ଟାଙ୍ଗୀ (କେ ନ୍ୟୁଜ୍) : ଖୋର୍ଦ୍ଧା ଟାଙ୍ଗୀ ତହସିଲ ଅଫିସ୍ ସାମନାରେ ଜଣେ ବୃଦ୍ଧ ବସିଥିଲେ । ମୁଣ୍ଡ ଚୁଟି ପାଚି ପୂରା ଝୋଟ । ପାଖରେ ଏକ କୋଲଡ୍ ଡ୍ରିଙ୍କସ ବୋତଲଟିଏ ରହିଥିଲା । ତେବେ ସେଥିରେ କିଛି ପାନୀୟ ନଥିଲା । ଥିଲା ପେଟ୍ରୋଲ । ଭୀଷଣ ଅସନ୍ତୋଷରୁ ପ୍ରତିବାଦ କରିଥିଲେ ଏବଂ ଏବେ ଦେଉଥିଲେ ଆତ୍ମାହୁତି ଧମକ ।
ଗତ ୮ମାସ ହେଲା ମାଙ୍କଡା ପଥର ଖଣି ଲିଜ୍ ନେଇଥିଲେ ସୁଦ୍ଧା ଆଜି ପର୍ଯ୍ୟନ୍ତ ତହସିଲ କାର୍ଯ୍ୟାଳୟ ପକ୍ଷରୁ ତାଙ୍କୁ କେ. ଫର୍ମ ନଦେଇ ହଇରାଣ କରାଯାଉଥିବା ସେ ଅଭିଯୋଗ କରିଥିଲେ । ଅନ୍ୟ ଉପାୟ ନପାଇ ଶେଷରେ ବୃଦ୍ଧ ଜଣକ ଏଭଳି ପ୍ରତିବାଦ କରିଥିଲେ ।
ଖୋରଧା ଜିଲା ଟାଙ୍ଗୀ ତହସିଲର ରାମେଶ୍ୱର ମୌଜାରେ ଥିବା ଏକ ମାଙ୍କଡା ପଥର ଖଣି ଲିଜ ପ୍ରକ୍ରିୟାରେ ଭାଗ ନେଇଥିଲେ ବୃଦ୍ଧ ଆନନ୍ଦ ପ୍ରଧାନ ।
ସରକାରୀ ନିଲାମ ଅନୁଯାୟୀ ୫ ବର୍ଷ ପାଇଁ ୩୫ ଲକ୍ଷରୁ ଅଧିକ ଟଙ୍କାରେ ଲିଜ୍ ପାଇଥିଲେ ଏହି ପଥର ଖଣି। କିନ୍ତୁ ଦୀର୍ଘ ୮ମାସ ବିତିଗଲାଣି ଲିଜ୍ ନେବାର । ହେଲେ ବିଭିନ୍ନ ଆଳ ଦେଖାଇ ଟାଙ୍ଗୀ ତହସିଲ କାର୍ଯ୍ୟାଳୟ ପକ୍ଷରୁ ନିଲାମଧାରୀଙ୍କୁ କେ. ଫର୍ମ ଯୋଗାଇ ଦିଆଯାଇନଥିଲା । ବାରମ୍ବାର ଗୁହାରୀ ପରେ କୌଣସି ସୁଫଳ ନମିଳିବାରୁ ଆନନ୍ଦ ଆଜି ଟାଙ୍ଗୀ ତହସିଲଦାରଙ୍କ ପ୍ରକୋଷ୍ଠ ସମ୍ମୁଖରେ ପେଟ୍ରୋଲ ବୋତଲ ଧରି ଆତ୍ମହୁତି ଧମକ ଦେଇଥିଲେ । ଖବର ପାଇ ସଙ୍ଗେ ସଙ୍ଗେ ତହସିଲଦାର ଆସି ବୁଝାଶୁଝା କରିଥିଲେ ।
ଏ ନେଇ ତହସିଲଦାର କିଶୋର ମିଶ୍ର କହିଛନ୍ତି ଯେ ଘଟଣାଟି ସତ କିନ୍ତୁ କିଛି କାଗଜପତ୍ର କାମ ବାକି ଥିବାରୁ ବିଳମ୍ବ ହୋଇଛି । ଖୁବ୍ ଶୀଘ୍ର ସମାଧାନ କରାଯିବ ବୋଲି ସେ କହିଛନ୍ତି ।
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…
ରାଇରଙ୍ଗପୁର (କେନ୍ୟୁଜ୍) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…