ ଅନେକ ସନ୍ଦେହ ସୃଷ୍ଟି ହୋଇଛି ।
ପୋଲିସ ସୁଇସାଇଡ୍ ନୋଟ୍କୁ ଜବତ କରି ତଦନ୍ତ ଚଳାଇଛି । ପ୍ରାଥମିକ ତଦନ୍ତ ଅନୁସାରେ, ମହିଳା ଆତ୍ମହତ୍ୟା କରିଥିବା ଜଣା ପଡ଼ିଛି । ତେବେ କିଛି ସନ୍ଦେହ ଥିବାରୁ ଘଟଣାକୁ ଗୁରୁତର ସହ ନେଇଛି କମିଶନରେଟ ପୋଲିସ ।
ସର୍ବଶିକ୍ଷା ଅଭିଯାନ ଅର୍ଥ ଆତ୍ମସାତ୍ ଅଭିଯୋଗରେ ଓପେପା ଆକାଉଣ୍ଟସ୍ ନଳୀନି କୁମାରୀ ପୃଷ୍ଟିଙ୍କୁ ଗିରଫ କରିଥିଲା ଭିଜିଲାନ୍ସ । ଖୋଳତାଡ ବେଳେ ତାଙ୍କ ସ୍ୱାମୀ ତଥା ଛତ୍ରପୁର ତହସିଲଦାର୍ ବିଜୟ କୁମାର ସାହୁଙ୍କ ସମ୍ପୃକ୍ତି ମିଳିଥିଲା । ଦୁହେଁ ଗିରଫ ହୋଇ ଏବେ ଝାରପଡ଼ା ଜେଲ୍ରେ । ଖୋଳତାଡ ବେଳେ ଠାବ ହୋଇଥିଲା ୭କୋଟି ଟଙ୍କାର ସମ୍ପତ୍ତି । ନଳୀନିଙ୍କ ମାଆଙ୍କ ଆକାଉଣ୍ଟକୁ ଟଙ୍କା ଆସିଥିବା ତଦନ୍ତ ବେଳେ ଭିଜିଲାନ୍ସ ସୁରାକ୍ ପାଇଥିଲା । ଏବେ ତାଙ୍କ ଆତ୍ମହତ୍ୟା ରହସ୍ୟକୁ ବଢ଼ାଇଛି ।
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…