ଯାଜପୁର ଟାଉନ(କେନ୍ୟୁଜ୍): ଗାଁରେ ଆତଙ୍କ ଖେଳାଇଛି କର୍କଟ। ଯାଜପୁର ଜିଲ୍ଲା ଦଶରଥପୁର ବ୍ଲକ ପାଲଟପୁର ଗାଁରେ କର୍କଟ ବା କ୍ୟାନ୍ସର ଆତଙ୍କ ଖେଳାଇଛି । ଘରେ ଘରେ ବାହାରୁଛନ୍ତି କ୍ୟାନ୍ସର ରୋଗୀ । ବିଗତ ୧୦ ବର୍ଷ ମଧ୍ୟରେ ୩୦ ରୁ ଊର୍ଦ୍ଧ୍ୱ ବ୍ୟକ୍ତିଙ୍କର ମୃତ୍ୟୁ ହୋଇଥିବା ବେଳେ ଏବେ ବି ୨୦ରୁ ଊର୍ଦ୍ଧ୍ୱ ବ୍ୟକ୍ତି ଆକ୍ରାନ୍ତ ଅଛନ୍ତି । କେଉଁ କାରଣରୁ ଏଭଳି ରୋଗ ବ୍ୟାପୁଛି ସେ ନେଇ ଚିନ୍ତାରେ ଗ୍ରାମବାସୀ । ତେବେ କେବଳ ଗୋଟିଏ ନୁହେଁ ବିଭିନ୍ନ ପ୍ରକାର କ୍ୟାନ୍ସରରେ ଆକ୍ରାନ୍ତ ହେଉଛନ୍ତି ଲୋକେ । ଏ ନେଇ ପ୍ରଶାସନ ପକ୍ଷରୁ ପଦକ୍ଷେପ ଗ୍ରହଣ କରିବାକୁ ଦାବି ହୋଇଛି।
ଏପଟେ କ୍ୟାନ୍ସରରେ ବିଭିନ୍ନ ବର୍ଗର ଲୋକେ ବି ଆକ୍ରାନ୍ତ ହେଉଛନ୍ତି । ହେଲେ ଚିକିତ୍ସା ପାଇଁ ଆର୍ଥିକ ସମ୍ବଳବାଧା ସୃଷ୍ଟି କରୁଛି । କଟକକୁ ଯାଇ କେହି କେହି ଚିକିତ୍ସା କରି ସର୍ବଶାନ୍ତ ହେଲେଣି । ଏଭଳି ସମସ୍ୟା ନେଇ ସ୍ଥାନୀୟ ସରପଂଚଙ୍କ ନେତୃତ୍ୱରେ ଗ୍ରାମବାସୀ ଜିଲ୍ଲା ପ୍ରଶାସନ ନିକଟରେ ଅଭିଯୋଗ କରିଥିଲେ । ଏ ସଂପର୍କରେ ଖବର ପାଇବା ପରେ ଜିଲ୍ଲା ପ୍ରଶାସନ ଗାଁରେ ପହଂଚି ଏହାର ଅନୁଧ୍ୟାନ କରୁଛି । ମୃତକଙ୍କ ପରିବାର ବର୍ଗକୁ ଭେଟିବା ସହିତ ବିଭିନ୍ନ କାରଣ ଖୋଜୁଛି ଜିଲା ସ୍ୱାସ୍ଥ୍ୟ ବିଭାଗ ।
ଏଥିସହିତ ଗାଁରେ କ୍ୟାନ୍ସର ରୋଗ ଚିହ୍ନଟ ପାଇଁ ସ୍ୱାସ୍ଥ୍ୟ ଶିବିର ଆୟୋଜନ କରାଯିବ ବୋଲି ଜିଲ୍ଲା ଚିକିତ୍ସା ଅଧିକାରୀ ପ୍ରତିଶୃତି ଦେଇଛନ୍ତି । କ୍ୟାନ୍ସର ରୋଗୀ ମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ କେମୋ ଥେରାପି ବ୍ୟବସ୍ଥା ରହିଛି ବୋଲି ସିଡିଏମଓ କହିଛନ୍ତି । ଏଭଳି ଏକ ଗମ୍ଭୀର ବିଷୟରେ ଜିଲ୍ଲା ପ୍ରଶାସନ ଓ ରାଜ୍ୟ ସରକାର ସ୍ୱତନ୍ତ୍ର ପଦକ୍ଷେପ ଗ୍ରହଣ କରିବା ନିହାତି ଆବଶ୍ୟକ ।
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…
ଖୋର୍ଦ୍ଧା(କେନ୍ୟୁଜ): ଖୋର୍ଦ୍ଧା ସହରକୁ ପ୍ରତିଦିନ ଲକ୍ଷ ଲକ୍ଷ ଲୋକଙ୍କ ଯାଆସ । ଏତେ ଲୋକଙ୍କ ଭିଡ ଭିତରେ ଏଠି କେମିତି ଚାଲିଛି…
ପୁରୀ (କେନ୍ୟୁଜ) : ଆଜି ପବିତ୍ର ଦେବସ୍ନାନ ପୂର୍ଣ୍ଣିମା । ଆଜି ସ୍ନାନ ବେଦୀରୁ ଗଜବେଶରେ ଅଗଣିତ ଭକ୍ତଙ୍କୁ ଦର୍ଶନ…