ରାଜ୍ୟ

ଯାଜପୁର: ପ୍ରାକ୍ ମୈାସୁମୀର ସୂଚନା ନେଇ ଆସିଲେ ସାଇବେରିଆନ ପକ୍ଷୀ, ଧାନମଣ୍ଡଳରେ ବିଦେଶାଗତ ପକ୍ଷୀଙ୍କ ଭିଡ

ଯାଜପୁର(କେନ୍ୟୁଜ୍): ଯାଜପୁର ଜିଲ୍ଲା ବଡଚଣା ବ୍ଲକ ଧାନମଣ୍ଡଳ ଷ୍ଟେସନ ବଜାରରେ ଥିବା ଗଛ ଗୁଡିକରେ ଲାଗିଛି ସାଇବେରିଆନ ପକ୍ଷୀଙ୍କ ଭିଡ । ବହୁ ବର୍ଷ ଧରି ସୁଦୂର ସାଇବେରିଆରୁ ଏଠାକୁ ଛୁଟି ଆସୁଛନ୍ତି ଏହି ସାଇବେରିଆନ ପକ୍ଷୀ । ଜନଗହଳି ପୂର୍ଣ୍ଣ ଷ୍ଟେଶନ ବଜାର ଓ ଟ୍ରେନର ଶବ୍ଦ ଏମାନଙ୍କୁ ବିଚଳିତ କରେ ନାହିଁ । ପ୍ରତି ବର୍ଷ ହଜାର ହଜାର ସଂଖ୍ୟାରେ ସାଇବେରିଆନ୍ ପକ୍ଷୀ ଛୁଟିଆସିଥାନ୍ତି ଏହି ସ୍ଥାନକୁ । ଏମାନଙ୍କ ଆଗମନରେ ଏଠାକାର ଲୋକମାନେ ମୈାସୁମୀର ଆଗମନକୁ ଜାଣି ପାରିଥାନ୍ତି । ପାଣିପାଗ ବିଭାଗର ସୂଚନାକୁ ଏମାନେ ଯେତିକି ବିଶ୍ୱାସ କରିନଥାନ୍ତି ଏମାନଙ୍କ ଅଗମନରେ ସେମାନଙ୍କର ବିଶ୍ୱାସ ବଢିଯାଇଥାଏ । ଖାଲି ସେତିକି ନୁହେଁ ଏହି ପକ୍ଷୀମାନଙ୍କ ସ୍ୱଳ୍ପ ସମୟରହଣୀ ମଧ୍ୟରେ ସୁରକ୍ଷା ପାଇଁ ଅଂଟା ଭିଡିଥାନ୍ତି ଏଠାକାର ଲୋକେ । ଧାନମଣ୍ଡଳ ବଜାର କମିଟି, ଷ୍ଟେସନ୍ କର୍ମଚାରୀ ଓ ବନ ବିଭାଗ ଏମାନଙ୍କ ସୁରକ୍ଷା ଓ ନିରାପତା ଦିଗରେ ଯଥେଷ୍ଟ ପଦକ୍ଷେପ ନେଇଥାନ୍ତି ।

କାହିଁ କୋଉ କାଳରୁ ପକ୍ଷୀମାନେ ଏଠାକୁ ଆସୁଥିବା ଏଠାକାର ଲୋକେ କୁହନ୍ତି । ଚଳିତ ବର୍ଷ ଏହି ସ୍ଥାନକୁ ପ୍ରାୟ ଛୁଟି ଆସିଛନ୍ତି ହଜାର ହଜାର ସଂଖ୍ୟାରେ ସାଇବେରିଆନ୍ ପକ୍ଷୀ । ଜୁନ୍ ମାସ ପ୍ରଥମ ଅବା ଦ୍ୱିତୀୟ ସପ୍ତାହ ସମୟରେ ଏମାନେ ଆସୁଥିବା ବେଳେ ମୈାସୁମୀ ଗଲା ପରେ ଏମାନେ ଏଠୁ ଚାଲିଯାଆନ୍ତି । ଏହି ସମୟରେ ପକ୍ଷୀମାନଙ୍କୁ ଦେଖିବାକୁ ଲୋକମାନଙ୍କ ଭିଡ ଜମିଥାଏ । ଅଂଚଳର ଚାଷୀମାନେ ମଧ୍ୟ ଚାଷ କାର୍ଯ୍ୟ ପାଇଁ ତରତର ହୋଇଥାନ୍ତି । ବ୍ୟବସାୟୀ ସଂଘ ଏବଂ ଅନ୍ୟାନ୍ୟ ସଂଗଠନର ମିଳିତ ଉଦ୍ୟମରେ ଏମାନଙ୍କୁ ସୁରକ୍ଷା ଯୋଗାଇଦିଆଯାଉଥିବା ବେଳେ ଚଣ୍ଡିଖୋଲ ବନ ବିଭାଗ ମଧ୍ୟ ଏଥିପ୍ରତି ସଜାଗ ରହିଛି । ଅନ୍ୟପକ୍ଷରେ ପକ୍ଷୀଙ୍କ ଶିକାର କରିବା ଘଟଣାକୁ ଏଡାଇବା ନିମନ୍ତେ ପ୍ରଶାସନ ପକ୍ଷରୁ ସମସ୍ତ ପ୍ରକାର ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥାଏ । ରାତିରେ ଏମାନଙ୍କ ସୁରକ୍ଷା ପାଇଁ ସ୍କ୍ୱାର୍ଡ ମୁତୟନର ବ୍ୟବସ୍ଥା କରାଯିବ ବୋଲି କହିଛନ୍ତି ବନ ବିଭାଗ ଅଧିକାରୀ ।

KNews Bureau

Recent Posts

ଆସନ୍ତାକାଲି ମଙ୍ଗଳ ଆଳତୀ ପରେ ଖୋଲିବ ଶ୍ରୀମନ୍ଦିରର ଚାରି ଦ୍ୱାର

ଭୁବନେଶ୍ୱର (କେନ୍ୟୁଜ୍‌) : ମୋହନ ମାଝୀଙ୍କ ବିଜେପି ସରକାର ଆଜି ଶପଥ ନେବା ପରେ କ୍ୟାବିନେଟରେ ୪ଟି ଗୁରୁତ୍ୱପୂର୍ଣ୍ଣ ପ୍ରସ୍ତାବକୁ…

26 mins ago

ମା ଯଶୋଦା କଳା ପରିଷଦ ପକ୍ଷରୁ ନୂଆ ମୁଖ୍ୟମନ୍ତ୍ରୀଙ୍କୁ ସଙ୍ଗୀତ ମାଧ୍ୟମରେ ଜଣାଇଲେ ଶୁଭେଚ୍ଛା

ଯାଜପୁର(କେନ୍ୟୁଜ୍‌): ନୂତନ ମୁଖ୍ୟମନ୍ତ୍ରୀଙ୍କୁ ସ୍ଵାଗତ ସଙ୍ଗୀତ ମାଧ୍ୟମରେ ସ୍ୱାଗତ ଓ ସମ୍ବର୍ଦ୍ଧନା। ଯାଜପୁର ଦଶରଥପୁର ବ୍ଲକ ଅନ୍ତର୍ଗତ ମଙ୍ଗଳପୁରର ଅଗ୍ରଣୀ…

47 mins ago

ଶପଥ ଗ୍ରହଣ ପରେ ବିଜେପି ସରକାରଙ୍କ ପ୍ରଥମ କ୍ୟାବିନେଟ ବୈଠକ

ଭୁବନେଶ୍ୱର(କେନ୍ୟୁଜ୍‌): ମୋହନ ମାଝୀ ସରକାରଙ୍କ ପ୍ରଥମ କ୍ୟାବିନେଟ ବୈଠକ । ଶପଥ ଗ୍ରହଣ ପରେ ବିଜେପି ସରକାରଙ୍କ ପ୍ରଥମ କ୍ୟାବିନେଟ…

1 hour ago

ଚିକିତ୍ସା ସୁବିଧା ପାଇଁ କିଏ ଭଲ ଏବେ ଆପଣ ହିଁ ବିଚାର କରନ୍ତୁ

ଦେହ ଅଛି ତ ରୋଗ ଅଛି । ସେଥିଲାଗି ତ କୁହାଯାଏ, ସ୍ୱାସ୍ଥ୍ୟ ହିଁ ସମ୍ପଦ । ପ୍ରତିଟି ଜୀବନ…

1 hour ago

ସୁରମା ପାଢୀ ହୋଇପାରନ୍ତି ନୂଆ ବାଚସ୍ପତି

ଭୁବନେଶ୍ୱର(କେନ୍ୟୁଜ୍‌): ସୁରମା ପାଢୀ ହୋଇପାରନ୍ତି ନୂଆ ବାଚସ୍ପତି । ବିଧାନସଭା ବାଚସ୍ପତି ଭାବେ ରଣପୁରର ବିଧାୟିକାଙ୍କ ନାଁକୁ ନେଇ ଚର୍ଚ୍ଚା…

2 hours ago

ଶପଥ ଗ୍ରହଣ କରିଛନ୍ତି ମୋହନ ମାଝୀଙ୍କ ଟିମ୍

ଭୁବନେଶ୍ୱର(କେନ୍ୟୁଜ୍‌): ନୂଆ ମୁଖ୍ୟମନ୍ତ୍ରୀ, ନୂଆ କ୍ୟାବିନେଟ। ଶପଥ ଗ୍ରହଣ କରିଛନ୍ତି ମୋହନ ମାଝୀଙ୍କ ଟିମ୍। ଦୁଇ ଉପମୁଖ୍ୟମନ୍ତ୍ରୀ। ୮ କ୍ୟାବିନେଟ…

2 hours ago