ଚୌଦ୍ୱାର(କେନ୍ୟୁଜ୍): ଚୌଦ୍ୱାର ତଳବଜାର ଠାରେ ଛାତ ଉପରେ ଖେଳୁଥିବା ସମୟରେ ଦୁଇ କାନ୍ଥ ମଧ୍ୟରେ ଖସି ପଡିଲା ଜଣେ ଶିଶୁ । ଦୀର୍ଘ ସମୟ ଧରି ସ୍ଥାନୀୟ ଅଞ୍ଚଳବାସୀ ଓ ଅଗ୍ନିଶମ ବାହିନୀର ଉଦ୍ୟମ ପରେ ଶିଶୁଟିକୁ ଉଦ୍ଧାର କରାଯାଇଛି । ଉଦ୍ଧାର କରାଯିବା ପରେ ଶିଶୁଟି ସାମାନ୍ୟ ଆହତ ହୋଇଥିଲେ ମଧ୍ୟ ସୁସ୍ଥ ଥିବା ଜଣାପଡ଼ିଛି । ସୂଚନା ଅନୁଯାୟୀ ଗତକାଲି ଅପରାହ୍ନ ୪ଟା ସମୟରେ ତଳ ବଜାର ଅଞ୍ଚଳର ଅମରେଶ ସାହୁଙ୍କ ପତ୍ନୀ ଅଢେଇ ବର୍ଷର ଶିଶୁ କନ୍ୟାକୁ ନେଇ ଛାତ ଉପରେ ଖେଳାଉଥିଲେ । ସେତେକି ବେଳେ ତାଙ୍କ ନିକଟକୁ ଏକ ଫୋନ କଲ ଆସିବାରୁ ସେ ଫୋନରେ ବ୍ୟସ୍ତ ରହିଥିବା ସମୟରେ ଶିଶୁ କନ୍ୟାଟି ମୁକୁଳା କୋଠାରୁ ଖସି ଯାଇଥିଲା । ତେବେ ମୁକୁଳା କୋଠା କଡ଼ରେ ଦୁଇ କାନ୍ଥ ମଧ୍ୟରେ ଥିବା ୬ ଇଞ୍ଚ ଫାଙ୍କରେ ଶିଶୁକନ୍ୟାଟି ୧୫ଫୁଟ ତଳେ ଫସି ଯାଇଥିଲା ।
ଝିଅ ଖସିପଡ଼ିବା ଦେଖି ମା’ ଚିତ୍କାର କରି କାନ୍ଦିବା ଦ୍ବାରା ନିକଟରେ ଥିବା ଲୋକେ ପାଟି ଶୁଣି ଧାଇଁ ଯାଇଥିଲେ । ଏବଂ ଶିଶୁଟି ଫସି ରହିଥିବା ଜାଣିବା ପରେ ଏହାକୁ ଉଦ୍ଧାର କରିବାକୁ ଉଦ୍ୟମ କରିଥିଲେ । ଏହି ସମୟରେ ଅଞ୍ଚଳବାସୀ ଅଗ୍ନିଶମ ବାହିନୀକୁ ଫୋନ କରିଥିଲେ । ଅଗ୍ନିଶମ କର୍ମଚାରୀମାନେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ଶିଶୁ କନ୍ୟାଟିକୁ ଉଦ୍ଧାର କରିଛନ୍ତି । ଉଦ୍ଧାର ପରେ ଶିଶୁଟିକୁ ନିକଟସ୍ଥ ଡାକ୍ତରଖାନାରେ ସ୍ୱାସ୍ଥ୍ୟାବସ୍ଥା ଯାଞ୍ଚ କରାଯିବା ପରେ ସେ ସୁସ୍ଥ ଥିବା ଜଣାପଡ଼ିଛି । ତେବେ ପରିବାର ଲୋକଙ୍କ ଅସାବଧାନତା ଯୋଗୁଁ ଶିଶୁଟି ଖସିପଡ଼ିଥିବା ଅଞ୍ଚଳବାସୀ କହିଥିବାବେଳେ ନିଶ୍ଚିତ ଅଘଟଣରୁ ଶିଶୁଟି ବର୍ତ୍ତି ଯାଇଥିବାରୁ ପରିବାର ସହ ଅଞ୍ଚଳବାସୀ ମଧ୍ୟ ଭଗବାନଙ୍କୁ ଧନ୍ୟବାଦ ଜଣାଇଛନ୍ତି ।
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…