କଟକ(କେ ନ୍ୟୁଜ): ଓଡିଶା ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ । କୋମଳମତି ଶିଶୁକୁ ନିର୍ଯାତନା ଦେଉଥିବା ମା ପାଖରେ ନୁହେଁ ବାପା ପାଖରେ ରହିବ ଶିଶୁ । ପୁରୀ ଜିଲ୍ଲା ଗୋପ ଥାନା ଅଞ୍ଚଳରେ ଘଟିଥିବା ଏଭଳି ଏକ ଘଟଣା ନେଇ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ଶିଶୁର ମାନସିକ ଓ ଶାରୀରିକ ବିକାଶ ପାଇଁ ମାଡ଼ ମାରୁଥିବା ମା’ ପାଖରେ ଶିଶୁ ରହିବା ଉଚିତ ନୁହେଁ । ଏଭଳି ସ୍ଥିତିରେ ଶିଶୁର ମନସ୍ତତ୍ତ୍ୱ ଉପରେ କୁପ୍ରଭାବ ପଡିବ ବୋଲି ହାଇକୋର୍ଟ ନିର୍ଦ୍ଦେଶନାମାରେ ସ୍ପଷ୍ଟ କରିଛନ୍ତି । ଗୋପ ଅଞ୍ଚଳର ଚକ୍ରଧର ନାୟକଙ୍କ ବିରୋଧରେ ତାଙ୍କ ପତ୍ନୀ ରୋଜାଲିନ ନାୟକ ଯୌତୁକ ର୍ନିର୍ଯାତନା ଅଭିଯୋଗ ଆଣିଥିଲେ । ସ୍ୱାମୀ ସ୍ତ୍ରୀ ଏବେ ଅଲଗା ଅଲଗା ରହୁଛନ୍ତି । ରୋଜାଲିନ ନିଜ ଶିଶୁପୁତ୍ରକୁ ଅତି ନିର୍ଦୟ ଭାବେ ମାଡ଼ ମାରୁଥିବାର ଭିଡ଼ିଓ ସୋସିଆଲ ମେଡ଼ିଆରେ ଭାଇରାଲ ହୋଇଥିଲା । ପୁରୀ ସିଡ଼ବ୍ଲୁସି ଶିଶୁକୁ ଉଦ୍ଧାର କରି ଅନ୍ୟତ୍ର ଥଇଥାନ କରିଥିଲା ।
ତେବେ ଶିଶୁର ମା’ ରୋଜାଲିନ ନାୟକ ଭିଡ଼ିଓ କନଫରେସିଂ ମାଧ୍ୟମରେ ଅଦାଲତରେ ହାଜର ହୋଇ ନିଜ ଶିଶୁକୁ ପିଟିବାର ଅଧିକାର ଅଛି ବୋଲି ହାଇକୋର୍ଟଙ୍କୁ ଯୁକ୍ତି ଦର୍ଶାଇଥିଲେ । ଗତ ୧୫ ତାରିଖରେ ଏହି ମାମଲାର ଶୁଣାଣି କରି ୭ ଦିନ ମଧ୍ୟରେ ଶିଶୁକୁ ତାର ବାପା ଚକ୍ରଧର ନାୟକଙ୍କୁ ହସ୍ତାନ୍ତର କରିବାକୁ ରୋଜାଲିନ ନାୟକଙ୍କୁ ନିର୍ଦ୍ଦେଶ ଦେଇଛନ୍ତି । ୭ ଦିନ ମଧ୍ୟରେ ଶିଶୁକୁ ହସ୍ତାନ୍ତର ନ କଲେ ଗୋପ ଥାନା ଆଇଆଇସି ଏଥିରେ ହସ୍ତକ୍ଷେପ କରି ଶିଶୁକୁ ମା ନିକଟରୁ ଆଣି ଆବେଦନ କରିଥିବା ବାପା ଚକ୍ରଧର ନାୟକଙ୍କୁ ହସ୍ତାନ୍ତର କରିବେ ବୋଲି ନିର୍ଦ୍ଦେଶନାମାରେ ସ୍ପଷ୍ଟ କରାଯାଇଛି । ହେଲେ ଏପର୍ଯ୍ୟନ୍ତ ଶିଶୁକୁ ହସ୍ତାନ୍ତର କରାଯାଇନଥିବା କହିଛନ୍ତି ଚକ୍ରଧର ନାୟକ ।
କାଲି ଭାରତ-ଇଂଲଣ୍ଡ ଟି୨୦ ବିଶ୍ୱକପ୍ ସେମିଫାଇନାଲ ଲଢ଼େଇ । ୨୦୨୨ ପରାଜୟର ବଦଲା ନେବାକୁ ପ୍ରସ୍ତୁତ ରୋହିତ ବାହିନୀ ।…
ପୁରୀ: ଆଜି ଅନୁଷ୍ଠିତ ହେବ ରଥଯାତ୍ରାର ଦ୍ୱିତୀୟ ସମନ୍ୱୟ ବୈଠକ । ପୁରୀ ପୌରସଦନ ଠାରେ ଆଇନ ମନ୍ତ୍ରୀଙ୍କ ଅଧ୍ୟକ୍ଷତାରେ…
ଜାଣନ୍ତୁ, କେତେ ରହିଛି ଆଜି ସୁନା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି…
ଭଞ୍ଜନଗର: ଭିଜିଲାନ୍ସ ଜାଲରେ ଆରଆଇ । ୭ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ । ଗଂଜାମ…
ବାଲେଶ୍ଵର: ହଟିଲା ଦିନ କର୍ଫ୍ୟୁ, ରାତି କର୍ଫ୍ୟୁ ବଳବତ୍ତର । ବାଲେଶ୍ଵରରେ ଆଜିଠୁ ରାତ୍ରିକାଳୀନ କର୍ଫ୍ୟୁ । ରାତି ୯ଟାରୁ…
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…