କେନ୍ୟୁଜ(ବ୍ୟୁରୋ): ଗଜପତି ଜିଲ୍ଲା ଜିରାଙ୍ଗରେ ରହିଛି ଭାରତ ପୂର୍ବାଞ୍ଚଳର ସର୍ବବୃହତ ତିବ୍ଦତୀୟ ବୌଦ୍ଧ ବିହାର । ୨୦୧୦ ମସିହାରେ ବୌଦ୍ଧ ଧର୍ମଗୁରୁ ଦଲାଇଲାମାଙ୍କ ଦ୍ୱାରା ଏହି ବୌଦ୍ଧ ବିହାର ପ୍ରତିଷ୍ଠା କରାଯାଇଥିଲା । ଏହି ଅଞ୍ଚଳରେ ବହୁ ସଂଖ୍ୟକ ବୌଦ୍ଧ ଧର୍ମଗରୁ ଓ ବୌଦ୍ଧ ଧର୍ମାବଲମ୍ବୀମାନେ ଆଶ୍ରମ କରି ଦୀର୍ଘ ଦିନ ହେଲା ରହି ଆସୁଛନ୍ତି । ଏବେ କରୋନା ଯୋଗୁଁ ତାଲାବନ୍ଦ ହୋଇ ଯାଇଥିବା ଫଳରେ ପଦ୍ମସମ୍ଭବ ମହାବିହାରରେ ରହୁଥିବା ବୌଦ୍ଧ ଧର୍ମାବଲମ୍ବୀ ସାଧୁସନ୍ଥ ଓ ଏଠାରେ ଥିବା ଦୁଇଟି ଜରାନିବାସର ଅନ୍ତେବାସୀମାନେ ବହୁ ଅସୁବିଧାର ସମ୍ମୁଖୀନ ହେଉଥିଲେ । ଏହା ଜାଣିବା ପରେ କିଟ୍ ଓ କିସ୍ ପକ୍ଷରୁ ପ୍ରତିଷ୍ଠାତା ଡଃ ଅଚ୍ୟୁତ ସାମନ୍ତ ସେମାନଙ୍କ ପାଇଁ ଖାଦ୍ୟ ଓ ଅନ୍ୟାନ୍ୟ ସାମଗ୍ରୀ ପ୍ରେରଣ କରିଥିଲେ ।
ଆବଶ୍ୟକ ହେଲେ ଆଗାମୀ ଦିନରେ ଆହୁରି ଖାଦ୍ୟ ପଦାର୍ଥ ଓ ଅନ୍ୟାନ୍ୟ ସହଯୋଗ ଯୋଗାଇ ଦଆଯିବ ବୋଲି ଶ୍ରୀ ସାମନ୍ତ ମଧ୍ୟ ପ୍ରତିଶୃତି ଦେଇଛନ୍ତି। ଜିରାଙ୍ଗରେ ଥିବା ବୌଦ୍ଧ ଆଶ୍ରମ ଓ ଏହାର ଗୁରୁଜୀ ତଥା ଅନ୍ୟାନ୍ୟ ବୌଦ୍ଧ ସନ୍ୟାସୀଙ୍କ ସହ କିଟ୍ ଓ କିସ୍ ପ୍ରତିଷ୍ଠାତା ଡଃ ଅଚ୍ୟୁତ ସାମନ୍ତଙ୍କ ଦୀର୍ଘ ଦିନ ଧରି ସୁସମ୍ପର୍କ ରହି ଆସିଛି। ଏଭଳି ସମୟରେ ଆମେ ମିଳିତ ଭାବେ କରୋନାର ମୁକାବିଲା କରିପାରିବା ବୋଲି ଶ୍ରୀ ସାମନ୍ତ କହିଛନ୍ତି ।
ତାଲାବନ୍ଦ ଯୋଗୁଁ ଭାରତ ପୂର୍ବାଞ୍ଚଳର ସର୍ବବୃହତ ତିବ୍ଦତୀୟ ବୌଦ୍ଧ ବିହାର ଗଜପତି ଜିଲ୍ଲାର ଜିରାଙ୍ଗ ଠାରେ ବୌଦ୍ଧ ସନ୍ୟାସୀ ଓ ଜରାନିବାସରେ ସାଧୁସନ୍ଥମାନେ ବହୁ ଅସୁବିଧାରେ ସମ୍ମୁଖୀନ ହେଉଥିବା ବେଳେ କିସ୍ ଫାଉଣ୍ଡେସନ ପକ୍ଷରୁ ପ୍ରତିଷ୍ଠାତା ତଥା କନ୍ଧମାଳ ସାଂସଦ ଡକ୍ଟର ଅଚ୍ୟୁତ ସାମନ୍ତଙ୍କ ପରାମର୍ଶ କ୍ରମେ ସେମାନଙ୍କୁ ଖାଦ୍ୟ ଓ ଅନ୍ୟାନ୍ୟ ସାମଗ୍ରୀ ଯୋଗାଇ ଦିଆଯାଇଛି। ଗତକାଲି କିଟ ଓ କିସ ପକ୍ଷରୁ ଜିରାଙ୍ଗ ଓ ଚନ୍ଦ୍ରଗିରି ଅଞ୍ଚଳରେ ବୌଦ୍ଧ ସାଦୁସନ୍ଥ ଓ ଏଠାରେ ଥିବା ଦୁଇ ଜରାନିବାସରେ ଅନ୍ତେବାସୀଙ୍କୁ ଖାଦ୍ୟସାମଗ୍ରୀ ଯୋଗାଇ ଦିଆଯାଇଥିିଲା। ଏଥିରେ ବୌଦ୍ଧ ଗୁରୁ ଗେତ୍ରୁଲ ଜିଗ୍ମେ ରିମପୋଞ୍ଚେ କିଟ ଓ କିସକୁ ଧନ୍ୟବାଦ ଜଣାଇବା ସହ ପ୍ରତିଷ୍ଠାତା ଡକ୍ଟର ଅଚ୍ୟୁତ ସାମନ୍ତଙ୍କୁ ଆଶୀର୍ବାଦ କରିଛନ୍ତି।
ଗତକାଲି କିଟ ଓ କିସ ପକ୍ଷରୁ ଜିରାଙ୍ଗ ଓ ଚନ୍ଦ୍ରଗିରି ଅଞ୍ଚଳରେ ବୌଦ୍ଧ ସାଧୁସନ୍ଥ ଓ ଏଠାରେ ଥିବା ଦୁଇ ଜରାନିବାସରେ ଅନ୍ତେବାସୀଙ୍କୁ ଖାଦ୍ୟସାମଗ୍ରୀ ଯୋଗାଇ ଦିଆଯାଇଥିିଲା। ଯଦିଓ କୋଭିଡ-19 ଓଡ଼ିଶାରେ ଏହିଭଳି ଉପାନ୍ତ ଇଲାକାରେ ଏତେ ମାତ୍ରାରେ ଭୟଙ୍କର ରୂପ ନେଇ ନାହିଁ ତଥାପି ଏହାଠାରୁ ଆଗୁଆ ସତର୍କ ରହିବ ଉଚିତ ବୋଲି ସାଂସଦ ତଥା କିଟ ଓ କିସ୍ ପ୍ରତିଷ୍ଠାତା ଡ଼. ଅଚ୍ୟୁତ ସାମନ୍ତ ଟ୍ୱିଟ ଯୋଗେ କହିଛନ୍ତି। ଏଥିରେ ବୌଦ୍ଧ ଗୁରୁ ଗେତ୍ରୁଲ ଜିଗ୍ମେ ରିମପୋଞ୍ଚେ କିଟ ଓ କିସକୁ ଧନ୍ୟବାଦ ଜଣାଇବା ସହ ପ୍ରତିଷ୍ଠାତା ଡକ୍ଟର ଅଚ୍ୟୁତ ସାମନ୍ତଙ୍କୁ ଆଶୀର୍ବାଦ କରିଛନ୍ତି।
ସୁନା କିଣିବାକୁ ଯାଉଥିଲେ ନଜର ପକାନ୍ତୁ ଆଜି ଓଡ଼ିଶା ସମେତ ଦେଶର ପ୍ରମୁଖ ସହର ମାନଙ୍କରେ କେତେ ରହିଛି ସୁନା…
ବାଲେଶ୍ଵର (କେନ୍ୟୁଜ): ବାଲେଶ୍ଵର ବାହାନଗା ରେଳ ଦୁର୍ଘଟଣାକୁ ଆଜି ପୁରିଛି ବର୍ଷେ । ୨୦୨୩ ଜୁନ୍ ୨ ଶୁକ୍ରବାର, ସମୟ…
ଭୁବନେଶ୍ୱର (କେନ୍ୟୁଜ): ଷ୍ଟ୍ରଙ୍ଗ ରୁମରେ ଇଭିଏମ୍ । ରାଜ୍ୟରେ ୪ର୍ଥ ପର୍ଯ୍ୟାୟ ନିର୍ବାଚନ ସରିବା ପରେ ଇଭିଏମରେ ସିଲ ହୋଇଛି…
ଭୁବନେଶ୍ୱର (କେନ୍ୟୁଜ): ଜଳୁଛି ପଶ୍ଚିମ ଓଡ଼ିଶା । ଉପକୂଳରେ କଲବଲ କରୁଛି ଗରମ ଓ ଗୁଳୁଗୁଳି । ପଶ୍ଚିମ ଓଡ଼ିଶାରେ…
ମେଷ: ଦିନଟି ଆପଣଙ୍କର ଲାଭଦାୟକ ରହିବ । ସ୍ୱାସ୍ଥ୍ୟ ପ୍ରତି ଧ୍ୟାନ ଦେବାକୁ ପଡିବ । ପରିବାରରେ ସୁଖ ମିଳିବ…
ଭୁବନେଶ୍ୱର(କେନ୍ୟୁଜ୍): ଅନ୍ତର୍ଜାତୀୟ ଭଲିବଲ୍ ସଂଘ (ଏଫଆଇଭିବି) ପକ୍ଷରୁ ନୂଆ କରି ଗଠନ କରାଯାଇଥିବା ଏଫଆଇଭିବି ଭଲିବଲ୍ ଫାଉଣ୍ଡେସନର ପ୍ରତିଷ୍ଠାତା ସହଯୋଗୀ…