କୁଚିଣ୍ଡା(କେନ୍ୟୁଜ୍) : ପ୍ରକୃତି ବି ବଡ ଅଜବ । କାହାକୁ କେମିତି କେଉଁ ଉପାୟରେ ଗଢ଼ିଛି ତାହା ତ କେବଳ ତାକୁ ହିଁ ଜଣା । ପ୍ରତିଟି ବୃକ୍ଷଲତା, ଜୀବଜନ୍ତୁ ଆଦିଙ୍କର ନିର୍ଦ୍ଦିଷ୍ଟ ରଙ୍ଗ, ନିର୍ଦ୍ଦିଷ୍ଟ ଆକାର ହେବା ପଛରେ ଏକ ବିଶେଷ କାରଣ ବି ରହିଥାଏ । ତେବେ ଆମେ କେଉଁଠି ନା କେଉଁଠି କିଛି ଅଜବ ଗଛଲତା ଦେଖିବାକୁ ପାଇଥାନ୍ତି । ଯାହାକୁ ଦେଖିଲେ ଆମେ ହଠାତ୍ ନିଜ ଆଖିକୁ ବିଶ୍ୱାସ କରିପାରିନଥାନ୍ତି । ତେବେ ଏମିତି ଏକ ଦୃଶ୍ୟ ଦେଖିବାକୁ ମିଳିଛି ସମ୍ବଲପୁର ଜିଲ୍ଲା କୁଚିଣ୍ଡା ବ୍ଲକ ଅନ୍ତର୍ଗତ ବାଙ୍କେ ପଂଚାୟତ ଖଲିଆମୁଣ୍ଡା ଗ୍ରାମରେ ।
ଆଜ୍ଞା ଛତୁ ଖାଇବାକୁ ପ୍ରାୟ ଲୋକ ପସନ୍ଦ କରିଥାନ୍ତି । ବିଶେଷ କରି ବର୍ଷାର ଆରମ୍ଭରେ ଛତୁ ଫୁଟିଥାଏ । ବଜାରରେ ପାଳଠୁ ଆରମ୍ଭ କରି ବଟମ, ଧିଙ୍ଗିଡ଼ି ଛତୁର ବେଶ ଚାହିଦା ରହିଛି । ଏହାସହ ଆହୁରି ଅନେକ ପ୍ରକାରର ବିଭିନ୍ନ ଛତୁ ରହିଛି । ତେବେ କୁଚିଣ୍ଡା ବ୍ଲକ ଅନ୍ତର୍ଗତ ବାଙ୍କେ ପଂଚାୟତ ଖଲିଆମୁଣ୍ଡା ଗ୍ରାମରେ ଦେଖିବାକୁ ମିଳିଛି ଏକ ବିରାଟକାୟ ଛତୁ । ଏହି ବିରଳ ପ୍ରଜାତିର ଛତୁ ଦେଖିଲେ ଆପଣବି ଆଶ୍ଚର୍ଯ୍ୟ ହୋଇଯିବେ।
ଛତୁର ଓଜନ ଆଠ ରୁ ଦଶ କେଜି ହେବ ବୋଲି କୁହାଯାଉଛି । ତେବେ ପୂର୍ବରୁ କେବେ ଏତିକି ବଡ ଓଜନର ଛତୁ ଦେଖିବାକୁ ମିଳିନଥିଲା । ସୂଚନା ଅନୁସାରେ ଖଳିଆମୁଣ୍ଡା ଗାଁର ଲୁରି କିଶାନ ଜଙ୍ଗଲକୁ ଜଙ୍ଗଲୀ ଛତୁ ଖୋଜିବାକୁ ଯାଇଥିବାବେଳେ ତାଙ୍କ ନଜର ପଡିଥିଲା ବାରି ପଛପଟେ ଥିବା ଖଜୁରୀ ଗଛ ତଳେ । ହଠାତ୍ ଦେଖିବାକୁ ପାଇଥିଲେ ଏହି ବିରାଟକାୟ ଛତୁକୁ । ଏହି ଛତୁଟିର ନାଁ ଜଣାପଡିନଥିବାବେଳେ ଏହା ଏକ ବିରଳ ପ୍ରଜାତିର ଛତୁ ବୋଲି କୁହାଯାଉଛି ।
ତେବେ ଛତୁଟି ଦେଖିବାକୁ ପାଖାପାଖି ପାଳଛତୁ ପରି ଦେଖାଯାଉଛି । ତେବେ ଏହି ଛତୁକୁ ଦେଖିବାକୁ ଆଖପାଖ ଅଞ୍ଚଳର ଲୋକଙ୍କ ଭିଡ଼ ଜମିଛି । ଏପଟେ ସ୍ଥାନୀୟ ଲୋକଙ୍କ କହିବା କଥା ସେମାନେ ତାଙ୍କ ଜୀବନ କାଳରେ ଏତେବଡ଼ ଛତୁ କେବେ ଦେଖି ନଥିଲେ । ତେବେ ଏହି ଛତୁକୁ ଖାଇବା ଉଚିତ କି ନାହିଁ ? ଯଦି ଖାଇବା ଉପଯୁକ୍ତ ଏହାର ଚାଷ କିପରି କରାଯିବ? ଏଭଳି ଅନେକ ପ୍ରଶ୍ନ ଏବେ ଗ୍ରାମବାସୀଙ୍କ ମନରେ ଉଙ୍କି ମାରୁଛି ।
ମେଷ: ଆଜି ପ୍ରତ୍ୟେକ କ୍ଷେତ୍ରରେ ଆପଣଙ୍କୁ ସଫଳତା ମିଳିବ । ଆପଣ କର୍ମକ୍ଷେତ୍ରରେ କୌଣସି ବିତର୍କରୁ ଦୂରେଇ ରହିବା ଉଚିତ୍…
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…