କେନ୍ୟୁଜ୍(ବ୍ୟୁରୋ): ବ୍ରଜରାଜନଗର ମୈଦାନରେ ତିନି ଯୋଦ୍ଧା, ଅଳକା-ରାଧାରାଣୀ-କିଶୋର। ସ୍ୱର୍ଗତ କିଶୋର ମହାନ୍ତିଙ୍କ ପତ୍ନୀ ଅଳକା ମହାନ୍ତିଙ୍କୁ ବିଜେଡି ପ୍ରାର୍ଥୀ କରିଛି। ବିଜେଡି ପ୍ରାର୍ଥୀ ଘୋଷଣା ପୂର୍ବରୁ ଦଳର ବରିଷ୍ଠ ନେତାଙ୍କୁ ନବୀନ ନିବାସରୁ ଡକରା ଆସିଥିଲା। ପର୍ଯ୍ୟବେକ୍ଷକଙ୍କଠାରୁ ଆରମ୍ଭ କରି ପଶ୍ଚିମ ଓଡ଼ିଶାର ଦୁଇ ହେଭିୱେଟ୍ ମନ୍ତ୍ରୀ ନବୀନ ନିବାସ ପହଞ୍ଚିବା ପରେ ଦଳ ଅଳକାଙ୍କ ନାଁ ବିଧିବଦ୍ଧ ଘୋଷଣା କରିଥିଲା। ଏହାପରେ ଦଳର ବରିଷ୍ଠ ନେତା ଅଳକାଙ୍କ ବାସଭବନକୁ ଯାଇ ତାଙ୍କୁ ଟିକେଟ ପ୍ରଦାନ କରିଥିଲେ। ସେହିପରି କଂଗ୍ରେସ କିଶୋର ପଟେଲଙ୍କୁ ପ୍ରାର୍ଥୀ କରିଛି। ପୂର୍ବରୁ ବିଜେପି ରାଧାରାଣୀ ପଣ୍ଡାଙ୍କ ନାଁ ଉପରେ ମୋହର ମାରିସାରିଛିି।
ପଶ୍ଚିମ ଓଡ଼ିଶାର କାହାର ଦମ୍ କେତେ। ଉପ ନିର୍ବାଚନ ଫଳାଫଳରୁ ଏହା ସ୍ପଷ୍ଟ ହେବ। ଗତ ପଞ୍ଚାୟତ ନିର୍ବାଚନରେ ବିଜେଡି ବ୍ରଜରାଜନଗରର ସମସ୍ତ ୪ଟି ଆସନରେ ବାଜିମାତ୍ କରିଥିଲା। ସେହିପରି ୨ଟି ଯାକ ପୌର ପରିଷଦରେ ମଧ୍ୟ ଭଲ ଫଳାଫଳ ପ୍ରଦର୍ଶନ କରିଥିଲା। ପଞ୍ଚାୟତ ଓ ପୌର ନିର୍ବାଚନରେ ଅନ୍ୟ ଦଳ ତୁଳନାରେ ୫୬ ହଜାରରୁ ଅଧିକ ଭୋଟ ପାଇଛି ବିଜେଡି। ସାଙ୍ଗଠନିକ ସ୍ଥିତି ମଜବୁତ ରହିଛି। ବିଧାୟକ, ମନ୍ତ୍ରୀଙ୍କୁ ପଞ୍ଚାୟତ ଓ ବ୍ଲକୱାରୀ ଦାୟିତ୍ୱ ମଧ୍ୟ ଦିଆଯାଇଛି। ଏବେ ଉପ ନିର୍ବାଚନରେ ୫୦ ହଜାରରୁ ଅଧିକ ଭୋଟରେ ଦଳ ବିଜୟୀ ହେବ ବୋଲି ବିଜେଡି କହିଛି। ସେପଟେ ବିଜେପି କହିଛି, ରାଧାରାଣୀ ପଣ୍ଡା ପୂର୍ବରୁ ବିଧାୟକ ଭାବେ ବ୍ରଜରାଜନଗରରୁ ନିର୍ବାଚିତ ହୋଇଥିଲେ। ଗତ ନିର୍ବାଚନରେ ବହୁ କମ୍ ମାର୍ଜିନ ହାରିଥିଲେ। ତେଣୁ ବିଜେପି ଭଲ ପ୍ରଦର୍ଶନ କରିବ। କଂଗ୍ରେକ ପ୍ରାର୍ଥୀ କିଶୋର ପଟେଲ ମଧ୍ୟ ଜଣେ ଟାଣୁଆ ନେତା। ପୂର୍ବରୁ ମନ୍ତ୍ରୀ ଓ ବାଚସ୍ପତି ଭାବେ ଦାୟିତ୍ୱ ତୁଲାଇସାରିଛନ୍ତି। ଉପ ନିର୍ବାଚନରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ପ୍ରଚାର ମଇଦାନକୁ ଓହ୍ଲାଇବେ କି ନାହିଁ ତାହା ସ୍ପଷ୍ଟ ହୋଇନାହିଁ । କିନ୍ତୁ ଆବଶ୍ୟକ ପଡ଼ିଲେ ଭର୍ଚୁଆଲ ମାଧ୍ୟମରେ ନବୀନ ପ୍ରଚାର କରିପାରନ୍ତି।
କେନ୍ୟୁଜ(ବ୍ୟୁରୋ) : ସରକାର ବଦଳିବା ପରେ ଶ୍ରୀମନ୍ଦିର ପରକ୍ରମା ପ୍ରକଳ୍ପରୁ ୫୦୦ ରୁ ଉର୍ଦ୍ଧ୍ୱ ଫୋକସ ଲାଇଟ କାଢ଼ି ନିଆଯାଇଥିବା…
ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ନାରାୟଣପୁର ଜିଲ୍ଲା ମୁଁଗେଡି ଜଙ୍ଗଲରେ ପୋଲିସ ମାଓବାଦୀ ଗୁଳିବିନିମୟ । ପୋଲିସର ଏନକାଉଣ୍ଟରରେ ୫…
ରାଜ୍ୟରେ ବିଭିନ୍ନ ସ୍ଥାନରେ ବଜ୍ରପାତ । ବଜ୍ରପାତରେ ୪ ଜଣଙ୍କ ଜୀବନ ଯାଇଛି । କରଞ୍ଜିଆର ମହୁଲଡିହା ଥାନା କୁଇଲିପାଳ…
ଭୁବନେଶ୍ବର : ପାଇଁ ରାଜ୍ୟ ସରକାରଙ୍କ ଅର୍ଥ ବିଭାଗର ସ୍ବତନ୍ତ୍ର ସଚିବ ସୁଜାତା ଆର୍ କାର୍ତ୍ତିକେୟନ୍ ୬ ମାସ ପାଇଁ…
ଭୁବନେଶ୍ୱର : ଶପଥ ଗ୍ରହଣ ଉତ୍ସବ ପାଇଁ ପ୍ରସ୍ତୁତ ହେଲାଣି ଜନତା ମୈଦାନ । ଶପଥ ନେବେ ନୂଆ ମୁଖ୍ୟମନ୍ତ୍ରୀ…
ଏନ୍ଡିଏ ସଂସଦୀୟ ଦଳ ବୈଠକରେ ଜେଡିୟୁ ମୁଖ୍ୟ ନୀତୀଶ କୁମାର ଜୋର୍ଦାର ଭାଷଣ ଦେଇଥିଲେ । ସେ ନରେନ୍ଦ୍ର ମୋଦିଙ୍କୁ…