ରାୟଗଡ଼ା (କେନ୍ୟୁଜ): ରାୟଗଡ଼ା ଜିଲ୍ଲାରେ ବଢ଼ି ଚାଲିଛି ନାବାଳିକା ଅପହରଣ। ଅପହରଣକାରୀଙ୍କ ଟେର ପାଉନି ପୋଲିସ। ଏପରି ଘଟଣା ପୁଣି ଦେଖା ଦେଇଛି ରାୟଗଡ଼ା ଜିଲ୍ଲା ଚାନ୍ଦିଲି ଅଞ୍ଚଳରେ ।ଜଣେ ୧୬ବର୍ଷୀୟା ନାବାଳିକାକୁ ଦିନ ଦ୍ୱୀପହର ଘରେ ପଶି ଅପହରଣ କରି ନେଇଛନ୍ତି। ଝିଅର ଫେରିବା ବାଟକୁ ଚାହିଁ ବସିଛନ୍ତି ପରିବାର। ଘରେ କେହି ନ ଥିବାର ସୁଯୋଗ ପାଇ ୧୬ ବର୍ଷିୟ ନାବାଳିକାକୁ ଉଠାଇ ନେଲେ ଦୁର୍ବୃତ୍ତ । ଘରେ ଥିବା ଏକ ରୁମରେ ସାନ ଭଉଣୀକୁ ଭର୍ତ୍ତି କରି ବଡ ଭଉଣୀକୁ ଅପହରଣ କରିଥିବା ଅଭିଯୋଗ ହୋଇଛି ।
ଘଟଣାଟି ଘଟିଛି ରାୟଗଡା ଜିଲ୍ଲା ଚାନ୍ଦିଲି ଥାନା ଅନ୍ତର୍ଗତ ସିଙ୍ଗାପୁର ଗ୍ରାମରେ । ଅପହରଣ ଘଟଣାରେ ସ୍ଥାନୀୟ ଅଂଚଳର ଅର୍ଜୁନ କୁମାର ନାଏକ ବୋଲି ଜଣେ ଯୁବକର ହାତ ଥିବା ନେଇ ପରିବାର ପକ୍ଷରୁ ଚାନ୍ଦିଲି ଥାନାରେ ଦିଆଯାଇଥିବା ଏତଲାରେ ଉଲ୍ଲେଖ ରହିଛି । ନାବାଳିକା ଓ ତାଙ୍କ ସାନ ଭଉଣୀ ଗୋଟେ ଘରେ ଏକାକୀ ଥିବା ସମୟରେ ଅର୍ଜୁନ କୁମାର ନାମକ ଜଣେ ଯୁବକ ଓ ତାଙ୍କ ସହଯୋଗୀ ଘରେ ପଶି ନାବାଳିକାକୁ ବଳପୂର୍ବକ ମୁହଁରେ କପଡା ବାନ୍ଧି ଏକ ନୀଳ ରଙ୍ଗର କାରରେ ଅପହରଣ କରି ନେଇଥିଲେ । ନାବାଳିକାଙ୍କ ବାପା ଜଣେ ଡ୍ରାଇଭର ହୋଇଥିବାରୁ ସେ ବାହାରକୁ ଯାଇଥିବା ବେଳେ ମା ନିଜ ଚକ୍ଷୁ ପରୀକ୍ଷା ପାଇଁ ଚିକିତ୍ସାଳୟକୁ ଚାଲି ଯାଇଥିଲେ । ଏହାର ସୂଯୋଗ ନେଇ ଦୁର୍ବୁତ୍ତ କରିଥିଲେ ଅପହରଣ ।
ଥାନାରେ ଏତଲା ପରେ ଅପହରଣକାରୀଙ୍କୁ ଧରିବା ଏବଂ ନାବାଳିକାକୁ ସୁରକ୍ଷିତ ଭାବେ ଉଦ୍ଧାର କରିବା ପାଇଁ ପରିବାର ନିବେଦନ କରିଛନ୍ତି । ରାୟଗଡା ଜିଲ୍ଲାରେ ଏପରି ଘଟଣା ଲଗାତାର ଭାବେ ଘଟୁଥିବା ବେଳେ ଗୁଡାରିର ସାଇ ସ୍ୱରୁପା ନାମକ ଜଣେ ୯ବର୍ଷିୟ ନାବାଳିକା ନିଖୋଜ ଘଟଣାକୁ ଏକ ମାସ ବିତିଯାଇଥିଲେ ମଧ୍ୟ ପୋଲିସ ହାତରେ କୈାଣସି ସୁରାକ ମିଳି ପାରିନାହିଁ । ତେବେ ୧୬ ବର୍ଷିୟ ନାବାଳିକା ପାୟଲ ଚୈାରାସିଆକୁ ଅପହରଣକାରୀଙ୍କ ଠାରୁ ଚାନ୍ଦିଲି ପୋଲିସ ସୁରକ୍ଷିତ ଭାବେ ଉଦ୍ଧାର କରିପାରିବ କି ନାହିଁ ଚର୍ଚ୍ଚା ଜୋର ଧରିଛି ।
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…
ରାଇରଙ୍ଗପୁର (କେନ୍ୟୁଜ୍) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…