ସୋଲାର ପ୍ରକଳ୍ପ ଖରାପ ଯୋଗୁଁ ପିଇବା ପାଣି ପାଇଁ ଚିନ୍ତାରେ ୱାର୍ଡବାସୀ । ଯେତେ ଅଭିଯୋଗ ହେଉଛି ତଥାପି ମିଳୁନି କିଛି ଫଳ । ଫଳରେ ଗୋଟିଏ ନଳକୂପ ଉପରେ ଭରସା କରିଛନ୍ତି ପ୍ରାୟ ୨୫ରୁ ଉର୍ଦ୍ଧ ପରିବାର । କେନ୍ଦ୍ରାପଡା ଜିଲ୍ଲା ମହାକାଳପଡା ବ୍ଲକ ସୁନିତୀ ପଞ୍ଚାୟତ ୧ ନମ୍ବର ଓ୍ବାର୍ଡରେ ପିଇବା ପାଣି ପାଇଁ ନାହିଁ ନଥିବା ଅସୁବିଧାରେ ଅଛନ୍ତି ୨୫ ରୁ ଉର୍ଦ୍ଧ୍ୱ ପରିବାର । ଅନେକ ଦୂର ବାଟରୁ ଆସି ନଳକୂପରୁ ପାଣି ନେବାକୁ ପଡୁଛି ।
ସମୁଦ୍ର ଉପକୂଳବର୍ତ୍ତୀ ଅଞ୍ଚଳରେ ପିଇବା ପାଣିର ସ୍ଥାୟୀ ସମାଧାନ କରିବାକୁ ଯାଇ ପ୍ରଶାସନ ତରଫରୁ ଉକ୍ତ ଅଞ୍ଚଳରେ ସୋଲାରପମ୍ପ ସାହାର୍ଯ୍ୟରେ ନଳକୂପରୁ ପାଇପ ଯୋଗେ ୨ ବର୍ଷରୁ ଉର୍ଦ୍ଧ୍ୱ ହେବ ପ୍ରତି ଘରକୁ ପିଇବା ପାଣିର ବ୍ୟବସ୍ଥା କରାଯାଇଛି । ମାତ୍ର ଏହାର ରକ୍ଷଣା ବେକ୍ଷଣା ଠିକ୍ ସମୟରେ କରାଯାଉନଥିବାରୁ ଅନେକ ସମୟରେ ଏହି ପ୍ରକଳ୍ପ ଅଚଳ ହୋଇ ପଡିରହୁଥିବା ଅନେକ ଅଭିଯୋଗ ଆସୁଛି । ସୁନିତୀ ପଞ୍ଚାୟତର ୧ ନମ୍ବର ଓ୍ବାର୍ଡର ଲୋକ ମାନଙ୍କ ପାଇଁ ଥିବା ଏହି ସୋଲାର ପ୍ରକଳ୍ପ ପ୍ରାୟ ୨ ମାସ ହେବ ଅଚଳ ହୋଇ ପଡିବାରୁ ଏହାରି ଉପରେ ନିର୍ଭର କରୁଥିବା ପ୍ରାୟ ୨୫ଟି ପରିବାର ଶତାଧିକ ଲୋକଙ୍କ ପାଇଁ ପିଇବା ପାଣିର ସମସ୍ୟା ଦେଖାଦେଇଛି ।
ଏ ନେଇ ସ୍ଥାନୀୟ ଲୋକେ ବାରମ୍ବାର ପ୍ରଶାସନର ଦ୍ରୁଷ୍ଟି ଆକର୍ଷଣ କରିଥିଲେ ବି ଫଳ ଶୂନ । ଫଳରେ ନିତ୍ୟକର୍ମ ବ୍ୟବହାର ପାଇଁ ଜଙ୍ଗଲିଆ ରାସ୍ତା ଦେଇ ଏହି ପ୍ରକଳ୍ପ ନିକଟ ନଳକୂପରୁ ପାଣି ଟୋପା ପାଇଁ ଲମ୍ବାଧାଡି ଲାଗିରହୁଥିବା ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା । ତୁରନ୍ତ ଏହି ଅଚଳ ପ୍ରକଳ୍ପକୁ ସଚଳ କରାଇ ପିଇବା ପାଣିର ବ୍ୟବସ୍ଥା କରିବାକୁ ସ୍ଥାନୀୟ ଲୋକେ ଦାବି କରିଛନ୍ତି । ପ୍ରତି ଘରେ ପାଇପ ଯୋଗେ ମିଳିବ ପିଇବା ପାଣି, ମାତ୍ର ପ୍ରଶାସନର ଏହି ନାରା ଏବେ ପ୍ରହସନ ପାଲଟିଥିବା ଲୋକେ ଅଭିଯୋଗ କଲେଣି । ଯଥା ଶୀଘ୍ର ଏହି ପ୍ରକଳ୍ପକୁ ମରାମତି କରି ପିଇବା ପାଣିର ସ୍ଥାୟୀ ସମାଧାନ ପାଇଁ ଅଞ୍ଚଳବାସୀ ଦାବି କରିଛନ୍ତି ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…