ଉଦଳା: କୋଭିଡ ନିୟମ ଉଲ୍ଲଂଘନ କରି ଜମିଥିଲା ଭିଡ। ଖବର ପାଇ ପହଁଚିଲା ପୋଲିସ୍। ଭିଡ ଜମିଥିବାକୁ ନେଇ ତାଗିଦ୍ କରିବା ଶେଷରେ ପୋଲିସକୁ ପଡିଲା ମହଙ୍ଗା । ଆକ୍ରମଣର କରିବା ସହିତ ପୋଲିସ୍ ଗାଡିକୁ ଭଙ୍ଗାରୁଜା କଲେ ସ୍ଥାନୀୟ ଲୋକେ । ଏଭଳି ଘଟଣା ଘଟିଛି ଶରତ ଥାନା ଦେୱାନବାହାଳି ଗ୍ରାମରେ ।
ଗତକାଲି ବିଳମ୍ବିତ ରାତିରେ ଶରତ ଥାନା ଦେୱାନବାହାଳି ଗ୍ରାମରେ ଚଇତି ପର୍ବ ପାଳନ ହେଉଥିଲା। ହେଲେ କୋଭିଡ ନିୟମକୁ ଉଲ୍ଲଂଘନ କରି ହଜାର ହଜାର ଲୋକ ଏକଜୁଟ୍ ହୋଇଥିବାର ଖବର ପାଇଥିଲା ପୋଲିସ୍ । ଖବର ପାଇବା ପରେ ପୋଲିସ୍ ଘଟଣାସ୍ଥଳରେ ପହଂଚିଥିଲା । ହେଲେ ପୋଲିସ୍ ଗାଡିକୁ ଦେଖି ତାତିଥିଲେ ଲୋକେ । ଏହା ପରେ ଯିଏ ଯେପରି ପାରିଲା ପୋଲିସ୍ ଉପରକୁ ଆକ୍ରମଣ କରିବାକୁ ଲାଗି ପଡିଲେ ।
କିଏ ପୋଲିସ୍ ଗାଡି ଉପରେ ଚଢି ଗାଡି ଭଙ୍ଗାରୁଜା କରିଥିଲା ତ କିଏ ଗାଡିର କାଚ ଭାଙ୍ଗିଥିଲା । ଏହା ସହିତ ପୋଲିସ୍କୁ ମଧ୍ଯ ଆକ୍ରମଣ କରାଯାଇଥିଲା । ୫ହଜାରରୁ ଉର୍ଦ୍ଧ୍ୱ ଲୋକ ଏକତ୍ରିତ ହୋଇ ପୋଲିସ୍ ଉପରକୁ ଆକ୍ରମଣ କରିଥିବା ବେଳେ ପୋଲିସ୍ ଗାଡିକୁ ଭାଙ୍ଗି ଚୁରମାର କରିଥିଲେ । ଘଟଣାସ୍ଥଳକୁ ଯାଇଥିବା ପୋଲିସ୍ କର୍ମଚାରୀମାନେ ନିଜ ଜୀବନ ବଂଚାଇ ଘଟଣାସ୍ଥଳରୁ ଖସି ଆସିଥିଲେ ।
ଏହି ଆକ୍ରମଣରେ ଶରତ ଥାନାର ଏଏସଆଇ ବିଶ୍ୱଜିତ୍ ଦାସ ମହାପାତ୍ର ଗୁରୁତର ହୋଇଥିବା ବେଳେ, ଜଣେ ହୋମଗାର୍ଡ ଏବଂ ଜଣେ କନେଷ୍ଟବଳ ଆହତ ହୋଇଛନ୍ତି । ଗୁରୁତର ଏଏସଆଇଙ୍କୁ ଚିକିତ୍ସା ପାଇଁ ଉଦଳା ଡାକ୍ତରଖାନାରେ ଭର୍ତି କରାଯାଇଥିବା ବେଳେ ଅବସ୍ଥା ଗୁରୁତର ଥିବାରୁ ତାଙ୍କୁ ବାରିପଦା ସ୍ଥାନାନ୍ତର କରାଯାଇଛି ।
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…