ନିଜ ମନକୁ ବୁଝାଇ ପାରୁନାହାନ୍ତି ଏଇ ଅବୋଧ ସ୍ୱାମୀ ଜଣକ । ଡାକ୍ତର ମୃତ ଘୋଷଣା କରିଦେଇଛନ୍ତି ସତ କିନ୍ତୁ ସ୍ୱାମୀ ମାନିବାକୁ ନାରାଜ । ଲାଗିପଡ଼ି ଚେଷ୍ଟା କରୁଛନ୍ତି କାଳେ ଶେଷ ମୁହୂର୍ତ୍ତରେ ମୃତ୍ୟୁ ଶଯ୍ୟାରୁ ଉଠିଯିବେ କି । ଆଉ ବହୁତ ବିକଳ ହୋଇ ଡାକୁଛନ୍ତି ନିଜ ହାତରେ ଚେଷ୍ଟା ମଧ୍ୟ କରୁଛନ୍ତି ଆଉ କହୁଛନ୍ତି ଉଠିଯା । ଚେଷ୍ଟା କରି କରି ଥକି ପଡିଲେ ତାଙ୍କ ଛାତିରେ ମୁଣ୍ଡ ରଖି ଶୋଇ ପଡୁଛନ୍ତି । ସତରେ ଏହି ପ୍ରେମ ଆଉ ଧୋକା ଦୁନିଆରେ ଏକ ନିଚ୍ଛକ ଭଲପାଇବାର ବିରଳ ଦୃଶ୍ୟ ଦେଖିବାକୁ ମିଳିଛି ବାଲେଶ୍ଵର ଜିଲ୍ଲାର ସୋର ଡାକ୍ତରଖାନାରେ ।
ଡାକ୍ତର ମୃତ ଘୋଷଣା ପରେ ବି ମନକୁ ଵୁଝାଇ ନ ପାରି ସ୍ତ୍ରୀ କୁ ଉଠାଇବାକୁ ଚେଷ୍ଟା କରୁଛନ୍ତି ଆଉ ବିକଳ ହୋଇ କାନ୍ଦୁଛନ୍ତି । ବାଲେଶ୍ଵର ସୋର ଡାକ୍ତରଖାନାର ଏହି ଦୃଶ୍ୟ । ଘଟଣାଟି ଥିଲା ଏପରି ଯେ ମହିଳାଜଣକ ଆତ୍ମହତ୍ୟା ଉଦ୍ୟମ କରି ଗୁରୁତର ହୋଇ ପଡି ଥିଲେ ଆଉ ତାକୁ ପରିବାର ଲୋକ ସୋର ମେଡ଼ିକାଲ ଆଣି ଥିଲେ ମଧ୍ୟ ଡାକ୍ତର ତାକୁ ମୃତ ଘୋଷଣା କରିଥିଲେ । ହେଲେ ତାଙ୍କ ସ୍ୱାମୀ ଏହାକୁ ସହଜରେ ଗ୍ରହଣ କରି ପାରୁନାହାନ୍ତି । ବଞ୍ଚିଯିବା ଆଶାରେ ଶବ ଉପରେ ଚାଲିଛି ବଞ୍ଚାଇଵାର ଉଦ୍ୟମ । ଆଉ ଏହି ଦୃଶ୍ୟଟି ବର୍ତ୍ତମାନ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛିଲୋକମାନେ ଏହି ଦୃଶ୍ୟ ଦେଖି ମର୍ମାହତ ହୋଇ ପଡୁଛନ୍ତି । ମିଳିଥିବା ଖବର ଅନୁଯାୟୀ ସୋର ଥାନା ତାଳକୁରୁଣିଆ ଅଞ୍ଚଳର ବିକରପଣ୍ଡାଙ୍କ ଝିଅ ମାନସୀ ସହିତ ୪ବର୍ଷ ପୂର୍ବରୁ ଅନନ୍ତପୁର ପଞ୍ଚାୟତ ପୁରୋଷତ୍ତମପୂର ଗ୍ରାମର ଉପେନ୍ଦ୍ର ପଣ୍ଡାଙ୍କ ପୂଅ ଭାଗୀରଥଙ୍କ ଵୈଦିକରୀତିରେ ବିବାହ ହୋଇ ଥିଲା । ପାରିବାରିକ କଳହକୁ ନେଇ ଘରେ କେହି ନଥିବା ବେଳେ ବିଷ ପିଇ ଦେଇ ଥିଲେ ମାନସୀ । ଘର ଲୋକ ମେଡ଼ିକାଲ ଆଣିଥିଲେ ମଧ୍ୟ ସେତେବେଳକୁ ତାଙ୍କର ମୃତ୍ୟୁ ହୋଇଯାଇଥିଲା । ତେବେ ତାର ମୃତ୍ୟୁ ପରେ ସ୍ୱାମୀ ଵଞ୍ଚାଇଵାର ଉଦ୍ୟମ କରୁଥିବାର ଦୃଶ୍ୟ ସମସ୍ତଙ୍କୁ ଚକିତ କରିଛି ।ବର୍ତ୍ତମାନ ପୋଲିସ ସ୍ୱାମୀକୁ ଅଟକ ରଖି ପଚରାଉଚରା ଚଳାଇଛି ।
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…