ଭୁବନେଶ୍ୱର (କେ ନ୍ୟୁଜ୍) : ବୁଲା ଗାଈ ଗୋରୁଙ୍କ ପାଇଁ ଅନେକ ସମୟରେ ଘଟୁଛି ସଡ଼କ ଦୁର୍ଘଟଣା । ବିଶେଷ କରି ଜାତୀୟ ରାଜପଥ ଏବଂ ସହର ରାସ୍ତାରେ ଉପରେ ଏହି ବୁଲା ଗାଈ ଗୋରୁ ସବୁ ଏଣେତେଣେ ବୁଲୁଥାନ୍ତି କିମ୍ବା ଶୋଇ ରହିଥାନ୍ତି । ବେଳେ ବେଳେ ଗାଡ଼ି ଚାଳକଙ୍କୁ ଏମାନେ ଦିଶନ୍ତି ନାହିଁ ଆଉ ଦୁର୍ଘଟଣା ଘଟେ । ନିକଟରେ ଯାହାର ଏକ ବଡ଼ ଉଦାହରଣ ଦେଖିବାକୁ ମିଳିଥିଲା କଟକ ମହାନଦୀ ପୋଲ ଉପରେ । ଏକ ମଇଁଷି ସହିତ ଧକ୍କା ହେବା ଫଳରେ ଯାତ୍ରୀବାହୀ ବସ୍ ନଦୀ ଭିତରକୁ ଖସିପଡ଼ି ଜୀବନ ହାନି ଘଟିଥିଲା ।
ଏଭଳି ଘଟଣା ଏଡ଼ାଇବା ଲାଗି ଆରମ୍ଭ ହୋଇଛି ଏକ ଅଭିନବ ଉଦ୍ୟମ । ଓଡ଼ିଶା କଲିଂ ଫାଉଣ୍ଡେସନ୍ (ଓସିଏଫ୍) ପକ୍ଷରୁ ଆରଟିଓଙ୍କ ସହଯୋଗରେ ବୁଲା ଗାଈଗୁଡ଼ିକ ଶିଙ୍ଗ ଓ ବେକରେ ଏକ ପ୍ରକାର ସ୍ୱତନ୍ତ୍ର ଷ୍ଟିକର ଲଗାଯାଇଛି । ଏହି ଷ୍ଟିକର ଉପରେ ଗାଡ଼ି ଲାଇଟ୍ ପଡ଼ିଲେ ତାହା ଝଲସିବ ଏବଂ ଦୂରରୁ ଜାଣି ହେବ ଯେ ସାମନାରେ କୌଣସି ପଶୁ ରାସ୍ତା ଉପରେ ଅଛି । ଓସିଏଫ୍ ଏବଂ ସ୍ୱେଚ୍ଛାସେବୀମାନଙ୍କ ସହାୟତାରେ ରାଜ୍ୟ ବ୍ୟାପି ଏହି ଅଭିଯାନ କରାଯାଉଛି । ଆଜି ଭୁବନେଶ୍ୱର ଆରଟିଓ ଠାରେ ଏହି ଅଭିଯାନର ଶୁଭାରମ୍ଭ କରାଯାଇଛି ।
ଦେଶ ତଥା ଆମ ରାଜ୍ୟରେ ପ୍ରତି ବର୍ଷ ସଡ଼କ ଦୁର୍ଘଟଣାରେ ହଜାର ହଜାର ଲୋକଙ୍କ ମୃତ୍ୟୁ ହେବା ସହ ଅନେକ ଆହତ ଓ ପଙ୍ଗୁ ହେଉଛନ୍ତି । ବହୁ ସ୍ଥାନରେ ଏଭଳି ବୁଲା ଗାଈ ଗୋରୁ ଦୁର୍ଘଟଣାର କାରଣ ହେଉଛନ୍ତି । ଏହାକୁ ଦୃଷ୍ଟିରେ ରଖି ଓସିଏଫ୍ ପକ୍ଷରୁ ଏହି ଭିନ୍ନ ଅଭିଯାନ ଆରମ୍ଭ କରାଯାଇଛି । ଏଥିରେ ସ୍ଥାନୀୟ ଲୋକେ ସହଯୋଗ କରିବାକୁ ଫାଉଣ୍ଡେସନ୍ ପକ୍ଷରୁ ନିବେଦନ କରାଯାଇଛି ।
ମେଷ: ଆଜିର ଦିନ ଭଲରେ କଟିବ । ଉତ୍ତମ ସ୍ୱାସ୍ଥ୍ୟ ପାଇଁ ବ୍ୟାୟାମ ଜାରି ରଖନ୍ତୁ । କୌଣସି ନୂଆ…
ଭୁବନେଶ୍ୱର : ଭାରତୀୟ ହକି ଟିମର ପ୍ରାୟୋଜକ ଆଉ ୩ ବର୍ଷ ବୃଦ୍ଧି କରାଯିବ। ହକି ଇଣ୍ଡିଆ ସହ ଆଲୋଚନା…
ବାଲେଶ୍ଵର : ବାଲେଶ୍ଵର ଜିଲ୍ଲାପାଳଙ୍କ ସାମ୍ବାଦିକ ସମ୍ମିଳନୀ । ବାଲେଶ୍ବର ସହରରେ କର୍ଫ୍ୟୁ ପରିସ୍ଥିତି ଉପରେ ସାମ୍ବାଦିକ ସମ୍ମିଳନୀ ।…
ଭୁବନେଶ୍ୱର : ପିସିସି ସଭାପତିଙ୍କୁ କାଳିମାଡ଼ । କଂଗ୍ରେସ ଭବନରେ ପିସିସି ସଭାପତି ଶରତ ପଟ୍ଟନାୟକଙ୍କୁ କାଳିମାଡ଼। ଆଜି କଂଗ୍ରେସ…
ଲମତାପୁଟ : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ବ୍ୟକ୍ତିଙ୍କ ମୃତ୍ଯୁ । ମୃତ ବ୍ୟକ୍ତି ଜଣକ ଲମତାପୁଟ ବ୍ଲକ…
ଅଗ୍ରସର ହେଲା ମୌସୁମୀ । ଓଡ଼ିଶାର ୨୪ଟି ଜିଲ୍ଲାକୁ ଛୁଇଁବା ସହ ଅଧିକ ଅଗ୍ରସର ହେଉଛି ଦକ୍ଷିଣପଶ୍ଚିମ ମୌସୁମୀ ବାୟୁ…