ବାଇକ୍‌ରେ ନେଇଯିବା ବେଳେ ହାତରେ ଫୁଟିଗଲା ବୋମା, ଜଣେ ମୃତ ଓ ଆଉ ଜଣେ ଗୁରୁତର ଆହତ

ବ୍ରହ୍ମପୁର : ହାତରେ ଧରି ଯାଉଥିଲେ ଭୟଙ୍କର ଜିନିଷ । ଆଉ ସେଇ ଜିନିଷଟି ତାଙ୍କ ପ୍ରାଣ ନେଇଗଲା । ଗଞ୍ଜାମ ଜିଲ୍ଲା ଖଲ୍ଲିକୋଟ ଅନ୍ତର୍ଗତ ନିର୍ମଳଝର ନିକଟରେ ବୋମା ଫୁଟି ଜଣକର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଆହତ ହୋଇଛନ୍ତି। ମୃତ ଯୁବକ ଜଣକ ହେଲେ ମିଟୁ ମହାରଣା ଓ ଆହତଙ୍କ ନାମ ସିଲୁ ପ୍ରଧାନ। ଗୁରୁତର ଅବସ୍ଥାରେ ସିଲୁଙ୍କୁ ଖଲ୍ଲିକୋଟ ମେଡିକାଲରେ ଭର୍ତ୍ତି କରାଯାଇଛି।

ତେବେ ଘଟଣାକୁ ନେଇ ବିଭିନ୍ନ ଚର୍ଚ୍ଚା ଚାଲିଛି । କୁହାଯାଉଛି କି ମିଟୁ ଓ ସିଲୁ ଏକ ବାଇକ୍‌ରେ ଯାଉଥିବା ବେଳେ ମିଟୁ ବୋମା ଧରି ପଛରେ ବସିଥିଲେ । ବାଟରେ ବାଇକ୍‌ରୁ ପଡ଼ିଯିବା ଫଳରେ ବୋମା ଫୁଟି ଏଭଳି ଅଘଟଣା ଘଟିଲା । ହେଲେ ସେମାନେ ବୋମା କେଉଁଠାରୁ କେଉଁଠିକୁ ନେଉଥିଲେ ଏବଂ ଏହା ପଛରେ ତାଙ୍କର କି ଉଦ୍ଦେଶ୍ୟ ଥିଲା ସେକଥା ଜଣାପଡି ନାହିଁ। ଖବର ପାଇବା ପରେ ଖଲ୍ଲିକୋଟ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।