ଭୁବନେଶ୍ୱର (କେନ୍ୟୁଜ୍) : ଓଡ଼ିଆ ପୁଅ କଲେ ଗିନିଜ୍ ରେକର୍ଡ଼ । ହୁଇଲ ଚେୟାରରେ କରି ଦେଖାଇଲେ କମାଲ । ଆଜି ସେ କରିଛନ୍ତି ଗିନିଜ୍ ବୁକ୍ ଅଫ୍ ଓ୍ଵାର୍ଲଡ ରେକର୍ଡ଼ । ଲଗାତର ୨୪ ଘଣ୍ଟା ହୁଇଲ ଚେୟାର ଚଳାଇ ପୂର୍ବର ବିଶ୍ୱ ରେକର୍ଡ଼ ଭାଙ୍ଗିଛନ୍ତି । ସିଏ ହେଉଛନ୍ତି ଓଡ଼ିଆ ପୁଅ ପାରା ଆଥଲେଟ୍ କମଳାକାନ୍ତ ନାୟକ । ଭୁବନେଶ୍ୱର ରାଜମହଲରୁ ମାଷ୍ଟର କ୍ୟାଣ୍ଟିନ୍କୁ ଯାଇଥିବା ରାସ୍ତାରେ ଗତକାଲି ଠାରୁ ୟୁଟର୍ଣ୍ଣ ନେଇ ନିଜ ଗାଡ଼ିକୁ ନନ୍ଷ୍ଟପ୍ ଚଲାଇଲେ । ଏଥିରେ ସେ ପୂରା କଲେ ୨୧୫.୪ କିଲୋମିଟର । ଯାହା ତାଙ୍କୁ ଗିନିଜ ରେକର୍ଡ଼ କରିବାରେ ସାହାଯ୍ୟ କରିଛି । ପୂର୍ବର ରେକର୍ଡ଼ ଥିଲା ପର୍ତ୍ତୁଗାଲର ମାରିଓ ଟ୍ରିଣ୍ଡାଆଡେଙ୍କ ନାଁରେ । ଯିଏକି ୨୪ ଘଣ୍ଟା ଭିତରେ ୧୮୨.୪ କିମି ହୁଇଲ ଚେୟାର ଚଳାଇଥିଲେ । ଗତକାଲି ଅପରାହ୍ନରେ ହୁଇଲ ଚେୟାର ଚଳାଇବା ଆରମ୍ଭ କରିଥିଲେ ଯାହା ଆଜି ଶେଷ ହୋଇଛି ।
ସାତ ବର୍ଷ ତଳେ ଏକ ଦୁର୍ଘଟଣାରେ ତାଙ୍କ ମେରୁଦଣ୍ଡରେ ଆଘାତ ଲାଗିଲା । ଶଯ୍ୟାଶାୟୀ ହୋଇ ରହିଲେ । ମନକୁ ଅନେକ ଦୁଶ୍ଚିନ୍ତା ଆସିଲା କମଳାକାନ୍ତଙ୍କର । ଏମିତିକି ଏ ଜୀବନ ହାରିଦେବା ପାଇଁ ବି ଉଦ୍ୟମ କଲେ । ସେ ନିଜେ କୁହନ୍ତି କି ସାତଥର ଉଦ୍ୟମ କରିଛନ୍ତି ଆତ୍ମହତ୍ୟା ପାଇଁ । ହେଲେ ଏଭଳି ବିଷମ ପରିସ୍ଥିତିରେ ସବୁବେଳେ ପରିବାର ଲୋକେ ତାଙ୍କୁ ସାହସ ଦେଲେ, ସହାୟତା କଲେ । ଆଉ ତା ପରେ ତାଙ୍କ ଭିତରେ ବଞ୍ଚିବାର ଇଚ୍ଛା ଜାଗି ଉଠିଲା । ମନୋବଳ ଦୃଢ଼ ହେଲା । ଆଜି ସେଇ କମଳାକାନ୍ତ ବିଶ୍ୱ ରେକର୍ଡ଼ର ଅଧିକାରୀ ହୋଇଛନ୍ତି ।
କଣ ଏଇ ୨୮ ବର୍ଷ ବୟସ୍କ କମଳାକାନ୍ତ ଏବଂ ତାଙ୍କ ପରିବାର ଠାରୁ ଆପଣମାନେ ବି କିଛି ଶିଖିବେ ନାହିଁ ? ଦୁର୍ଦ୍ଦିନରେ କିଭଳି ନିଜ ଲୋକଙ୍କ ପାଖରେ ଠିଆ ହେବ ଅସମୟରେ କିଭଳି ନିଜର ନକାରାତ୍ମକ ଚିନ୍ତାଧାରା ଦୂରେଇ ଦେଇ ମନ ଦୃଢ଼ କରିବ, ପରିସ୍ଥିତି ସହ ଲଢ଼ିବ ଆଉ ଜିତିବ, ତାର ଉଦାହରଣ ପାଲଟିଛନ୍ତି କମଳାକାନ୍ତ ଓ ତାଙ୍କ ପରିବାର ।
କମଳାକାନ୍ତ ପୂର୍ବରୁ ମଧ୍ୟ ଏକ ରେକର୍ଡ଼ର ଅଧିକାରୀ ହୋଇଥିଲେ । ୨୦୨୦ରେ ସେ ୪୨୦୦ କିଲୋମିଟର ହୁଇଲ ଚେୟାର ଚଳାଇ ଏହି ରେକର୍ଡ଼ କରିଥିଲେ ।
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…
ଉଦଳା: ଅଳିଆ ଭାବେ ପଡିଛି କୁଢ଼ କୁଢ଼ ସାଲାଇନ ଓ ଇଞ୍ଜେକସନ୍ । କିଛି ଏକ୍ସପାଏରୀ ହୋଇଛି ତ ଆଉ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ଗିରଫ କରିଛି ସିବିଆଇ । ଅବକାରୀ ନୀତି ଦୁର୍ନୀତି ମାମଲାରେ ତାଙ୍କୁ ଅଦାଲତରୁ ଗିରଫ…
ସୁନ୍ଦରଗଡ଼ : ବଜ୍ରକାପ୍ତା ଉଦ୍ଧାର । ସୁନ୍ଦରଗଡ଼ ଜିଲ୍ଲା କୁଳିପୋଷ ରେଞ୍ଜର କୁଢେଇକଳା ବିଟର ବନଲତା ଗାଁରୁ ଉଦ୍ଧାର କରାଯାଇଛି…
ଲୋକସଭାରେ ବିରୋଧୀ ନେତା ହେବେ ରାହୁଲ ଗାନ୍ଧି । ଇଣ୍ଡିଆ ବ୍ଲକ୍ ଏହା ଉପରେ ମୋହର ମାରିଛି । କଂଗ୍ରେସର…