ଢ଼ୋ କି ଫାଟିଲା । ହାତରେ ହେଲା ଭୟଙ୍କର ବିସ୍ଫୋରଣ । ଚାହୁଁ ଚାହୁଁ ଜୋରରେ ହେଲା ଶବ୍ଦ । କଣ ହେଇଛି ବୋଲି ଦେଖିଲାବେଳକୁ ଜଳିଲାଣି ହାତ । ଯାହାକୁ ଦେଖି ସମସ୍ତେ ହୋଇଗଲେ ଆଶ୍ଚର୍ଯ୍ୟ ଚକିତ । ମୋବାଇଲଧାରୀ ସାବଧାନ୍ । ଏବେ ଫାଟୁଛି ବ୍ୟାଟେରୀ । ଯଦି ଆପଣଙ୍କ ମୋବାଇଲ ବି ସାମାନ୍ୟ କଥାରେ ହିଟ୍ ହୋଇଯାଉଛି । କିମ୍ବା ଆପଣଙ୍କର ମୋବାଇଲର ବୟସ ୪ ରୁ ୫ ବର୍ଷ ହୋଇଗଲାଣି । ତାହେଲେ ସତର୍କ ହୁଅନ୍ତୁ ସାବଧାନ ରୁହନ୍ତୁ । ନଚେତ ଆପଣଙ୍କର ବି ହୋଇପାରେ ଏମିତି ଅବସ୍ଥା । ହଁ ହାତରେ ହିଁ ଫାଟିଲା ମୋବାଇଲ ବ୍ୟାଟେରୀ । ଅଳ୍ପକେ ବର୍ତ୍ତିଲା ନାବାଳକ। କାମାକ୍ଷାନଗର ଏନଏସି ସ୍ଥିତ କଲେଜ ରୋଡରେ ଥିବା ଏକ ମୋବାଇଲ ଦୋକାନରେ ଦେଖିବାକୁ ମିଳିଛି ଏଭଳି ଏକ ଭୟଙ୍କର ଘଟଣା।
ଯାହାର ଚିତ୍ର ଏବେ କ୍ୟାମେରାରେ କଏଦ ହୋଇଛି । ଆଉ ମୋବାଇଲକୁ ମୋବାଇଲ ଘୂରି ବୁଲୁଛି । ଭିଡିଓରେ ଆପଣ ଦେଖିପାରୁଥିବେ ଯେ ମୋବାଇଲର ଦୋକାନରେ ଦୋକାନୀ ଜଣଙ୍କ ମୋବାଇଲରୁ ବ୍ୟାଟେରିଟି ଖୋଲିକି ତଳେ ରଖୁଛନ୍ତି । ଆଉ ଠିକ୍ ସେତିକିବେଳେ ସେଠାରେ ଉପସ୍ଥିତ ଥିବା ଛୋଟ ପିଲାଟି ସେହି ବ୍ୟାଟେରିକୁ ଧରିଦେଲେ । ଆଉ ତାର କ୍ଷଣିକରେ ହିଁ ହଠାତ ହାତରେ ବ୍ୟାଟରିଟି ଢ଼ୋ କି ଫାଟି ଜଳିବାକୁ ଲାଗିଲା ।
ଏହି ସମୟରେ ଦୋକାନୀ ଜଣଙ୍କ ଉପସ୍ଥିତ ବୁଦ୍ଧି ଖଟାଇ ବ୍ୟାଟେରିକୁ ବାହାରକୁ ଫିଙ୍ଗି ଦେଇଥିଲେ। ଯାହା ଫଳରେ ଏକ ବଡ ଧରଣର ଅଘଟଣରୁ ଅଳ୍ପକେ ବର୍ତ୍ତି ଯାଇଛନ୍ତି ଦୋକାନୀ । ନାବାଳକର ହାତରେ ସାମାନ୍ୟ ଆଘାତ ଲାଗିଥିବା ଜଣାପଡିଛି। ଏହି ସମୟରେ ଦୋକାନରେ ୫ଜଣ ଲୋକ ଛିଡା ହୋଇଥିବା ବେଳେ ବ୍ୟାଟେରି ଫାଟିବା ଦେଖି ଭୟଭିତ ହୋଇଯାଇଥିଲେ। ତେବେ କେଉଁ କାରଣରୁ ବ୍ୟାଟେରିଟି ଫାଟିଲା ତାହା ଜଣାପଡିନାହିଁ। ତେବେ କହିରଖିବାକୁ ଚାହିଁବୁ ଯେ ଏହା ପୂର୍ବରୁ ଭଦ୍ରକ ଜିଲ୍ଲା ଚାନ୍ଦବାଲି ଅଞ୍ଚଳରେ ଚାର୍ଜ ବସାଇଥିବାବେଳେ ଢ଼ୋ କି ଫାଟିଥିଲା ମୋବାଇଲ । ରାତିରେ ଶୋଇଥିବା ବେଳେ ଏହି ଅଘଟଣ ଘଟିଥିଲେ । ଯେଉଁଥିରେ ଜଳି ଯାଇଥିଲା ଘରର ଝରକାରେ ଲାଗିଥିବା ସ୍କ୍ରୀନ୍ । ବିସ୍ଫୋରଣରେ କିନ୍ତୁ ଅଳ୍ପକେ ବର୍ତ୍ତି ଯାଇଥିଲେ ପରିବାର ।
ତେଣୁ ଆପଣଙ୍କୁ ଆମେ ଏତିିକି ଅନୁରୋଧ କରିବୁ ଯଦି ଆପଣଙ୍କ ଫୋନ୍ ବ୍ୟବହାର କରିବାର ୪ ରୁ ୫ ବର୍ଷ ହୋଇଗଲାଣି କିମ୍ବା ତାଠାରୁ ଅଧିକ ହେଲାଣି ଆପଣ ଫୋନକୁ ସର୍ଭିସିଂ ସେଣ୍ଟର ନେଇ ଥରେ ଯାଞ୍ଚ କରାଇ ନିଅନ୍ତୁ । ଆଉ ଯଦି ଆପଣ ଏପରି କରୁନାହାଁନ୍ତି ତାହେଲେ ମୋବାଇଲ ବ୍ୟବହାର କରିବା ବେଳେ ସତର୍କତାର ସହ ୟୁଜ୍ କରନ୍ତୁ । ନଚେତ୍ ବାରମ୍ବାର ମୋବାଇଲ ବ୍ୟାଟେରୀ ବିସ୍ଫୋରଣ ଖବର ବର୍ତ୍ତମାନ ସାମ୍ନାକୁ ଆସୁଛି ।
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…