ଭୁବନେଶ୍ୱର (କେନ୍ୟୁଜ): ଦିଲ୍ଲୀପ ସାମନ୍ତରାୟଙ୍କ ମୃତ୍ୟୁ ପରେ ଭୁବନେଶ୍ବର ଘରୋଇ ହସ୍ପିଟାଲ ସମ୍ମୁଖରେ ଉତ୍ତେଜନା । ମୃତଦେହ କିଏ ନେବ ତାହା ପୋଲିସ ନିଷ୍ପତ୍ତି ନେବ । ହସ୍ପିଟାଲ କର୍ତ୍ତୃପକ୍ଷ ପୋଲିସକୁ ମୃତଦେହ ହସ୍ତାନ୍ତର କରିବେ । ପୋଲିସ ଡିଏନଏ ଟେଷ୍ଟ ପାଇଁ କହିଲେ କରିବୁ ବୋଲି କହିଛନ୍ତି ଘରୋଇ ହସ୍ପିଟାଲ ସିଇଓ । ପୂର୍ବରୁ ପରିଚୟ ଦ୍ବନ୍ଦ୍ବକୁ ନେଇ ଦିଲ୍ଲୀପଙ୍କ ଦୁଇ ଦୁଇଥର ମୃତ୍ୟୁ ହୋଇଥିଲା ।
ଗତ ରବିବାର ଦିନ ଦିଲୀପଙ୍କ ମୃତ୍ୟୁ ହୋଇଥିବା ନେଇ ତାଙ୍କ ପରିବାରକୁ ଜଣାଇବା ପରେ ଶବ ହସ୍ତାନ୍ତର କରାଯାଇଥିଲା । ତାଙ୍କର ଦାହ ସଂସ୍କାର ମଧ୍ୟ କରାଗଲା । ଦିଲୀପଙ୍କ ମୃତ୍ୟୁ ଖବର ଶୁଣିବା ପରେ ତାଙ୍କ ପତ୍ନୀ ସୌମ୍ୟାଶ୍ରୀ ଆତ୍ମହତ୍ୟା କରି ଦେଲେ । ଏପଟେ ଶୁକ୍ରବାର ରାତିରେ ଜଣାପଡ଼ିଲା କି ଦିଲୀପ ବଞ୍ଚିଛନ୍ତି । ଯାହାକୁ ନେଇ ହସପିଟାଲରେ ତୁମୁଳ କାଣ୍ଡ ସୃଷ୍ଟି ହୋଇଥିଲା । କାରଣ ସାଂଘାତିକ ତ୍ରୁଟି କରି ହସପିଟାଲ ପକ୍ଷରୁ ଆଉ ଜଣଙ୍କର ଶବ ଦିଲୀପଙ୍କ ପରିବାରକୁ ହସ୍ତାନ୍ତର କରାଯାଇଥିଲା । ପରେ ଜଣାପଡ଼ିଥିଲା ସେହି ଶବ ଦିଲୀପଙ୍କର ନୁହେଁ ଅନ୍ୟ ଜଣେ ଆହତ ଜ୍ୟୋତି ରଞ୍ଜନ ମଲ୍ଲିକଙ୍କର ଥିଲା ।
ସେପଟେ ଜ୍ୟୋତି ରଞ୍ଜନଙ୍କ ପରିବାର ଅଡ଼ି ବସିଛନ୍ତି କି ଯଦି ଜ୍ୟୋତିଙ୍କର ମୃତ୍ୟୁ ହୋଇଛି ତେବେ ତାଙ୍କ ମୃତଦେହ ସେମାନଙ୍କୁ ଦିଆଯାଉ । ହସପିଟାଲେ ବିସ୍ଫୋରଣରେ ଉଜୁଡ଼ି ଯାଇଛି ଦୁଇ ପରିବାର । ପୁରୀ ଜିଲ୍ଲା ହରିରାଜପୁର ବଅଙ୍ଗ ଗାଁର ଦିଲୀପ ସାମନ୍ତରାୟଙ୍କ ମୃତ୍ୟୁ ଘଟିଛି । ସେହିପରି ଜ୍ୟୋତି ରଞ୍ଜନଙ୍କ ଘର କଟକ ଜିଲ୍ଲା କଣ୍ଟାପଡ଼ା ବ୍ଲକ୍ ବ୍ରାହ୍ମଣସାଇଲୋ ଗାଁର । ଗତ ୩୦ ତାରିଖରେ ଜ୍ୟୋତିରଂଜନଙ୍କ ମୃତ୍ୟୁ ଘଟିଥିଲା । ବିସ୍ଫୋରଣ ଘଟଣାରେ ମୋଟ ୩ ଜଣଙ୍କର ମୃତ୍ୟୁ ହୋଇଛି । ଦିଲୀପ ଓ ଜ୍ୟୋତି ରଞ୍ଜନଙ୍କ ସମେତ ଶ୍ରୀତମ ସାହୁ ମୃତ୍ୟୁ ବରଣ କରିଛନ୍ତି ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…