ଭୁବନେଶ୍ବର (କେନ୍ୟୁଜ୍) : ଆଜି ଥିଲା ଅନନ୍ତ ବ୍ରତ । ତେଣୁ ଭୁବନେଶ୍ବର ଏକାମ୍ର କ୍ଷେତ୍ରରେ ବେଶ୍ ଭିଡ଼ ଲାଗିଥିଲା ଶ୍ରଦ୍ଧାଳୁଙ୍କର । ଅନନ୍ତ ବାସୁଦେବ ମନ୍ଦିରରେ ସବୁ ବର୍ଷ ଭଳି ମହିଳା ଓ ପୁରୁଷଙ୍କର ଲମ୍ବା ଧାଡ଼ି ଲାଗିଥିଲା । ଭକ୍ତମାନେ ପ୍ରଭୁଙ୍କ ଦର୍ଶନ କରିବା ସହ ପୂଜାର୍ଚ୍ଚନା କରିଥିଲେ । ହେଲେ ଏଭଳି ମଉକାକୁ ଟାକି ବସିଥାନ୍ତି କିଛି ଅସାମାଜିକ ଲୋକ । ଯେଉଁମାନେ ଟାର୍ଗେଟ୍ କରିଥିଲେ ମହିଳାଙ୍କ ସୁନା ଚେନକୁ । ଏମିତି ଏକ ଅଭିଯୋଗ ପହଞ୍ଚିଥିଲା ଲିଙ୍ଗରାଜ ଥାନାରେ । ମନ୍ଦିର ପରିସର ଭିତରୁ ସତ୍ୟ ମଞ୍ଜରୀ ମହାପାତ୍ରଙ୍କ ନାମ୍ନୀ ଜଣେ ଶିକ୍ଷୟିତ୍ରୀଙ୍କ ବେକରୁ କେହି ସୁନା ଚେନ୍ ଛିଣ୍ଡାଇ ନେଇଥିଲା । ସେ କାନ୍ଦି କାନ୍ଦି ପୋଲିସ୍ ଆଗରେ ନେହୁରା ହୋଇଥିଲେ । ଅଭିଯୋଗ କରିଥିଲେ । ତେବେ ପୋଲିସ୍ ଯେମିତି ନାଚାର ଥିଲା । କେବଳ ସତ୍ୟ ମଞ୍ଜରୀ ନୁହନ୍ତି ତାଙ୍କ ଭଳି ଅନ୍ୟ କିଛି ମହିଳା ମଧ୍ୟ ଚେନ୍ ଲୁଟେରାଙ୍କ ଶିକାର ହୋଇଥିଲେ ।
ଅନନ୍ତବାସୁଦେବ ମନ୍ଦିର ଆଗରେ ଓ ଭିତରେ ପ୍ରଭଳ ଭିଡ଼ ଲାଗିଥିଲା ବଡ଼ି ଭୋରୁ । ତେବେ ଭକ୍ତଙ୍କ ସଂଖ୍ୟା ଅନୁସାରେ ସୁରକ୍ଷା ପାଇଁ ମୁତୟନ ପୋଲିସ୍ କର୍ମଚାରୀଙ୍କ ସଂଖ୍ୟା ଥିଲା ଖୁବ୍ କମ୍ । ସେମାନେ କେବଳ ମନ୍ଦିର ଦ୍ବାରରେ ହିଁ ମୁତୟନ ଥିଲେ । ଯାହାଫଳରେ ସୁରକ୍ଷା ବ୍ୟବସ୍ଥା ପର୍ଯ୍ୟାପ୍ତ ନଥିଲା । ଖାଲି ସେତିକି ନୁହେଁ, ଚର୍ଚ୍ଚା ହେଲା ଯେ ପୋଲିସ୍ ସୁରକ୍ଷା ଦେବା ବଦଳରେ କହୁଥିଲା ଏଭଳି ଜାଗାକୁ ଚେନ୍ ପିନ୍ଧି ଆସୁଛ କାହିଁକି ? କିଛି ଅଭିଯୋଗକାରିଣୀ କେନ୍ୟୁଜ୍ ଆଗରେ ଏଭଳି ଅଭିଯୋଗ କରିଛନ୍ତି । କେବଳ ସୁନା ଚେନ୍ ନୁହେଁ, କିଛି ଲୋକଙ୍କର ମୋବାଇଲ୍ ମଧ୍ୟ ଚୋରି ହୋଇଛି ।
ଭବିଷ୍ୟତରେ ଥାନା ଅଧିକାରୀ ଏ ଦିଗରେ ପଦକ୍ଷେପ ନେବେ ବୋଲି ଆଶା କରୁଛୁ ।
ମେଷ: ଆଜିର ଦିନ ଭଲରେ କଟିବ । ଉତ୍ତମ ସ୍ୱାସ୍ଥ୍ୟ ପାଇଁ ବ୍ୟାୟାମ ଜାରି ରଖନ୍ତୁ । କୌଣସି ନୂଆ…
ଭୁବନେଶ୍ୱର : ଭାରତୀୟ ହକି ଟିମର ପ୍ରାୟୋଜକ ଆଉ ୩ ବର୍ଷ ବୃଦ୍ଧି କରାଯିବ। ହକି ଇଣ୍ଡିଆ ସହ ଆଲୋଚନା…
ବାଲେଶ୍ଵର : ବାଲେଶ୍ଵର ଜିଲ୍ଲାପାଳଙ୍କ ସାମ୍ବାଦିକ ସମ୍ମିଳନୀ । ବାଲେଶ୍ବର ସହରରେ କର୍ଫ୍ୟୁ ପରିସ୍ଥିତି ଉପରେ ସାମ୍ବାଦିକ ସମ୍ମିଳନୀ ।…
ଭୁବନେଶ୍ୱର : ପିସିସି ସଭାପତିଙ୍କୁ କାଳିମାଡ଼ । କଂଗ୍ରେସ ଭବନରେ ପିସିସି ସଭାପତି ଶରତ ପଟ୍ଟନାୟକଙ୍କୁ କାଳିମାଡ଼। ଆଜି କଂଗ୍ରେସ…
ଲମତାପୁଟ : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ବ୍ୟକ୍ତିଙ୍କ ମୃତ୍ଯୁ । ମୃତ ବ୍ୟକ୍ତି ଜଣକ ଲମତାପୁଟ ବ୍ଲକ…
ଅଗ୍ରସର ହେଲା ମୌସୁମୀ । ଓଡ଼ିଶାର ୨୪ଟି ଜିଲ୍ଲାକୁ ଛୁଇଁବା ସହ ଅଧିକ ଅଗ୍ରସର ହେଉଛି ଦକ୍ଷିଣପଶ୍ଚିମ ମୌସୁମୀ ବାୟୁ…