ହେ ପ୍ରଭୁ, ଏ କଣ ସବୁ ହେଇଗଲା । ମଣିଷ ଜୀବନ ସତରେ ପାଣି ଫୋଟକା । ଏଇନେ ଥିଲା ଆଉ ଏଇନା ନାହିଁ । ପୁଣି ଅବସ୍ଥା ଏମିତି ହେଇଛି ଦେଖିଲେ ଛାତି ଥରିଯାଉଛି । ପୂର୍ବରୁ ଦୁର୍ଘଟଣା ହେଇଛି କିନ୍ତୁ ଏମିତି ଅବସ୍ଥା ବୋଧହୁଏ କାହାରି କେବେ ହେଇନଥିବ । କାରର ଅବସ୍ଥାକୁ ଦେଖି ଅନୁମାନ କରିହେଉଛି କେତେ ଜୋରରେ ଧକ୍କା ହୋଇଛି । ଏତେ ଜୋରରେ ଆଇଚର ସହ କାରର ଦେଖା ହେଇଛି ଯେ କାର ଆଗରେ ବସିଥିବା ଜଣେ ଯୁବକ ଚାପି ହୋଇ ରହିଛନ୍ତି । ଯାହାଫଳରେ ତାଙ୍କୁ କାର ଭିତରୁ ବାହାର କରିବା ଅତ୍ୟନ୍ତ କଷ୍ଟକର ହୋଇପଡିଥିଲା ଲୋକଙ୍କ ପାଇଁ ।
କଟକ ଜିଲ୍ଲା ଆଠଗଡ ତିଗିରିଆ ଥାନା ନୂଆ ସଡକ ଛକ ନିକଟରେ ଛାତିକୁ ଥରାଇ ଦେବା ଭଳି ଦୁର୍ଘଟଣା ଘଟିଛି । ଏକ ଆଇଚର ଓ ଏକ ସ୍ୱିଫ୍ଟ ଡିଜାୟର କାର ମୁହାଁମୁହିଁ ଦେଖା ହେବା ଫଳରେ ଚାଲିଯାଇଛି କାରରେ ଥିବା ୪ ଜଣଙ୍କ ଜୀବନ । ସୂଚନାମୁତାବକ ମୃତ ଚନ୍ଦନ କୁମାର ଖଟୁଆ ଆଠଗଡ ଯାଇଥିଲେ । ଆଉ ତାଙ୍କ ସାଥିରେ ଥିଲେ ତାଙ୍କର ୪ ଜଣ ସାଙ୍ଗ । ମୋଟ ପାଞ୍ଚ ଜଣ ଆଠଗଡ ପଟୁ ତିଗିରିଆ ଆଡକୁ ଆସୁଥିଲେ । ଆଉ ଠିକ୍ ସେତିକିବେଳେ ତିଗିରିଆ ପଟୁ ଆଠଗଡ ଆଡକୁ ଆସୁଥିଲା ଏକ ଟ୍ରକ । ଆଉ ଠିକ ସେହି ବ୍ଲାକ ସ୍ପର୍ଟରେ ଘଟିଲା ଭୟଙ୍କର ଦୁର୍ଘଟଣା । ଯେଉଁଥିରେ ଅକାଳରେ ଘଟଣାସ୍ଥଳରେ ହିଁ ଚାଲିଗଲେ କାରରେ ବସିଥିବା ୩ ଜଣ ସାଙ୍ଗ । ଆଉ ଜଣେ ହସ୍ପିଟାଲରେ ହଁ ଆଖି ବୁଜିଦେଲେ । ଆଉ ଜଣେ ଗୁରୁତରଙ୍କୁ କଟକ ଏସସିବି ମେଡିକାଲକୁ ସ୍ଥାନାନ୍ତର କରାଯାଇଛି ।
ଏପଟେ ହସ୍ପିଟାଲରେ ଶବ ଭିତରୁ ଭାଇ ଖୋଜୁଛି ଚନ୍ଦନକୁ । ମୃତଦେହ ଗୁଡିକର ସ୍ଥିତି ଏମିତି ହୋଇପଡିଛି ଯେ ମୁହଁକୁ ଚିହ୍ନିବା ବି ହୋଇପଡୁଛି କଷ୍ଟକର । କାର ଭିତରୁ ଏମାନଙ୍କୁ କାଢ଼ିବା ଏତେ ଯେ ମୁସକିଲ ହୋଇଥିଲା ଯେ ଲୋକମାନେ କଟର ଆଣି କାଟିକି ବାହାର କରିଥିଲେ । ଅଗ୍ନିଶମ ବାହିନୀ ବି ସାହାଯ୍ୟ କଲେ ଉଦ୍ଧାର କରିବାରେ । ଆମ୍ବୁଲାନ୍ସ ବି ଆସି ପହଁଚିଗଲା କିନ୍ତୁ ନଥିଲା ଜୀବନ । କୁହାଯାଉଛି ଯେଉଁଠି ଦୁର୍ଘଟଣା ଘଟିଛି ସେଠାକୁ ଲୋକେ ବ୍ଲାକ ସ୍ପର୍ଟ କହୁଛନ୍ତି । ଯେଉଁଠି ପ୍ରାୟ ସମୟରେ ଘଟିଚାଲିଛି ଦୁର୍ଘଟରା । କାହିଁକିନା କଟକ ନୂଆସଡକ ରାସ୍ତା ଏତେ ଫାଇନ୍ ହେଇଯାଇଛି ଯେ ସବୁ ଗାଡି ଚାଲୁଛି ଶହେ ଶହେରେ । ଉଭୟ କାର ଓ ଟ୍ରକ ଦୃତ ଗତିରେ ଥିବା ଯୋଗୁଁ ଅକାଳରେ ଅସମରେ ୪ ଜଣଙ୍କ ଜୀବନ ଚାଲିଗଲା । କୁରହାଯାଉଛି ଯେ ଦୁର୍ଘଟଣା ପରେ ଆଇଚର ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି ।
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…
ନୂଆଦିଲ୍ଲୀ: ଆଜି ଲୋକସଭା ବାଚସ୍ପତି ନିର୍ବାଚନ । ସ୍ଵାଧୀନତା ପରେ ପ୍ରଥମ ଥର ପାଇଁ ଲୋକସଭା ବାଚିସ୍ପତି ପଦବୀ ପାଇଁ…
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…