ଭୁବନେଶ୍ବର : ଚୀନ ପୁରୁଷ ହକି ଟିମର ଜୋରଦାର ପ୍ରାକ୍ଟିସ । ଭୁବନେଶ୍ୱରରେ ରହୁଥିବା ହୋଟେଲ ପରିସରରେ ଅଭ୍ୟାସ ଚଳାଇଛନ୍ତି ଟିମ୍ର ଖେଳାଳି । କଳିଙ୍ଗ ଷ୍ଟାଡିୟମରେ ସବୁ ଦଳର ପ୍ରାକ୍ଟିସ ପାଇଁ ବ୍ୟବସ୍ଥା ହୋଇଛି । ହେଲେ ବିଶ୍ୱକପ୍ ହକି ପାଇଁ ମଝିରେ ଆଉ ୪ ଦିନ ବାକି ରହିଲା । ଏଥିଲାଗି ଚୀନ ଦଳ ସମୟ ନଷ୍ଟ ନକରି ପୂରା ଦମ ଲଗାଇ ପ୍ରସ୍ତୁତି ଚଳାଇଛି । ଭଲ ପ୍ରଦର୍ଶନ କରିବାକୁ ସ୍ୱତନ୍ତ୍ର ଗେମ୍ ପ୍ଲାନ୍ କରିଛି ଟିମ୍ ।
ଭୁବନେଶ୍ୱରରେ ଖେଳାଳିମାନେ ରହୁଥିବା ହୋଟେଲଗୁଡ଼ିକ ଝଲସି ଉଠୁଛି । ରଙ୍ଗବେରଙ୍ଗ ଆଲୋକ ସାଙ୍ଗକୁ ସୁନ୍ଦର ସାଜସଜ୍ଜା ମନମୋହୁଛି । ହୋଟେଲ ବାହାରେ ଓ ଭିତରେ ହକି ଫିଭର । ସବୁଠି ଲାଗିଛି ମାସ୍କର୍ଟ ଓଲିର ଫଟୋ ଚିତ୍ର । ଖେଳାଳିଙ୍କୁ ସ୍ୱାଗତ କରିବା ପାଇଁ ହୋଟେଲ ସମ୍ମୁଖରେ ଲଗାଯାଇଛି ହୋର୍ଡିଂ । ସେମାନଙ୍କ ପାଇଁ ସ୍ୱତନ୍ତ୍ର ମେନ୍ୟୁ । ବିଦେଶୀ ଖାଦ୍ୟ ସହ ଦେଶୀ ଖାଦ୍ୟ ବି ପରସା ଯାଉଛି । ଓଡ଼ିଆ ଖାଦ୍ୟକୁ ବେଶ ପ୍ରଶଂସା କରିଛନ୍ତି ଚୀନ ଖେଳାଳି ।
ଅନ୍ଯପଟେ ହୋଟେଲ ଖାଦ୍ୟ ପସନ୍ଦ ନଥିବାରୁ ଇଂଲଣ୍ଡ ଖେଳାଳିମାନେ ରେଷ୍ଟୁରାଣ୍ଟରେ ଖାଇବାକୁ ସ୍ଥିର କରିଛନ୍ତି । ଏନେଇ ଇଂଲଣ୍ଡ ହକି ଦଳର କିଛି ଅଧିକାରୀ ଭୁବନେଶ୍ୱରରେ ଏକ ରେଷ୍ଟୁରାଣ୍ଟ ପସନ୍ଦ କରିଛନ୍ତି । ଆଜି ରାତିରେ ଇଂଲଣ୍ଡ ଖେଳାଳିମାନେ ଭୁବନେଶ୍ୱରରେ ପହଞ୍ଚିବାର କାଯ୍ୟର୍କ୍ରମ ରହିଛି । ସମସ୍ତ ଖେଳାଳିଙ୍କ ରହଣି ପାଇଁ ହୋଟେଲ ମେ’ ଫେୟାରରେ ବ୍ୟବସ୍ଥା କରାଯାଇଛି । ଟିମ୍ ଭୁବନେଶ୍ୱର ପହଞ୍ଚିବା ପରେ କମିଶନରେଟ ପୋଲିସ ପକ୍ଷରୁ ସମସ୍ତ ପ୍ରକାର ସୁରକ୍ଷା ଯୋଗାଇ ଦିଆଯିବ ବୋଲି ସୂଚନା ଦେଇଛନ୍ତି ଭୁବନେଶ୍ୱର ଡିସିପି ।
ଖେଳାଳି, ଅତିଥି ଓ ଦର୍ଶକଙ୍କୁ ସ୍ୱାଗତ କରିବା ପାଇଁ ସାରା ରାଜଧାନୀ ସଜେଇ ହେଲାଣି । ରାସ୍ତା ପାଖ ପାଚେରୀ, କାନ୍ଥ ସବୁଠି ହକିକୁ ନେଇ ବିଭିନ୍ନ ଚିତ୍ର ଅଙ୍କାଯାଇଥିବା ବେଳେ ନାନା କଳାକୃତି ପ୍ରସ୍ତୁତ କରାଯାଇଛି ।
ପ୍ରତିଦିନ ସୋସିଆଲ ମିଡିଆରେ ମଜାଳିଆ ଭିଡିଓ ଦେଖିବାକୁ ମିଳିଥାଏ । ସେଠାରେ ଅନେକ ଭିଡିଓ ଅଛି, ଯାହାକୁ ଆପଣ ଯେତେଥର…
ସ୍ମାର୍ଟଫୋନ୍ ବଜାରରେ ପ୍ରତିଦିନ ନୂଆ ସ୍ମାର୍ଟଫୋନ୍ ଲଞ୍ଚ କରାଯାଏ । ଏହି ଧାରା ଜୁନ୍ ମାସରେ ମଧ୍ୟ ଜାରି ରହିଛି…
ର୍ୟାପର ବାଦଶାହ ସାରା ବିଶ୍ୱରେ ଅନେକ ନାମ ଅର୍ଜନ କରିଛନ୍ତି । କେବଳ ଏତିକି ନୁହେଁ, ସେ ମ୍ୟୁଜିକ୍ ଇଣ୍ଡଷ୍ଟ୍ରୀରେ…
କଂଗ୍ରେସ ନେତା ରାହୁଲ ଗାନ୍ଧି ଇଭିଏମ୍କୁ ନେଇ ପ୍ରଶ୍ନ ଉଠାଇଛନ୍ତି । ଏହା ଭାରତର ଏକ ବ୍ଲାକ୍ ବକ୍ସ ବୋଲି…
ତାଳଚେର : କବାଟ ତାଡ଼ି ସୁନା ଲୁଟିନେଲେ ଦୁର୍ବୃତ୍ତ । ତାଳଚେର ବାଘମରାଠାରେ ହୋଇଛି ଏହି ଚୋରି । ଘରେ…
ବଲିଉଡ୍ ସୁପରଷ୍ଟାର ସଲମାନ ଖାନଙ୍କୁ ପୁଣି ମିଳିଛି ହତ୍ୟା ଧମକ । ଏହି ଘଟଣାରେ ମୁମ୍ବାଇ ସାଉଥ୍ ସାଇବର ଥାନାରେ…