ରାଜ୍ୟ

ନବମ ଶ୍ରେଣୀ ଛାତ୍ରଙ୍କ ଇ-ସାଇକେଲ୍, ଯାହା ଘଣ୍ଟାକୁ ୩୦ କି.ମି. ସ୍ପିଡରେ କରୁଛି ଗତି

ନୟାଗଡ(କେନ୍ଯୁଜ୍): ଦିନକୁ ଦିନ ବଢି ଚାଲିଛି ପେଟ୍ରୋଲ ଦର । ଲିଟର ପିଛା ଶହେ ଟପିଲାଣି । ଅନ୍ଯପଟେ ପେଟ୍ରୋଲ ଦର ଯେତେ ବଢିଲେ ବି ଲୋକେ ତ ଗାଡି ଚଲାଇବାକୁ ବାଧ୍ଯ । ଅନ୍ଯପଟେ ପୂର୍ବ ଅପେକ୍ଷା ଗାଡି ମଟର ସଂଖ୍ଯା ମଧ୍ଯ ବ୍ରୁଦ୍ଧି ପାଇବାରେ ଲାଗିଛି । ଯାହାଫଳରେ ସେଥିରୁ ବାହାରିଥିବା ଧୂଆଁ ପରିବେଶ ପାଇଁ କ୍ଷତିକାରକ ସାଜୁଛି। ତେଣୁ ସରକାର ଏଥିପାଇଁ ମଧ୍ଯ ଅନେକ ପଦକ୍ଷପ ଗ୍ରହଣ କରୁଛନ୍ତି । ତେବେ ଏହି ପରିପେକ୍ଷୀରେ ଜଣେ ନବମ ଶ୍ରେଣୀ ଛାତ୍ର ତିଆରି କରିଛନ୍ତି ଇ ସାଇକେଲ । ଯାହା, ସୋଲାର ଦ୍ବାରା ଚାଳିତ । ଏହି ଇ ସାଇକେଲ ନେଇ, ସେ ଓ ତାଙ୍କ ବାପା ସବୁଆଡେ ଯାଇ ପାରୁଥିବା ବେଳେ, ଏବେ ଏହି ସାଇକେଲକୁ ନେଇ ସବୁଆଡେ ଚର୍ଚା । ନୟାଗଡ ଜିଲ୍ଲା ଖଣ୍ଡପଡା ବ୍ଲକ ଯୋଗିଆପଲି ଗ୍ରାମର ମାନସ ସାହୁ । ଯିଏ ତିଆରି କରିଛନ୍ତି ଏହି ଇ- ସାଇକେଲ ।

ଦର୍ଶକବନ୍ଧୁ ମାନସଙ୍କ ବାପା ସନ୍ତୋଷ ସାହୁ ଯଏ ଘରେ ଖଲି ଠୁଙ୍ଗା ମେସିନ ପକେଇ ପରିବାର ଚଳେଇଥାନ୍ତି । ତେବେ ବିଦ୍ଯୁତ୍ ବିଭାଗ ତାଙ୍କୁ କମରସିଆଲ କରିବା ପାଇଁ ବାଧ୍ୟ କରିବା ପରେ, ସେ ବାଧ୍ୟ ହୋଇ ଦେଢ ଲକ୍ଷ ଟଙ୍କା ଖର୍ଚ କରି ଘରେ ସୋଲାର ସିଷ୍ଟମ ବସେଇଲେ । ଏବେ ସେ ସୋଲାର ଦ୍ବାରା ଘରେ ଠୁଙ୍ଗା ଖଲି ମେସିନ ଚଳେଇବା ସହ ୱାଶିଂମେସିନ , ଫ୍ରିଜ, କୁଲର, ପାଣିମଟର, ଠାରୁ ଆରମ୍ଭ କରି ସମସ୍ତ ବୈଦ୍ଯୁତିକ ଉପକରଣ ବ୍ଯବହାର କରିପାରୁଛନ୍ତି । ତେବେ ଘରେ ଲାଗିଥିବା ସୋଲାର ସିଷ୍ଟମ ଦେଖି ପୁଅ ମାନସଙ୍କ ମନକୁ ଆସିଲା ଯଦି ସୋଲାର ଦ୍ବାରା ପ୍ଳେଟ, ମଟର,ବ୍ଯାଟେରୀ ଆଣି ତାଙ୍କ ସାଇକେରେ ଲଗାଯାଏ ତେବେ ବହୁତ ଭଲ ହୁଅନ୍ତା । ଯାହାପରେ ସେ ଏଦିଗରେ କାମ ଆରମ୍ଭ କରିଦେଲେ। ଏପରିକି ସାଇକେଲରେ ପେଡାଲ ବଦଳରେ ଆକ୍ସିଲେଟର ଲଗେଇଲେ। ଏବେ ବୀନା ପେଡାଲରେ ସାଇକେଲ ଚାଲିପାରୁଛି ସାଇକେଲ । ସାଇକେଲ ଦ୍ବାରା ସେ ଏବେ ଦୈନିକ ଏକ ସହ କିଲୋମିଟର ପୁଣି ଘଣ୍ଟାକୁ ୩୦ କିମି ସ୍ପିଡରେ ଯାଇପାରୁଥିବା କହିଛନ୍ତି ।

ଅନ୍ଯପଟେ ଆରମ୍ଭରୁ ଏଥିପାଇଁ ବାପା ସହଯୋଗ କରୁନଥିବା କହିଛନ୍ତି ନବମ ଶ୍ରେଣୀରେ ପଢୁଥିବା ମାନସ । କିନ୍ତୁ ପରେ ସେ ଜିଦ କରିବାରୁ ତାଙ୍କ ବାପା ସମସ୍ତ ଉପକରଣ ଯୋଗେଇ ଦେଇଥିଲେ । ଏବେ ଏହି ସାଇକେଲ ଦ୍ବାରା ସେ ନୟାଗଡ ବଜାର ସହ ଖଣ୍ଡପଡା, ଓଡଗାଁ ପ୍ରାୟ ପଚାଶ ରୁ ଏକ ସହ କିଲୋ ମିଟର ବାଟ ଯାଇପାରୁଛନ୍ତି । ତାହାପୁଣି ବୀନା ଖର୍ଚରେ । ପେଡାଲ ମାରିବାକୁ ପଡୁନି, କି ପେଟ୍ରୋଲ ପକେଇବାକୁ ପଡୁନି , ବୀନା ପରିଶ୍ରମ ରେ ସାଇକେଲ ଚାଲୁଛି । ଏପରିକି ମାନସଙ୍କ ବାପା ବଜାର ରୁ ଏକ କୁଇଣ୍ଟାଲ ଓଜନର ଜିନିଷ ନେବା ଆଣିବା କରିପାରୁଛନ୍ତି ଏହି ସାଇକେଲରେ। ଏହାକୁ ନେଇ ଏବେ ନୟାଗଡ ଜିଲ୍ଲାରେ ଚର୍ଚା ଧରିଛି ।

ଯେଉଁ ଭଳି ଭାବେ ବର୍ତ୍ତମାନ ସମୟରେ ପେଟ୍ରୋଲ ଡିଜେଲ ଦର ବଢିବାରେ ଲାଗିଛି, ଓ ପରିବେଶ ପ୍ରଦୂଷଣ ହେଉଛି, ସେହି ସମୟ ଏହି ଇ ସାଇକେଲ ଏବେ ଲୋକଙ୍କୁ ବେଶ୍ ଆକ୍ରୁଷ୍ଟ କରିପାରିଛି । ତେବେ ଯଦି କୌଣସି ଉଦ୍ୟୋଗୀ ଏହାର ବ୍ଯବସାଇ କରଣ କରନ୍ତେ, ତେବେ ବହୁତ ଭଲ ହୁଅନ୍ତା ବୋଲି ମାନସ କହିଛନ୍ତି ।

 

 

Sonalisa

Recent Posts

ଆଜିର ରାଶିଫଳ : ଜାଣନ୍ତୁ ଆଜି କେଉଁ ରାଶିର ଛାତ୍ରଛାତ୍ରୀଙ୍କ ପାଇଁ କିପରି କଟିବ ଦିନ

ମେଷ: ଆଜିର ଦିନ ଭଲରେ କଟିବ । ଉତ୍ତମ ସ୍ୱାସ୍ଥ୍ୟ ପାଇଁ ବ୍ୟାୟାମ ଜାରି ରଖନ୍ତୁ । କୌଣସି ନୂଆ…

2 hours ago

ଭାରତୀୟ ହକି ଟିମର ପ୍ରାୟୋଜକ ଆଉ ୩ ବର୍ଷ ବୃଦ୍ଧି କରାଯିବ, ନିଷ୍ପତ୍ତି ନେଲେ ରାଜ୍ୟ ସରକାର

ଭୁବନେଶ୍ୱର : ଭାରତୀୟ ହକି ଟିମର ପ୍ରାୟୋଜକ ଆଉ ୩ ବର୍ଷ ବୃଦ୍ଧି କରାଯିବ। ହକି ଇଣ୍ଡିଆ ସହ ଆଲୋଚନା…

4 hours ago

ବାଲେଶ୍ବର ସହରରେ କର୍ଫ୍ୟୁ କୋହଳ, ଆସନ୍ତାକାଲି ଠାରୁ ଲ୍ୟାଣ୍ଡ ଲାଇନ୍ based internet ହେବ କୋହଳ

ବାଲେଶ୍ଵର :  ବାଲେଶ୍ଵର ଜିଲ୍ଲାପାଳଙ୍କ ସାମ୍ବାଦିକ ସମ୍ମିଳନୀ । ବାଲେଶ୍ବର ସହରରେ କର୍ଫ୍ୟୁ ପରିସ୍ଥିତି ଉପରେ ସାମ୍ବାଦିକ ସମ୍ମିଳନୀ ।…

5 hours ago

ପିସିସି ସଭାପତିଙ୍କୁ କାଳିମାଡ଼, କଂଗ୍ରେସ ଭବନରେ ପଶି କଲେ କାଳିମାଡ଼

ଭୁବନେଶ୍ୱର : ପିସିସି ସଭାପତିଙ୍କୁ କାଳିମାଡ଼ । କଂଗ୍ରେସ ଭବନରେ ପିସିସି ସଭାପତି ଶରତ ପଟ୍ଟନାୟକଙ୍କୁ କାଳିମାଡ଼। ଆଜି କଂଗ୍ରେସ…

5 hours ago

ବିଦ୍ୟୁତ୍ ତାର ସଂସ୍ପର୍ଶରେ ଆସି ଜଣେ ମୃତ

ଲମତାପୁଟ : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ବ୍ୟକ୍ତିଙ୍କ ମୃତ୍ଯୁ । ମୃତ ବ୍ୟକ୍ତି ଜଣକ ଲମତାପୁଟ ବ୍ଲକ…

6 hours ago

ଓଡ଼ିଶାର ୨୪ଟି ଜିଲ୍ଲାକୁ ଛୁଇଁଲା ମୌସୁମୀ, ୨ ଦିନ ଭିତରେ ସାରା ରାଜ୍ୟକୁ ଛୁଇଁବ

ଅଗ୍ରସର ହେଲା ମୌସୁମୀ । ଓଡ଼ିଶାର ୨୪ଟି ଜିଲ୍ଲାକୁ ଛୁଇଁବା ସହ ଅଧିକ ଅଗ୍ରସର ହେଉଛି ଦକ୍ଷିଣପଶ୍ଚିମ ମୌସୁମୀ ବାୟୁ…

7 hours ago