ମାଟିରେ ମିଶୁଛି ପୁରୀର ସର୍ବପୁରାତନ ଐତିହ୍ୟ ସମ୍ପନ୍ନ ଏମାର ମଠ । ଆଜି ଦ୍ୱିତୀୟ ଦିନରେ ମଠ ଭଙ୍ଗା କାର୍ଯ୍ୟ ଚାଲିଛି । ମାଜିଷ୍ଟ୍ରେଟ ଓ ପୋଲିସ ଉପସ୍ଥିତିରେ ପଛପଟର ଖମାର ଘର ଓ ଭଣ୍ଡାର ଘର ଭଙ୍ଗା ଯାଉଛି । ପୁରା ମଠକୁ ନିଜ ହେପାଜତକୁ ନେଇଛି ପୋଲିସ ପ୍ରଶସାନ । ମଠ ଭିତରକୁ କାହାରିକୁ ପ୍ରବେଶ କରିବାକୁ ଦିଆଯାଉନାହିଁ। ବାହାରେ ଏମାର ମଠ ଭଙ୍ଗା ଯାଉଥିବା ବେଳେ ଭିତରେ ରହିଛନ୍ତି ମଠ ମହନ୍ତ। ମହନ୍ତ ମଠ ଛାଡିବାକୁ ନାରାଜ। ତାଙ୍କ ପାଇଁ ଅସ୍ଥାୟୀ ଘରର ବ୍ୟବସ୍ଥା କରାଯାଇଛି । ହେଲେ ସେ ବର୍ତ୍ତମାନ ସୁଦ୍ଧା ନିଜ କୋଠାରୀରୁ ଆସୁନାହାନ୍ତି । ମଠ ସୁରକ୍ଷିତ ଥିବା ଦର୍ଶାଇ ସେ ବାହାରକୁ ବାହାରୁନାହାନ୍ତି । ଅସ୍ଥାୟୀ ଘରେ ପୂଜାର୍ଚ୍ଚନା କରିବା ପାଇଁ ମହନ୍ତଙ୍କୁ ବୁଝାସୁଝା କରାଯାଉଛି। କାହିଁକି ମହନ୍ତ ମଠ ଛାଡୁନାହାନ୍ତି, ତାକୁ ନେଇ ସୃଷ୍ଟି ହୋଇଛି ପ୍ରଶ୍ନବାଚୀ । ମହନ୍ତଙ୍କୁ ବାହାରକୁ ଆଣିବା ପାଇଁ ପୋଲିସ ପକ୍ଷରୁ ବଳ ପ୍ରୟୋଗ କରାଯିବ କି? ଜୋର ଜବରଦସ୍ତ ମହନ୍ତଙ୍କୁ ବାହାରକୁ ଆଣିବ କି ପୋଲିସ ? ଶହ ଶହ ବର୍ଷର ଏହି ମଠକୁ ଅତୀତରେ ବିପୁଳ ଖାଦ୍ୟଶସ୍ୟ ଆସୁଥିବାରୁ ମଠରେ ଖମାର ରହିଥିବା ପୁରୁଖା ଲୋକେ କହିଛନ୍ତି । ଉଛେଦ ପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଥିବା ବେଳେ ମୁତୟନ ହୋଇଛନ୍ତି ୩୦ ପ୍ଲାଟୁନ୍ ପୋଲିସ ଫୋର୍ସ।
ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…