ଭୁବନେଶ୍ୱର (କେନ୍ୟୁଜ୍): ବିଜେଡି ଫୋକସରେ ଦୁର୍ବଳ ଆସନ । ମୟୂରଭଞ୍ଜ ଜିଲ୍ଲା ଏବଂ ଭଦ୍ରକର ଧାମନଗର ପରେ ଏବେ ସୁନ୍ଦରଗଡ଼ ଜିଲ୍ଲା ଗସ୍ତରେ ବିଜେଡି ନେତା ତଥା ଫାଇଭ ଟି ଏବଂ ନବୀନ ଓଡ଼ିଶା ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ । ଗତ ୨୦୧୯ ସାଧାରଣ ନିର୍ବାଚନରେ ବିଜେଡିକୁ ଯେଉଁ ସବୁ ଆସନରେ ସଫଳତା ମିଳି ନ ଥିଲା, ତାହାରି ଉପରେ ଦଳ ଏବେ ଫୋକସ କରୁଛି ।
କାର୍ତ୍ତିକ ପାଣ୍ଡିଆନଙ୍କ ବିଭିନ୍ନ ଜିଲ୍ଲା ଗସ୍ତରୁ ଏହାର ଆଭାସ ମିଳୁଛି । ଗତ ଡିସେମ୍ବର ୧୯ରେ ମୟୂରଭଞ୍ଜ ଜିଲ୍ଲା ଗସ୍ତରେ କାର୍ତ୍ତିକ ପାଣ୍ଡିଆନ ଯାଇଥିଲେ । ଗତଥର ମୟୂରଭଞ୍ଜ ଲୋକସଭା ଆସନ ସହ ୬ଟି ବିଧାନସଭା ଆସନ ହାତଛଡା କରିଥିଲା ବିଜେଡି । ତା ପରେ ପାଣ୍ଡିଆନ ଧାମନଗର ଯାଇଥିଲେ । ୨୦୧୯ ପରଠାରୁ ୮ଟି ଉପନିର୍ବାଚନ ହୋଇଛି । କେବଳ ଧାମନଗର ଆସନକୁ ଛାଡିଲେ ବାକି ସମସ୍ତ ଆସନରେ ବିଜେଡି ଜିତିଛି ।
ଗତକାଲିଠାରୁ ବିଜେଡି ନେତା କାର୍ତ୍ତିକ ପାଣ୍ଡିଆନ ସୁନ୍ଦରଗଡ଼ ଜିଲ୍ଲା ଗସ୍ତରେ ଅଛନ୍ତି । ଗତଥର ସୁନ୍ଦରଗଡ଼ ଲୋକସଭା ଆସନ ବିଜେପି ଜିତିଥିଲା । ଏହା ଅଧୀନରେ ଥିବା ୭ ବିଧାନସଭା କ୍ଷେତ୍ରରୁ କେବଳ ରାଉରକେଲା ଏବଂ ରଘୁନାଥପଲ୍ଲୀ ଜିତିଥିଲା ବିଜେଡି । ରାଉରକେଲାରୁ ସାରଦା ନାୟକ ଏବଂ ରଘୁନାଥପଲ୍ଲୀରୁ ସୁବ୍ରତ ତରାଇ ଜିତିଥିଲେ । କିନ୍ତୁ ତଳସରା, ସୁନ୍ଦରଗଡ଼, ବୀରମିତ୍ରପୁର ବିଧାନସଭା ଆସନ ବିଜେପି ହାତେଇ ଥିବାବେଳେ ରାଜଗାଙ୍ଗପୁରରେ କଂଗ୍ରେସ ଓ ବଣେଇରେ ସିପିଏମ ପ୍ରାର୍ଥୀ ବିଧାୟକ ହୋଇଥିଲେ ।
ତେଣୁ ସୁନ୍ଦରଗଡ଼ର ସମସ୍ତ ବିଧାନସଭା ସହ ଲୋକସଭା ଆସନ ଜିତିବାକୁ ବିଜେଡି ରଣନୀତି ତିଆରି କରୁଛି । ସେହିସବୁ ଆସନରେ ଦଳୀୟ ସଙ୍ଗଠନକୁ ମଜଭୁତ କରିବା ସହ ୨୦୨୪ରେ ବିଜୟୀ ହେବା ପାଇଁ ବଡ଼ ଗେମପ୍ଲାନ ପ୍ରସ୍ତୁତ କରିଛି ବିଜେଡି ।
ପତ୍ନୀ ହୋଇ ରହିଲେ ମାସକୁ ୫ ହଜାର ଟଙ୍କା ଦେବି । ଶଶୁରଙ୍କ ଏଭଳି କଥାରେ ଥାନାରେ ପହଞ୍ଚିଛି ବୋହୂ…
ରାଜସ୍ଥାନ ଜୟପୁରସ୍ଥିତ ଏସଏମଏସ ସରକାରୀ ଡାକ୍ତରଖାନାର ଡାକ୍ତରମାନେ ଲେପ୍ରୋସ୍କୋପି ସାହାଯ୍ୟରେ ଜଣେ ଯୁବକଙ୍କର ଅପରେସନ୍ କରିଛନ୍ତି ଏବଂ ଯୁବକଙ୍କ ପେଟରୁ…
ମୋହନା(କେନ୍ୟୁଜ) : ସାରା ରାଜ୍ୟରେ ଗ୍ରୀଷ୍ମ ପ୍ରବାହ ବଢ଼ିବାରେ ଲାଗିଥିବାବେଳେ ଗଜପତି ଜିଲ୍ଲାରେ ମଧ୍ୟ ଅସହ୍ୟ ଗରମ ଅନୁଭୂତ ହେଉଛି…
ଭୁବନେଶ୍ୱର (କେନ୍ୟୁଜ): ବିଜେପି ଉପରେ ପୁଣି ବର୍ଷିଲେ କାର୍ତ୍ତିକ ପାଣ୍ଡିଆନ୍ । କେନ୍ଦ୍ରରେ ଦଶ ବର୍ଷ କ୍ଷମତାରେ ରହିବା ସତ୍ତ୍ବେ…
ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆରେ ଭର୍ତ୍ତି ପାଇଁ ନୋଟିଫିକେସନ ଜାରି ହୋଇଛି । ଏହା ଅନୁଯାୟୀ ବ୍ୟାଙ୍କରେ ବିଭିନ୍ନ ପଦବୀ…
କଟକ (କେନ୍ୟୁଜ): କଟକ scb ବଡ଼ ମେଡିକାଲରେ ଭର୍ତ୍ତି ହେଲେ ବିଧାୟକ ପ୍ରଶାନ୍ତ ଜଗଦ୍ଦେବ । ସ୍ୱାସ୍ଥ୍ୟ ଅବସ୍ଥା ଖରାପ…