ଆଠଗଡ(କେନ୍ୟୁଜ୍): ଦୁନିଆରେ ବେଳେ ବେଳେ ଏମିତି କିଛି ଘଟଣା ଘଟେ, ଯାହାକୁ ଭାବିଲା ବେଳକୁ ବି ଛାତି ଥରିଉଠେ । ଆମ ଆଖପାଖରେ ପ୍ରତିଦିନ ବହୁତ କିଛି ଘଟଣା ଦୁର୍ଘଟଣା ଘଟୁଛି । ଅନେକ ଲୋକଙ୍କର ଜୀବନ ବି ଚାଲିଯାଉଛି । ଆଉ ଏସବୁ ଦୁର୍ଘଟଣାରୁ ବର୍ତ୍ତି ଯାଇ ଘରକୁ ଫେରୁଛି ତାଠାରୁ ବଡ ଭାଗ୍ୟବାନ କିଏ ହୋଇପାରେ ।
କଥାରେ ଅଛି ଯାହାକୁ ରଖିବେ ଅନନ୍ତ ତାକୁ କି କରିପାରେ ବଳବନ୍ତ । ଜୀବନର ବା କଣ ଭରଷା । ଏଇ ଅଛି ତ କିଛି ସମୟ ଭିତରେ କଣ ହୋଇଯିବ କହିବା ମୁସ୍କିଲ୍ । ହେଲେ ଭଗବାନ ଯାହାକୁ ରଖିବେ ସେ ମରଣ ମୁହଁରୁ ବି ଫେରିକି ଆସିବ । ଏମିତି ଅନେକ ଉଦାହରଣ ଆମେ ଦେଖିଛେ । ତେବେ ଆଜି ପୁଣି ଏମିତି ଏକ ଘଟଣା ସାମ୍ନାକୁ ଆସିଛି ।
ଚଳନ୍ତା ବସରେ ଯାଉଥିବା ସମୟରେ ଘଟିଯାଇଛି ଏକ ବଡ ଦୁର୍ଘଟଣା । ହେଲେ ସମସ୍ତଙ୍କ ଜୀବନ ରକ୍ଷା କରିଦେଇଛନ୍ତି ମା’ ଭୁବନେଶ୍ୱରୀ । ସୂଚନା ମୁତାବକ, ଚଳନ୍ତା ବସରେ ହଠାତ୍ ଡ୍ରାଇଭର ଜଣଙ୍କ ଅସୁସ୍ଥ ହୋଇପଡିଲେ । ଯାହାଫଳରେ ସେ ଭାରସାମ୍ୟ ହରାଇ ବସ୍ ଟିକୁ ରାସ୍ତା କଡରେ ଥିବା ଲୁହା ବାଡରେ ଯାଇ ପିଟିଥିଲେ । ଏତେ ଦ୍ରୁତ ଗତିରେ ଆସି ବସ୍ ଟି ଲୁହା ବାଡରେ ପିଟି ହୋଇଥିଲା ଯେ, ତାହା ଭାଙ୍ଗି ଯାଇଥିଲା ।
ଯାହାଫଳରେ ସିଧା ରାସ୍ତା କଡକୁ ଖସିପଡିଥିଲା ଯାତ୍ରୀବାହୀ ବସ୍ ଟି । କିନ୍ତୁ ଅଳ୍ପକେ ବର୍ତ୍ତିଯାଇଥିଲେ ବସରେ ଥିବା ୩୦ ରୁ ଊର୍ଦ୍ଧ୍ଵ ଯାତ୍ରୀ । ଯାହାଜଣାପଡିଛି ଭୁବନେଶ୍ୱରରୁ ମା ଭୁବନେଶ୍ୱରୀ ନାମକ ଏହି ଘରୋଇ ବସଟି ଦେବଗଡ କୁଚିଣ୍ଡା ଯାଉଥିଲା । ଖୁଣ୍ଟୁଣୀ ଥାନା ଖୁଣ୍ଟୁଣୀ ଗୋଲେଇ ଛକ ନିକଟରେ ଘଟିଥିଲା ଏହି ବସ୍ ଦୁର୍ଘଟଣା ।
ଏପଟେ ବସ୍ ଡ୍ରାଇଭର ଜଣକ ଆହତ ହୋଇ ଆଠଗଡ ଡାକ୍ତରଖାନାରେ ଚିକିତ୍ସିତ ହେଉଥିବାବେଳେ । ଘଟଣାସ୍ଥଳରେ ଖୁଣ୍ଟୁଣୀ ପୋଲିସ୍ ପହଁଚି ଯାଞ୍ଚ କରୁଛି । ତେବେ ଏତେ ବଡ ଦୁର୍ଘଟଣାରେ କାହାର ଜୀବନ ପ୍ରତି କିଛି ବିପଦ ଆସିନଥିବାରୁ ସମସ୍ତଙ୍କ ପାଟିରୁ ଗୋଟିଏ କଥା ବାହାରୁଛି ରକ୍ଷା କରିଦେଲେ ମା’ ଭୁବନେଶ୍ୱରୀ ।
ଆପଣମାନେ ତ ଜାଣିଥିବେ ମିଠା ଖାଇବା ପାଇଁ ଲୋକଙ୍କ ଇଚ୍ଛା କୌଣସି ସମୟରେ ମଧ୍ୟ ହୋଇପାରେ । ତେବେ ଯେତେବେଳେ…
ଅରବିନ୍ଦ କେଜ୍ରିଓ୍ଵାଲଙ୍କୁ ସୁପ୍ରିମକୋର୍ଟଙ୍କ ଝଟକା ଲାଗିଛି । କେଜ୍ରିଓ୍ଵାଲ କରିଥିବା ଜାମିନ ଆବେଦନକୁ ଖାରଜ କରିଛନ୍ତି ସୁପ୍ରିମକୋର୍ଟ । ପୂର୍ବ…
ମାଲକାନଗିରି (କେନ୍ୟୁଜ): ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ବିଜାପୁର ଜିଲ୍ଲାର ବର୍ଧେପାରା ଜଙ୍ଗଲରେ ପୋଲିସ ମାଓବାଦୀ ମଧ୍ୟରେ ଗୁଳିବିନିମୟ ।…
ଆନନ୍ଦପୁର(କେନ୍ୟୁଜ୍): ମୂର୍ତ୍ତି ତିଆରିରେ ଲାଗିଛନ୍ତି କାରିଗର । ନିଜର ହାତର ସ୍ପର୍ଶରେ ମାଟିର ମୂର୍ତ୍ତିକୁ ଦେଉଛନ୍ତି ଜୀବନ୍ତ ରୂପ ।…
ଆସୁଛି ଓ୍ଵାନ୍ ପ୍ଲସର ଧମାକେଦାର ଫୋନ୍ । ଯଦି ଆପଣ ଓ୍ଵାନପ୍ଲସ୍ ଲଭର୍ ତାହେଲେ ଆପଣଙ୍କ ପାଇଁ ଖୁସି ଖବର…
ମହିନ୍ଦ୍ରା ଆଣ୍ଡ ମହିନ୍ଦ୍ରା ଭାରତୀୟ ବଜାରରେ ଏକ ନୂଆ ଇଲେକ୍ଟ୍ରିକ୍ କାର ଲଞ୍ଚ କରିବାକୁ ପ୍ରସ୍ତୁତ ହେଉଛି । ଏହି…