ରାଜ୍ୟ

ନିର୍ବାଚନ ପୂର୍ବରୁ ସମସ୍ତ ଲାଇସେନ୍ସପ୍ରାପ୍ତ ବନ୍ଧୁକ ଦାଖଲ କରିବାକୁ ତାଗିଦ

ନିର୍ବାଚନ ପୂର୍ବରୁ ଦାଖଲ କରିବେ ସମସ୍ତ ଲାଇସେନ୍ସପ୍ରାପ୍ତ ବନ୍ଧୁକ । ତୁରନ୍ତ ଦାଖଲ କରିବାକୁ ତାଗିଦ କଲେ ଡିସିପି ପ୍ରତୀକ ସିଂ। ପିସ୍ତଲ, ରିଭଲଭର, ୧୨ ରାଉଣ୍ଡ ବୋର ଗନ ଦାଖଲ ନେଇ ନିର୍ଦ୍ଦେଶ। ପୂର୍ବରୁ ଏନେଇ ନୋଟିସ କରିଥିଲା କମିଶନରେଟ ପୋଲିସ।

ମଡେଲ କୋଡ୍ ଅଫ୍ କଣ୍ଡକ୍ଟ ମୁତାବକ ନିର୍ବାଚନକୁ ଅବାଧ ଓ ନିରପେକ୍ଷ କରିବା ପାଇଁ ବନ୍ଧୁକର ଅପବ୍ୟବହାର ରୋକିବା ଉପରେ ବ୍ୟକ୍ତିବିଶେଷ ତଥା ରାଇଫଲ ଆସୋସିଏସନକୁ ପୂର୍ବରୁ ଅବଗତ କରାଯାଇଥିଲା। ମୋଟ ୧୪୩୭ ଜଣ ଭୁବନେଶ୍ୱରରେ ଲାଇସେନ୍ସ ପ୍ରାପ୍ତ ବନ୍ଧୁକ ବ୍ୟବହାର କରୁଥିବା ବେଳେ ବର୍ତ୍ତମାନ ସୁଦ୍ଧା ୫୨୨ ଜଣ ବନ୍ଧୁକ ଡିପୋଜିଟ କରି ସାରିଲେଣି। ଗତ ୨୪ ଘଣ୍ଟାରେ ୧୧୧ ଜଣ ଡିପୋଜିଟ କରିଛନ୍ତି। ୭୦ ସୁରକ୍ଷା କର୍ମୀଙ୍କ ପାଖରେ ବନ୍ଧୁକ ଅଛି । ସ୍କ୍ରିନିଂ କମିଟି ବସିବା ପରେ ଅନ୍ୟ ବନ୍ଧୁକ ଗୁଡିକ ଖୁବଶୀଘ୍ର ଡିପୋଜିଟ ହେବ ବୋଲି ସୂଚନା ଦେଇଛନ୍ତି ଡିସିପି ।

ଏପଟେ ଅପରାଧିକ ଗତିବିଧି ଉପରେ ପୋଲିସର କଡ଼ା ନଜର । ନିର୍ବାଚନ ପୂର୍ବରୁ ମିଳିଲା ବିପୁଳ ପରିମାଣର ବିସ୍ଫୋରକ । ବାଣ ଗୋଦାମ ଉପରେ ପୋଲିସ ଚଢ଼ାଉ ପରେ ସାମ୍ନାକୁ ଆସିଲା ବେଆଇନ ଭାବେ ରଖା ଯାଇଥିବା ବିସ୍ଫୋରକ ପଦାର୍ଥ । ଜଟଣୀ ଥାନା ପୋଲିସ ପକ୍ଷରୁ ଚଢାଉ ବେଳେ ୪୦ କେଜିର ବିସ୍ଫୋରକ ଜବତ ହୋଇଛି। ନିର୍ବାଚନ ବେଳେ ହିଂସାକାଣ୍ଡ ଘଟାଇବା ପାଇଁ ମସୁଧା ହେଉଥିବା ସନ୍ଦେହରେ ଜଣେ ଗିରଫ ।

ଅଭିଯୁକ୍ତର ନାଁ ଉମାକାନ୍ତ ଶତପଥୀ । ପୂର୍ବରୁ ବୋମା ଜବତ ଓ ଡକାୟତି ଉଦ୍ୟମ ଘଟଣାରେ ଏହି ଅଭିଯୁକ୍ତ ସମ୍ପର୍କରେ ସୂଚନା ମିଳିଥିଲା । ପିପିଲି, ଡେଲାଙ୍ଗ, ବ୍ରହ୍ମଗିରି , ଜଟଣୀ ଓ ବାହାରକୁ ସପ୍ଲାଏ କରୁଥିଲା ବିସ୍ଫୋରକ। ଅପରାଧିଙ୍କ ବ୍ୟବହାର ପାଇଁ ସେ ଏହି ବିସ୍ଫୋରକ ରଖିଥିଲା । ନିର୍ବାଚନ ବେଳେ କିଛି ଅପ୍ରୀତିକର ପରିସ୍ଥିତି ସୃଷ୍ଟି କରିବାକୁ ତାର ଯୋଜନା ଥିଲା । କାହାକୁ ପୂର୍ବରୁ ବିସ୍ଫୋରକ ଯୋଗାଇଥିଲା ସେ ନେଇ ଖୋଳତାଡ଼ କରିଛି ପୋଲିସ ।

Niharanjan

Recent Posts

ସ୍କୁଲରେ ପାଠ ପଢ଼ାଇବେ ଅବସରପ୍ରାପ୍ତ ଅତିଥି ଶିକ୍ଷକ

ଭୁବନେଶ୍ୱର: ଅବସରପ୍ରାପ୍ତ ଅତିଥି ଶିକ୍ଷକ ପାଠ ପଢ଼ାଇବେ। ସେମାନଙ୍କ ସହ ଏଗ୍ରିମେଣ୍ଟ ହେବ, ଅଧିକ ଆଲୋଚନା ହୋଇ ନିଯୁକ୍ତି ଦିଆଯିବ।…

7 mins ago

୨ ନକଲି ନକ୍ସଲ ଗିରଫ, ଜୟପୁର ଏସଡିପିଓଙ୍କ ସୂଚନା

କୋରାପୁଟ : ଦୁଇ ନକଲି ନକ୍ସଲ ଗିରଫ । ଜୟପୁର ସଦର ଥାନା ଓ ବୈପାରିଗୁଡା ପୋଲିସର ମିଳିତ ଉଦ୍ୟମରେ…

22 mins ago

ଦିଲ୍ଲୀ ଯିବା ପୂର୍ବରୁ କୃଷି ମନ୍ତ୍ରୀଙ୍କ ବିଭାଗୀୟ ସମୀକ୍ଷା ବୈଠକ

ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…

39 mins ago

ପ୍ରଧାନମନ୍ତ୍ରୀ ମୋଦିଙ୍କ ସହିତ ହାତ ମିଳାଇଲେ ରାହୁଲ ଗାନ୍ଧି, ସଂସଦରେ ସମସ୍ତଙ୍କ ଧ୍ୟାନ ଆକର୍ଷିତ କଲା ଦୃଶ୍ୟ

ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…

51 mins ago

ଦେଢ଼ ବର୍ଷ ହେଲା ଦୋକାନକୁ ସିଲ୍‌ କରିଛି ପୋଲିସ, ହେଲେ ଭିତରୁ ଖୋଳ କଲେ ଚୋର

କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…

1 hour ago

ରଥଯାତ୍ରାର ଦ୍ଵିତୀୟ ସମନ୍ୱୟ କମିଟି ବୈଠକ, ସମସ୍ତଙ୍କ ସହଯୋଗରେ ହେବ ୨ ଦିନ ରଥଯାତ୍ରା

ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…

1 hour ago