ଭୋଟ ଗଣତି କେନ୍ଦ୍ରକୁ ମୋବାଇଲ ବାରଣ

ଭୁବନେଶ୍ୱର(କେନ୍ୟୁଜ୍‌) : ରାତି ପାହିଲେ ଭୋଟ ଗଣତି । ଖୋଲିବ ପ୍ରାର୍ଥୀଙ୍କ ଭାଗ୍ୟ ପେଡି । ସକାଳ ୮ଟାରୁ ଆରମ୍ଭ ହେବ ଭୋଟ ଗଣତି । ୨୧ ଲୋକସଭା ଆସନ ଓ ୧୭୪ ବିଧାନସଭା ଆସନ ପାଇଁ କାଉଣ୍ଟିଂ ହେବ । ଇଭିଏମରୁ ବାହାରିବ ନିର୍ବାଚନ ଫଳାଫଳ । ସମୟ ଯେତିକି ବଢୁଛି, ସେତିକି ବଢୁଛି ନେତାଙ୍କ ହୃଦକଂପନ ।

ରାଜ୍ୟର ୭୦ଟି ଭୋଟ ଗଣତି ସେଣ୍ଟର ପାଇଁ ରାଜ୍ୟ ନିର୍ବାଚନ ଅଧିକାରୀଙ୍କ ପକ୍ଷରୁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି । ମୋଟ ୭୦ଟି କାଉଣ୍ଟିଂ ମଧ୍ୟରୁ ୬୯ଟି କେନ୍ଦ୍ରରେ ଇଭିଏମ ଓ ଗୋଟିଏରେ ପୋଷ୍ଟାଲ ବାଲଟ ଗଣତି ହେବ । ମୋଟ ୩୫୮୯ଟି ଟେବୁଲରେ ହେବ ଭୋଟ ଗଣତି । ଗଣତି ସ୍ଥଳରେ ମୋବାଇଲକୁ ବାରଣ କରାଯାଇଛି । କାଉଣ୍ଟିଂ ସେଣ୍ଟରରେ ସମସ୍ତ ପ୍ରସ୍ତୁତି ସରିଛି ।