ଭୁବନେଶ୍ୱର ରାଜଭବନ ନିକଟସ୍ଥ ପେଟ୍ରୋଲ ପମ୍ପରେ ଭୟଙ୍କର ବିସ୍ଫୋରଣ ଘଟି ଆଖପାଖ ଅଞ୍ଚଳ ଦୋହଲି ଯାଇଛି। ଏହି ଦୁର୍ଘଟଣାରେ ଦୁଇଜଣ ଗୁରୁତର ହୋଇଥିବା ଖବର ମିଳିଛି। ତେବେ ବିସ୍ଫୋରଣ ଏତେ ଭୟଙ୍କର ଥିଲା ଯେ ଆଖପାଖ ଅଞ୍ଚଳ ଛିନ୍ଛତ୍ର ହୋଇଯାଇଛି। ହଠାତ୍ କ’ଣ ହେଲା ଲୋକମାନେ କିଛି ବୁଝିପାରିନଥିଲେ। ଯିଏ ଯୁଆଡ଼େ ପାଇଲେ ଦୌଡ଼ିବାକୁ ଲାଗିଥିଲେ। ନିଆଁ ଏତେ ଭୟଙ୍କର ଭାବେ ଲାଗିଥିଲା ଯେ ଆକାଶ ଉଚ୍ଚା ଜଳିବାକୁ ଲାଗିଥିଲା।
ତେବେ ଘଟଣାସ୍ଥଳରେ ଉପସ୍ଥିତ ଥିବା ଜଣେ ପ୍ରତ୍ୟକ୍ଷଦର୍ଶୀ ସମ୍ପୂର୍ଣ୍ଣ ଘଟଣା ବଖାଣିଛନ୍ତି। ବିସ୍ଫୋରଣ ବେଳେ ପେଟ୍ରୋଲ ପମ୍ପକୁ ତେଲ ପକାଇବାକୁ ଯାଇଥିବା ଜଣେ ବ୍ୟକ୍ତି କହିଛନ୍ତି ଆମେ ତେଲ ପକାଇବାକୁ ଲାଇନ୍ରେ ଠିଆ ହୋଇଥିଲୁ। ହଠାତ୍ ତଳ ଦୋହଲିବାକୁ ଲାଗିଥିଲା। କେହି କିଛି ବୁଝିବା ପୂର୍ବରୁ ପ୍ରଚଣ୍ଡ ଶବ୍ଦ କରି ଜୋରରେ ବିସ୍ଫୋରଣ ହେଲା। ଚାରିଆଡ଼ କଳା ହୋଇଗଲା। ଆମେ ଗାଡ଼ି ଛାଡ଼ି ଦେଇ ଯିଏ ଯୁଆଡ଼େ ପାଇଲୁ ଦୌଡ଼ିବାକୁ ଲାଗିଥିଲୁ। କିନ୍ତୁ ଜାଣିବା ପାରିଲୁନି କ’ଣ ଘଟିଲା। ପେଟ୍ରୋଲ ପମ୍ପରୁ ବାହାରି ଆସିବାର ୨ ମିନିଟ୍ ପରେ ଆମେ ଟିକେ ଷ୍ଟେବଲ ହେଲା ପରେ ଜାଣିଲୁ ଯେ ପେଟ୍ରୋଲ ପମ୍ପ ବ୍ଲାଷ୍ଟ ହୋଇଛି। ଭଗବାନଙ୍କ ଦୟାରୁ ଜୀବନ ବଞ୍ଚିଗଲା ବୋଲି କହିଛନ୍ତି ପ୍ରତ୍ୟକ୍ଷଦର୍ଶୀ।
ତେବେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା ଜାରି ରଖିଛି। ଘଟଣାସ୍ଥଳରେ କମିଶନରେଟ୍ ପୋଲିସର ଉଚ୍ଚପଦସ୍ଥ ଅଧିକାରୀଙ୍କ ସହ ନିଜେ ସିପି ମଧ୍ୟ ଉପସ୍ଥିତ ଅଛନ୍ତି। ଉପସ୍ଥିତ ଲୋକଙ୍କୁ ପେଟ୍ରୋଲ ପମ୍ପଠାରୁ ୧ କିଲୋମିଟର ଦୂରରେ ରହିବାକୁ କୁହାଯାଇଛି।
କଣ୍ଟାବାଞ୍ଜି: ଟଙ୍କା ନେଇ ଛୁ ମାରିଥିଲେ, ହେଲେ ଛାଡିଲେନି ଗାଁର ମହିଳା । ସିଧା ଘରକୁ ଗଲେ ଆଉ ପକାଇଲେ…
ଭୁବନେଶ୍ୱର : ବାରମ୍ବାର ମୁକୁଳା ଡ୍ରେନରେ ଅଘଟଣ ପରେ ତତ୍ପର ପ୍ରାଶସନ । ମାସକ ଭିତରେ ମୁକୁଳା ଡ୍ରେନ ଉପରେ…
ହଲିଉଡର ଲୋକପ୍ରିୟ ଅଭିନେତା ତମାୟୋ ପେରୀଙ୍କ ମୃତ୍ୟୁ । ଶାର୍କ ଆକ୍ରମଣ କରିବାକୁ ମାତ୍ର ୪୯ ବର୍ଷ ବୟସରେ ତମାୟୋଙ୍କ…
ରାଜଧାନୀ ଦିଲ୍ଲୀର ପ୍ରେମ୍ ନଗରରେ ଘଟିଛି ଏକ ଭୟାବହ ଅଗ୍ନିକାଣ୍ଡ । ଏଠାରେ ଘରେ ନିଆଁ ଲାଗି ପରିବାରର ୪…
ଆଇସିସି ଟି୨୦ ବିଶ୍ୱକପ ସେମିଫାଇନାଲରେ ପ୍ରବେଶ କରିଛି ଆଫଗାନିସ୍ତାନ । ବାଂଲାଦେଶକୁ ଡିଏଲଏସ ନିୟମରେ ହରାଇ ସେମିରେ ପ୍ରବେଶ କରିଛି…
ଅଯୋଧ୍ୟା: ସବୁ ପ୍ରତୀକ୍ଷାର ଅନ୍ତ ଘଟି ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ହୋଇସାରିଥିବାବେଳେ, ପ୍ରଭୁ ଶ୍ରୀରାମ ଅଯୋଧ୍ୟା ମନ୍ଦିରରେ…