ଭୁବନେଶ୍ବର (କେନ୍ୟୁଜ୍) : ନାଲକୋ ପକ୍ଷରୁ ଆରମ୍ଭ ହୋଇଛି ସ୍ୱଚ୍ଛତା ହିଁ ସେବା ଅଭିଯାନ । ନାଲକୋ ପ୍ଲାଣ୍ଟ ଅଫିସ ପରିସରକୁ ସ୍ୱଚ୍ଛ ରଖିବା ସହ ସ୍ବଚ୍ଛତା ପାଇଁ ବିଭିନ୍ନ କାର୍ଯ୍ୟକ୍ରମ ହାତକୁ ନେଇଛି ନାଲକୋ । ଏଥିପାଇଁ ୫-ଏସ୍ ଟେକନିକର ସାହାଯ୍ୟ ନିଆଯାଉଛି । ଅଭିଯାନର ନାଁ ରହିଛି ‘ୱେଷ୍ଟରୁ ୱେଲଥ’ । ଆଜି ଭୁବନେଶ୍ବର ଠାରେ କରାଯାଇଥିବା ଏହି ସ୍ବଚ୍ଛତା ଅଭିଯାନରେ ସାମିଲ ହୋଇଥିଲେ ନିଜେ ନାଲକୋ ସିଏମଡି ଏବଂ ସମାଜର ବିଭିନ୍ନ ବର୍ଗର ସେଲିବ୍ରେଟି । ଆବର୍ଜନାରୁ କିପରି ରାଜସ୍ୱ ବାହାରି ପାରିବ ଏବଂ ସିଙ୍ଗଲ ୟୁଜଡ୍ ପ୍ଲାଷ୍ଟିକକୁ କିଭଳି ଗୁରୁତ୍ୱ ଦିଆଯାଉଛି ତା ଉପରେ ଆଲୋଚନା କରାଯାଇଛି ।
ଏହି ଅବସରରେ ସ୍ୱଚ୍ଛତା ଅଭିଯାନକୁ ତ୍ୱାରାନ୍ବିତ କରିବା ପାଇଁ ଝିଅମାନଙ୍କୁ ହ୍ୟାଣ୍ଡଓ୍ଵାସ କିଟ୍ ବଣ୍ଟନ କରାଯାଇଥିଲା । ସେହିପରି ଦିବ୍ୟାଙ୍ଗମାନଙ୍କୁ ସହାୟତାର ହାତ ବଢାଇଛି ନାଲକୋ । ପ୍ରତ୍ୟକ ମାସରେ ୨ ହଜାର ହ୍ୟାଣ୍ଡଓ୍ଵାସ କିଟ୍ ବଣ୍ଟନ କରାଯିବ । ନାଲୋକ ମହିଳା ସମିତି ମଧ୍ୟ୍ ସ୍ୱଚ୍ଛତା ନେଇ ବହୁ କାର୍ଯ୍ୟ ହାତକୁ ନେଇଛି ବୋଲି ସିଏମଡିଙ୍କ ପତ୍ନୀ ତଥା ନାଲକୋ ମହିଳା ସମିତିର ମୁଖ୍ୟ ପ୍ରୀତି ରାୟ କହିଛନ୍ତି ।
ଆଜିର କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ କିସ୍ ବିଶ୍ୱବିଦ୍ୟାଳୟ କୁଳପତି ପ୍ରଫେସର ହରେକୃଷ୍ଣ ଶତପଥୀ, କଳିଙ୍ଗ ଟିଭିର ସିଏମଡି ହିମାଂଶୁ ଖଟୁଆ, ଅନେକ ମହିଳା ସ୍ୱେଚ୍ଛାସେବୀ, କ୍ରୀଡ଼ା ତାରକା ଉପସ୍ଥିତ ଥିଲେ । ଏହି ଅବସରରେ ସ୍ବଚ୍ଛତା ଉପରେ କୁନି କୁନି ପିଲାମାନେ କରିଥିବା ଚିତ୍ରର ପ୍ରଦର୍ଶନୀ ଏବଂ ସଚେତନତା ଉଦ୍ଦେଶ୍ୟରେ ନାଟକର ମଧ୍ୟ କରାଯାଇଥିଲା ।
ରାଜ୍ୟରେ ଆଲୁମିନିୟମ ଉତ୍ପାଦନ ବଢାଇବା ପାଇଁ ଯୋଜନା କରିଛି ନାଲକୋ । ଏଥିପାଇଁ କାମାକ୍ଷାନଗର ଠାରେ ଏକ ଫଏଲ ପ୍ଲାଣ୍ଟ ପ୍ରତିଷ୍ଠା କରାଯିବ । ୧୮୦ ଏକର ଜାଗାରେ ଏହି ପ୍ଲାଣ୍ଟ ତିଆରି ହେବ । ଏଥିପାଇଁ ୯ ଶହ କୋଟି ଟଙ୍କା ଖର୍ଚ୍ଚ ହେବ ବୋଲି ଏହି ଅବସରରେ ସୂଚନା ଦେଇଛନ୍ତି ସିଏମଡି ତପନ ଚାନ୍ଦ ।
ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…