ଲାଲଗଡ଼ରେ ପ୍ରଥମ ମହିଳା ଅଫିସର୍‌ ସିଆରପିଏଫ୍‌ ଆଇଜିପି ଡ. ଅର୍ଚ୍ଚନା ଶିଭାରେ

ବାଲିଗୁଡ଼ା (କେନ୍ୟୁଜ୍‌) : ଲାଲଗଡ଼ରେ ପ୍ରଥମ ଥର ଜଣେ ମହିଳା ସିଆରପିଏଫ୍‌ ବରିଷ୍ଠ ଅଧିକାରୀ l ଲାଲଗଡ଼ର ଗ୍ରାଉଣ୍ଡ ଜିରୋରେ ପ୍ରଥମ ମହିଳା ବରିଷ୍ଠ ଅଧିକାରୀ ସିଆରପିଏଫ୍‌ ଆଇଜିପି ଓଡିଶା ସେକ୍ଟର ଡ. ଅର୍ଚ୍ଚନା ଶିଭାରେ ଗସ୍ତ କରି ମାଓ ସ୍ଥିତି ଅନୁଧ୍ୟାନ କରିଛନ୍ତି । ମାଓ ଦମନ ନେଇ ରଣନୀତି ପ୍ରସ୍ତୁତ କରିଛନ୍ତି l କନ୍ଧମାଳ ଜିଲ୍ଲା ବାଲିଗୁଡା ବ୍ଲକର ମାଓ ପ୍ରବଣ ଅଞ୍ଚଳ ଡାକାରେ ପହଞ୍ଚିଥିଲେ ।

ଆଇଜିପି ଅର୍ଚ୍ଚନା ଶିଭାରେଙ୍କ ସହ ଗସ୍ତରେ ଥିଲେ ସିଆରପିଏଫ୍‌ ଅପେରସନ ଡିଆଇଜି ଅଜିତ ସଂଗବାନ, ବାଲିଗୁଡା 127 crpf ବାଟାଲିୟନ କମାଣ୍ଡାଣ୍ଟ ଯତୀନ୍ଦର ପାଲ ସିଂ ଏବଂ ଅନ୍ୟ ଅଧିକାରୀ l ହେଲିକପଟର ଯୋଗେ ପହଞ୍ଚି ଡାକା ଠାରେ ନୂତନ ଭାବେ ପ୍ରତିଷ୍ଠା ହୋଇଥିବା crpf 127 ବାଟାଲିୟନର ସି କମ୍ପାନୀ ପରିଦର୍ଶନ କରିଥିଲେ l ଡାକା ଅଂଚଳରେ ନକ୍ସଲ ବିରୋଧୀ ଅପେରସନ ପାଇଁ କାର୍ଯ୍ୟ କରୁଥିବା 127 crpf ବାଟାଲିୟନର ଅଧିକାରୀ ଓ ଯବାନଙ୍କ ସହ ଆଲୋଚନା କରିଥିଲେ । ସେମାନଙ୍କ ମନୋବଳ ବୃଦ୍ଧି କରିବା ସହ ଉତ୍ସାହିତ କରିଥିଲେ l ପରେ ସିଆରପିଏଫ୍‌ ପକ୍ଷରୁ ଆୟୋଜିତ ଜନ ସମ୍ପର୍କ ଶିବିରରେ ଯୋଗ ଦେଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ l

ଏହି ଅବସରରେ ସ୍ଥାନୀୟ ବିଦ୍ୟାଳୟର ଛାତ୍ର ଛାତ୍ରୀମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ l ସିଆରପିଏଫ୍‌ର ଏହି ଜନ ସମ୍ପର୍କ ଶିବିର ଜରିଆରେ ସଲାଗୁଡା ପଂଚାୟତର ୫୦୦ରୁ ଊର୍ଦ୍ଧ୍ୱ ସ୍ଥାନୀୟ ବାସିନ୍ଦାଙ୍କୁ ସୋଲାର ଲାଇଟ, ବାସନ କୁସନ ଓ ଖେଳ ସାମଗ୍ରୀ ବଣ୍ଟନ କରାଯାଇଥିଲା l ମାଓବାଦୀ କାର୍ଯ୍ୟକଳାପରୁ ନିବୃତ୍ତ ରହି ନିଜ ଘରକୁ ଫେରି ଆସିବା ସହ ସମାଜର ମୁଖ୍ୟ ସ୍ରୋତରେ ସାମିଲ ହୋଇ ନିଜ ଅଂଚଳ, ନିଜ ରାଜ୍ୟ ଓ ଦେଶର ବିକାଶ ଧାରାକୁ ବଜାୟ ରଖିବାକୁ ମାଓବାଦୀଙ୍କୁ ଆହ୍ୱାନ ଦେଇଛନ୍ତି ଆଇଜିପି ଡ. ଅର୍ଚ୍ଚନା ଶିଭାରେ l ଏଥିସହ ଛାତ୍ରୀମାନଙ୍କୁ ଭଲ ପାଠ ପଢି ସିଆରପିଏଫ୍‌ରେ ଯୋଗ ଦେଇ ଦେଶ ମାତୃକାର ସେବା କରିବାକୁ ନିବେଦନ କରିଛନ୍ତି ।