ଧରାପଡିଲା ଛେଳି ଚୋର: ନିସ୍ତୁକ ମାଡ଼ ମାରି ଜୋତାମାଳ ପିନ୍ଧାଇ ଗାଁ ଦାଣ୍ଡରେ ଚଲାଇଲେ ଗ୍ରାମବାସୀ

ବାଲେଶ୍ବର (କେନ୍ୟୁଜ): ଛେଳି ଚୋରକୁ ନିସ୍ତୁକ ମାଡ଼ । ଜୋତାମାଳ ପିନ୍ଧାଇ ଗାଁ ଦାଣ୍ଡରେ ଚଲାଇଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ । ଘଟଣା ଘଟିଛି ବାଲେଶ୍ବର ବସ୍ତା ଥାନା ଅନ୍ତର୍ଗତ ସାନଖୁଡି ଗ୍ରାମରେ । କରୁଣାକର ଦାସ ସେହି ଗ୍ରାମର ବଂଶୀଧର ଦାସଙ୍କ ଘରୁ ଗତକାଲି ଅପରାହ୍ନରେ ଜଣେ ଛେଳି ଚୋରି କରିଥିଲେ ।

ଖବର ପାଇ ବଂଶୀଧର ଏବଂ ତାଙ୍କ ପୁଅ କରୁଣାକରଙ୍କୁ କାବୁ କରି ଗାଁ ଲୋକଙ୍କୁ ଡକାଇ ଏକ ବୈଠକ କରିଥିଲେ । କରୁଣାକର ଛେଳି ଚୋରି କରିଥିବା ନେଇ ଦୋଷୀ ସାବ୍ଯସ୍ତ ହେବା ପରେ ଉତ୍ତ୍ଯକ୍ତ ମହିଳାମାନେ ଏକଜୁଟ ହୋଇ କରୁଣାକରଙ୍କୁ ନିର୍ଧୁମ ମାଡ଼ ମାରିଥିଲେ ା ତା ସହିତ ବେକରେ ଜୋତା ମାଳ ପକାଇ ଗାଁ ଦାଣ୍ତରେ ବୁଲାଇଥିଲେ । ପରେ ବସ୍ତା ଥାନାକୁ ନେଇଥିଲେ । ଅଭିଯୋଗକୁ ଭିତ୍ତି କରି ବସ୍ତା ପୋଲିସ ଘଟଣାର ତଦନ୍ତ କରୁଛି । ଏନେଇ ପୋଲିସ ଏବଂ ଗ୍ରାମବାସୀଙ୍କ କୌଣସି ପ୍ରତିକ୍ରିୟା ମିଳି ପାରିନାହିଁ ।