ଅନୁଗୋଳ (କେନ୍ୟୁଜ୍): ମଝି ରାସ୍ତାରେ ପୋଲିସ ବାବୁଙ୍କୁ ନିର୍ଧୁମ ଛେଚିଲେ ଦୁଇ ଦୁର୍ବୃତ୍ତ । ଭୁଲିଗଲେ କାହାକୁ କରୁଛନ୍ତି ଆକ୍ରମଣ । ଆଉ ଘଟଣାସ୍ଥଳରେ ଠିଆ ହୋଇ ଦେଖଣାହାରୀ ସାଜିଲେ ଅନେକ ଲୋକ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଅନୁଗୋଳରେ ।
ଅନୁଗୋଳ ବିଧାୟକ ତଥା ବିଧାନସଭା ଉପବାଚସ୍ପତି ରଜନୀକାନ୍ତ ସିଂହଙ୍କ ଗୋତମରା ବାସଭବନ ଆଗରେ ଦୁଇ ଜଣ ଯୁବକ ଆତଙ୍କ ଖେଳାଇଥିଲେ। ମଦ୍ୟପାନ କରି ଦୁଇ ଯୁବକ ପ୍ରଥମେ ଅଭଦ୍ର ଭାଷାରେ ଗାଳି ଗୁଳଜ କରିବା ସହ ଭୁଜାଲି ବାହାର କରି ବୁଲାଇଥିଲେ । ଖବର ପାଇ ଘଟଣାସ୍ଥଳରେ ଯେତେବେଳେ ପୋଲିସ ପହଞ୍ଚିଲା ସବୁ ସୀମା ଟପିଯାଇଥିଲେ ଦୁଇ ଯୁବକ। ଉଭୟ ପୋଲିସକୁ ମଧ୍ୟ ଛାଡି ନଥିଲେ।
ହରେଶ ଚନ୍ଦ୍ର ଦଳେଇ ନାମକ ଜଣେ ଏଏସଆଇ ଓ ଅନ୍ୟ ଜଣେ ପୋଲିସ କର୍ମଚାରୀଙ୍କୁ ଗୋଡ଼ାଇ ଗୋଡ଼ାଇ ପିଟିଥିଲେ । ଯାହାର ଭିଡ଼ିଓ ଏବେ ଭାଇରାଲ ହେବାରେ ଲାଗିଛି । ପ୍ରାୟ ୧ ୫ ମିନିଟ କାଳ ଏଭଳି ଆକ୍ରମଣ କରି ଚାଲିଥିଲେ ମଧ୍ୟ ସ୍ଥାନୀୟ ଲୋକ ଦେଖଣାହାରୀ ସାଜିଥିଲେ । ଜଣେ ମହିଳା ଭିତରେ ପଶି ଛଡାବାକୁ ବହୁ ଚେଷ୍ଟା କରୁଥିଲେ ସୁଦ୍ଧା ସେମାନେ ମାଡ ମାରିଚାଲିଥିଲେ । ପୋଲିସ୍ ବାବୁ ବି ନିଜକୁ ରକ୍ଷା କରିବା ପାଇଁ ଚେଷ୍ଟା କରୁଥିଲେ । ପାଖରେ ଅନେକ ଲୋକ ଛିଡା ହୋଇଥିଲେ ବି କେହି ଛଡ଼ାଇବାକୁ ମଧ୍ୟ ସାହସ କରି ନଥିଲେ । ପରେ ଅନ୍ୟ ଜଣେ ଯୁବକ ପୋଲିସ୍ ବାବୁଙ୍କୁ ଉକ୍ତ ଦୁଇ ଯୁବକଙ୍କ ହାବୁଡରୁ ମୁକୁଳାଇବାକୁ ଦୌଡି ଆସିଥିଲେ ।
ତେବେ ଦୁର୍ବୃତ୍ତଙ୍କ ଆକ୍ରମଣରେ ଦୁଇ ଜଣ ପୁଲିସ କର୍ମଚାରୀ ଆହତ ହୋଇଛନ୍ତି । ଏନେଇ ଖବର ପାଇବା ପରେ ବଅଁରପାଳ ପୋଲିସ ସଦଳବଳ ପହଁଚି ଦୁଇ ପୋଲିସ କର୍ମଚାରୀଙ୍କୁ ଉଦ୍ଧାର କରିବା ସହ ଉଭୟ ଯୁବକଙ୍କୁ ଗିରଫ କରିଥିବା ଜଣାପଡିଛି । ଗିରଫ ଦୁଇ ଯୁବକ ଗୋତମରା ଗାଁର ସିପୁନ ଭୋଇ ଏବଂ ଦିପକ ଭୋଇ ବୋଲି ଜଣା ପଡିଛି । ତେବେ ଏଭଳି ଭାବେ ବିଚ୍ ରାସ୍ତା ମଝିରେ ପୋଲିସକୁ ଆକ୍ରମଣ ଘଟଣାରେ ସଭିଏଁ ନିନ୍ଦା କରୁଛନ୍ତି ।
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…
ଖୋର୍ଦ୍ଧା(କେନ୍ୟୁଜ): ଖୋର୍ଦ୍ଧା ସହରକୁ ପ୍ରତିଦିନ ଲକ୍ଷ ଲକ୍ଷ ଲୋକଙ୍କ ଯାଆସ । ଏତେ ଲୋକଙ୍କ ଭିଡ ଭିତରେ ଏଠି କେମିତି ଚାଲିଛି…
ପୁରୀ (କେନ୍ୟୁଜ) : ଆଜି ପବିତ୍ର ଦେବସ୍ନାନ ପୂର୍ଣ୍ଣିମା । ଆଜି ସ୍ନାନ ବେଦୀରୁ ଗଜବେଶରେ ଅଗଣିତ ଭକ୍ତଙ୍କୁ ଦର୍ଶନ…