ଭୁବନେଶ୍ୱର (କେନ୍ୟୁଜ୍) : ବୁଲା କୁକୁରଟିଏ କେଜାଣି କେମିତି ତା ମୁଣ୍ଡଟି ଗୋଟିଏ ପ୍ଲାଷ୍ଟିକ୍ ଜାର୍ ଭିତରେ ପଶି ଲାଖିଗଲା । ନିରୀହ ପଶୁଟି ତାକୁ ଆଉ ମୁହଁରୁ ବାହାର କରି ନପାରି ଇଆଡ଼େ ସିଆଡ଼େ ବୁଲୁଥାଏ । ନାଳ ନର୍ଦ୍ଦମା ବି ଜାଣି ପାରୁନଥାଏ । ଏ ଘଟଣାଟି ଘଟିଥିଲା ଭୁବନେଶ୍ୱର ସତ୍ୟନଗର ଅଞ୍ଚଳରେ । କୁକୁରଟିର କଷ୍ଟ କିନ୍ତୁ କାହା ନଜରକୁ ଆସିଲା ନାହିଁ ।
ତେବେ ଏକଥାକୁ ଲକ୍ଷ୍ୟ କଲେ ଦେବୀ ପ୍ରସାଦ ମହାକୁଡ଼ ନାମକ ଜଣେ ବ୍ୟକ୍ତି । ସେ ତୁରନ୍ତ ଟ୍ଵିଟ୍ କରି ବିଏମ୍ସିକୁ ଅନୁରୋଧ କଲେ । ଆଉ ଚଟାପଟ୍ ଆକସନ୍ ନେଲା ବିଏମ୍ସି । ଏହାର ଏକ ଟିମ୍ କୁକୁରଟିକୁ ଠାବ କରି ତା ମୁହଁରେ ଲାଗିଥିବା ଜାର୍ଟିକୁ ବାହାର କରିବା ସହ ଚିକିତ୍ସା ମଧ୍ୟ କରାଇଥିଲେ । ଏ ସମ୍ପର୍କରେ ବିଏମ୍ସି କମିଶନର ସଞ୍ଜୟ ସିଂହ ସୂଚନା ଦେବା ସହିତ ପଶୁପ୍ରେମୀ ନାଗରିକଙ୍କୁ ଧନ୍ୟବାଦ ଜଣାଇଛନ୍ତି ।
ଆହୁରି ମଧ୍ୟ ବିଏମ୍ସି ପକ୍ଷରୁ ଏଭଳି ଆହତ, ଅସୁସ୍ଥ ପଶୁମାନଙ୍କ ସୁରକ୍ଷା ତଥା ଚିକିତ୍ସା ପାଇଁ ଏକ ଟୋଲ୍ ଫ୍ରି ନମ୍ବର ରହିଛି । ଏହି ନମ୍ବରରେ ଫୋନ୍ କଲେ ତୁରନ୍ତ ଏକ ଟିମ୍ ଘଟଣା ସ୍ଥଳରେ ପହଞ୍ଚିବ । ଏଥିରେ କୁକୁର ଆଦି ପଶୁ ଧରାଳି, ଜଣେ ପଶୁ ଡାକ୍ତର ପ୍ରମୁଖ ରହୁଛନ୍ତି । ଦୁର୍ଘଟଣାରେ ଆହତ କିମ୍ବା ଅସୁସ୍ଥ ପଶୁମାନଙ୍କ ପାଇଁ ଏହି ଟିମ୍ ନିର୍ଦ୍ଦିଷ୍ଟ ଭାବେ ରହିଛନ୍ତି । ତେଣୁ ଏଭଳି କିଛି ଘଟଣା ହେଲେ ଟୋଲ ଫ୍ରି ନମ୍ବରରେ ଫୋନ୍ କରିବାକୁ ଅନୁରୋଧ କରାଯାଇଛି । ଏହି ଫୋନ୍ ନମ୍ବର ହେଉଛି– 1800 345 7458।
ଭୁବନେଶ୍ୱର : ଶ୍ରୀମନ୍ଦିର ଦର୍ଶନ ବ୍ୟବସ୍ଥାକୁ ଶୃଙ୍ଖଳିତ କରିବା ନେଇ ଆଜି ସମୀକ୍ଷା କରିବେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ…
ପଶ୍ଚିମବଙ୍ଗ ଦାର୍ଜିଲିଂରେ ହୋଇଥିବା ଟ୍ରେନ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି…
ଆମେରିକାରେ ଫାଦର୍ସ ଡେ ରେ ଆୟୋଜିତ ହେଇଥିବା କାର୍ଯ୍ୟକ୍ରମରେ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଏହି ଘଟଣାରେ ବିମାନରେ ଥିବା…
ପୋଲସରା(କେନ୍ୟୁଜ): ଅସହ୍ୟ ଗରମରେ ଭକ୍ତମାନେ ଛୁଟି ଆସିଛନ୍ତି ମନ୍ଦିର । ମା’ଙ୍କ ଅପୂର୍ବ ଆଳତି ଦର୍ଶନ କରିବାର ସୌଭାଗ୍ୟ ନେଇଛନ୍ତି…
ଉତ୍ତର ପ୍ରଦେଶର ମେରଠରେ ଥିବା ଏକ ଓ୍ଵାଟର ପାର୍କରେ ଘଟିଛି ବଡ଼ ଦୁର୍ଘଟଣା । ଏଠାରେ ସ୍ଲାଇଡିଂ କରିବା ସମୟରେ…
କରଞ୍ଜିଆ : କେନ୍ଦୁଝର ଓ ମୟୂରଭଞ୍ଜରେ ୨୭ ଟିକିଆ ହାତୀପଲଙ୍କ ଉତ୍ପାତ । ଲୋକଙ୍କ ଆଖିରୁ ନିଦ ହଜି ଗଲାଣି…