ବ୍ରହ୍ମପୁର : ଗୋପାଳପୁରରେ ସାମ୍ବାଦିକକୁ ନିର୍ମମ ହତ୍ୟା ଘଟଣା । ହତ୍ୟା ଘଟଣାରେ ଜଣେ ନାବାଳକକୁ ଗିରଫ କରିଛି ପୋଲିସ। ମାତ୍ର ୬ ହଜାର ଟଙ୍କା ପାଇଁ ନାବାଳକ ଜଣକ ସାମ୍ବାଦିକକୁ ହତ୍ୟା କରିଛି । ଗିରଫ ହୋଇଥିବା ନାବାଳକ (୧୫) ଜଣଙ୍କ ଭଞ୍ଜନଗର ଥାନା ଅଞ୍ଚଳର ବୋଲି ପୁଲିସ କହିଛି ।
ସୁଚନା ମୁତାବକ୍, କିଛି ମାସ ପୂର୍ବେ ଜଗନ୍ନାଥ ଗଙ୍ଗାପୁରରେ ବି ଏକ ଫାଷ୍ଟଫୁଡ଼ ଦୋକନ ଖୋଲଥିଲେ । ଏଠାରେ ଭଞ୍ଜନଗରର ଜଣେ ନାବାଳକଙ୍କ ସହ ପରିଚିତ ହୋଇଥିଲା । ପ୍ରାୟ ୪ମାସ ହେଲା ଜଗନ୍ନାଥ ଗୋପାଳପୁର ଥାନା ଅଞ୍ଚଳରେ ଜଗନ୍ନାଥ ନାୟକ ଏକ ଫାଷ୍ଟଫୁଡ଼ ଦୋକାନ ଖୋଲିଥିଲେ । ଏଠାରେ ଜଣକୁ ହେଲପର ଭାବେ ଆଉ ଜଣଙ୍କୁ କାରିଗର ଭାବେ ରଖିଥିଲେ । ହେଲପର ଭାବେ ନାବାଳକ ଜଣକ ଦୀର୍ଘ ୪ମାସ କାମ କରୁଥିଲା । ମାସକୁ ୧୫୦୦ ଟଙ୍କା ଦରମା ଜଗନ୍ନାଥ ନାବାଳକଙ୍କୁ ଦେବେ ବୋଲି କହିଥିଲେ । କିନ୍ତୁ ଜଗନ୍ନାଥ ମାସକୁ ମାସ ଦରମା ଦେଇଥିଲେ । ନାବାଳକ ଜଣକ ଯେତେବେଳେ ବି ଟଙ୍କା ମାଗିଥିଲେ ଜଗନ୍ନାଥ ନାବାଳକକୁ ଦୁର୍ବ୍ୟବହାର କରି ଆକ୍ରମଣ କରିଥିଲେ। ଏପରି କି ଜଗନ୍ନାଥ ନାବାଳକଙ୍କ ଭଉଣୀଙ୍କୁ ଦୁର୍ବ୍ୟବହାର ମଧ୍ୟ କରିଥିଲେ । ୪ମାସର ଦରମା ନ ମିଳିବା ହେତୁ ନାବାଳକ ଜଣକ ଜଗନ୍ନାଥଙ୍କ ଫାଷ୍ଟଫୁଡ଼ ଦୋକାନ ଛାଡିବାକୁ ଚେଷ୍ଟା କରିଥିଲା । କିନ୍ତୁ ଜଗନ୍ନାଥ ନାବାଳକଙ୍କୁ ଟଙ୍କା ଚୋରି କରିଥିବା ଅଭିଯୋଗ ନେଇ ଥାନାରେ ଜଣାଇବେ ଆଉ ପୁଲିସ ତାକୁ ବାନ୍ଧି ନେବ ବୋଲି ଧମକ ଦେଇଥିଲା । ଏହା ଫଳରେ ନାବାଳକର ମନରେ ଭୟ ସୃଷ୍ଟି ହୋଇଥିଲା । ତେଣୁ ନାବାଳକ ଜଣକ ଜଗନ୍ନାଥ ନାୟକଙ୍କୁ ହତ୍ୟା କରିବାକୁ ଯୋଜନା କରିଥିଲା।
ଗତ ୨୮ ତାରିଖରେ ସନ୍ଧ୍ୟାରେ କାରିଗର(ରୋଷୟା) ଜଣକ ନିଜ ଘରକୁ ଗଲେ । ସେଦିନ ରାତିରେ ଜଗନ୍ନାଥ ଓ ନାବାଳକ ଜଣକ ଗୋପାଳପୁର ରେଉ ସାହିରେ ଥିବା ଭଡ଼ା ଘରେ ରହିଲେ । ୨୯ ତାରିଖ ସକାଳେ ଜଗନ୍ନାଥ ନାୟକ ଶୋଇଥିବାବେଳେ ନାବାଳକ ଏକ ଭାରୀ ପଥର ଆଣି ତାଙ୍କ ମୁଣ୍ଡରେ ଫୋପାଡି ଦେଇଥିଲା ଏବଂ ତାଙ୍କ ମୁଣ୍ଡରେ ଲୁହା କବାଟ ବ୍ୟବହାର କରି ଆକ୍ରମଣ କରିଥିଲା। ଆକ୍ରମଣ ଏବଂ ଆଘାତ ଯୋଗୁଁ ଜଗନ୍ନାଥ ନାୟକଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା । ନାବାଳକ ଜଣକ ଘର ବାହାରେ ତାଲା ପକାଇ ଘର ଛାଡି ଭଞ୍ଜନଗର ଚାଲିଯାଇଥିଲା ।
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…