ଜଳେଶ୍ଵର (କେନ୍ୟୁଜ) : ଏଇ ଦୁନିଆରେ ମଣିଷ ରାକ୍ଷସ ପାଲଟୁଛି ପୁଣି ଏଇ ଦୁନିଆରେ ଦେବ ରୂପରେ ବି ରହିଛି ମଣିଷ । ଆଜି ବି ସମାଜରେ ବଞ୍ଚି ରହିଛି ମଣିଷ ପଣିଆ। ନିଜର ରକ୍ତ ସମ୍ପର୍କୀୟମାନେ ଦୂରେଇ ଯାଉଥିବା ବେଳେ ମାନବିକତା ଦେଖାଉଛନ୍ତି ଅଚିହ୍ନା ଅଜଣା ଲୋକ । ଯାହା ଆଜିର ଏହି ଘଟଣାରୁ ଆପଣମାନେ ବି ହୃଦୟଙ୍ଗମ କରିବେ । ବାଲେଶ୍ୱର ଜିଲ୍ଲା ଜଳେଶ୍ବରର ଥାନାଧିକାରୀଙ୍କ ମହନୀୟତା କଥା ଜାଣିଲେ ଆପଣଙ୍କର ବି ଧାରଣା ବଦଳିଯିବ ପୋଲିସ ବାବୁଙ୍କ ପ୍ରତି । ସେ ଏପରି ଏକ କାମ କରିଛନ୍ତି ଯାହା ବିଷୟରେ ଜାଣିଲେ ଆପଣ ତାଙ୍କୁ ପ୍ରଶଂସା ନକରି ରହି ପାରିବେନି। ତାହେଲେ ଆସନ୍ତୁ ଜାଣିବା…
ଆଜି ବାଲେଶ୍ବର ଜିଲ୍ଲା ଜଳେଶ୍ଵର ବ୍ଳକ ଅନ୍ତର୍ଗତ ପଥରପୁରା ଗାଁ ପଦାସାହିରେ ଶ୍ୟାମ ମୁର୍ମୁଙ୍କ ଦେହାନ୍ତ ହୋଇଯାଇ ଥଲା। ତାଙ୍କ ପରିବାରରେ କେବଳ ଜଣେ ବାର ବର୍ଷର ଝିଅ ବ୍ଯତୀତ ଆଉ କେହି ନାହାନ୍ତି । ତେଣୁ ଶବ ସତ୍କାର ହେବ କେମିତି ? କାହିଁକି କେଜାଣି ସାହି ପଡିଶା ସେ ଘରର ପାଖ ମାଡି ନଥିଲେ। ଛୋଟ ଝିଅଟି ଅସହାୟ ଅବସ୍ଥାରେ ବାପାଙ୍କ ଶବ ପାଖରେ ବସି ରହିଥିଲା । କାରଣ ତା ପାଖରେ କିଛି ବାଟ ହିଁ ନଥିଲା । ଆଉ ଠିକ ଏହି ସମୟରେ ନିଜର ଲୋକ ସାଜି ଶବ ସତ୍କାର ପାଇଁ ଅଣ୍ଟା ଭିଡିଥିଲେ ଜଳେଶ୍ବର ଥାନା ଅଧିକାରୀ ମାନସ କୁମାର ଦେଓ।
ଇଏ ତ ଗଲା ମାନବିକତାର କଥା । ବାପାର ଶବ ସଂସ୍କାର ପରେ ଚିନ୍ତା ପଡ଼ିଲା ସମ୍ପୂର୍ଣ୍ଣ ଏକାକୀ ପଡ଼ି ଯାଇଥିବା ଶ୍ୟାମଙ୍କ ୧୨ ବର୍ଷର ଝିଅକୁ ନେଇ । କିଛି ଦିନ ପୂର୍ବରୁ ମା ମରି ଯାଇଥିଲେ । ଏବେ ରୋଗରେ ପଡ଼ି ବାପା ଚାଲିଗଲେ । ତେବେ ଏଇ ମା ବାପା ଛେଉଣ୍ଡ ନାବାଳିକାର ଦାୟିତ୍ୱ ନେବାକୁ ସେହି ସ୍ୱେଚ୍ଛାସେବୀମାନେ ଆଗେଇ ଆସିଛନ୍ତି । ଶ୍ୟାମଙ୍କ ଅନ୍ତ୍ୟେଷ୍ଟି କ୍ରିୟା ପରେ ତାକୁ କନ୍ୟାଶ୍ରମରେ ରଖି ପାଠ ପଢ଼ାଇବାର ବ୍ୟବସ୍ଥା କରାଯିବ ବୋଲି କହିଛନ୍ତି ସ୍ୱେଚ୍ଛାସେବୀମାନେ।
ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…