କେନ୍ୟୁଜ୍(ବ୍ୟୁରୋ): ରାଜବୀରଙ୍କ ଜୀବନ ବଞ୍ଚାଇବା ପାଇଁ ଜନସାଧାରଣଙ୍କୁ ଅପିଲ କଲେ ସୋନୁସୁଦ୍। ଆଉ ହାତରେ ଅଛି ମାତ୍ର ଦୁଇ ମାସ । ଏହାର ଭିତରେ ୧୬ କୋଟି ଟଙ୍କାର ଇଞ୍ଜେକ୍ସନ ନଦେଲେ ଆଖିବୁଜି ଦେବ ରାଜବୀର। ଏହି କୁନି ଶିଶୁର ଜୀବନକୁ ତା ବାପା ମାଙ୍କୁ ଉପହାର ଦେବା ପାଇଁ ସୋନୁ ସୁଦ୍ ତାଙ୍କ ପ୍ରଶଂସକମାନଙ୍କୁ ଅପିଲ କରିଛନ୍ତି।
କିଛି ଦିନ ତଳେ ରାଜବୀରର ବାପା ମା ସରକାରୀ ସହାୟତାର ଆଶା କରି ନବୀନ ନିବାସ ଆଗରେ ଧାରଣାରେ ବସିଥିଲେ । କିନ୍ତୁ ସେଠାରୁ ତାଙ୍କୁ ପୋଲିସ ଉଠାଇଦେଇ ଚିକିତ୍ସା ଆଳରେ ପ୍ରଥମେ କ୍ୟାପିଟାଲ ହସ୍ପିଟାଲ ଓ ପରେ କଟକ ଏସ୍ସିବିକୁ ପଠାଇ ଦିଆଗଲା। ଆଉ ଏସସିବିରେ ସ୍ପାଇନାଲ ମସକ୍ୟୁଲାର ଆଟ୍ରୋଫିର ଚିକିତ୍ସା ସମ୍ଭବ ନୁହେଁ ବୋଲି କର୍ତ୍ତୃପକ୍ଷ ଫେରାଇ ଦେଇଥିବା ଅଭିଯୋଗ ହୋଇଛି।
ସବୁ ଆଡ଼ୁ ବିଫଳ ହେବା ପରେ ମୃତ୍ୟୁ ସହ ସଂଗ୍ରାମ କରୁଥିବା ପୁଅକୁ ଧରି କୁଳମଣୀ ରଣା ଏବଂ ତମଲିକା, ମୁମ୍ବାଇ ପହଞ୍ଚିଛନ୍ତି। ସେଠାରେ ସେମାନେ ଅଭିନେତା ସୋନୁ ସୁଦଙ୍କୁ ସାକ୍ଷାତ କରି ପୁଅର ଜୀବନ ଭିକ୍ଷା କରିଛନ୍ତି। ରିଲରୁ ରିଅଲ ହିରୋ ପାଲଟିଥିବା ସୋନୁ ମଧ୍ୟ ତାଙ୍କୁ ନିରାଶ କରିନାହାନ୍ତି। ରାଜବୀରଙ୍କ ଚିକିତ୍ସା ପାଇଁ ଦେଶବାସୀଙ୍କୁ ସାହାଯ୍ୟର ହାତ ବଢ଼ାଇବାକୁ ଅପିଲ୍ କରିଛନ୍ତି।
ରାଜବୀରକୁ ସ୍ପାଇନାଲ ମସ୍କୁଲାର ଆଟ୍ରୋପି ଭଳି ଏକ ସାଂଘାତିକ ରୋଗ ହୋଇଛି । କନ୍ଧମାଳର ଆମ୍ବପଡ଼ାର କୁଳମଣି ରଣା ଏବଂ ତମଲିକା ଦାସଙ୍କ ମାତ୍ର ୨୧ ମାସର ପୁଅ ହେଉଛି ରାଜବୀର । ତାର ଚିକିତ୍ସା ପାଇଁ ଦରକାର ‘ଜୋଲଗେନ୍ସମା’ ଇଞ୍ଜେକସନ । ଏହି ଔଷଧର ଦାମ୍ ୧୬ କୋଟି ଟଙ୍କା । ଆଉ ୪ ମାସ ମଧ୍ୟରେ ଇଞ୍ଜେକସନ ଦେବାକୁ ହେବ। ରାଜବୀରଙ୍କ ସମ୍ପର୍କରେ ପ୍ରଥମେ କେନ୍ୟୁଜରେ ପ୍ରସାରଣ ହୋଇଥିଲା ।
ରାଜବୀର ଏବେ ବେଙ୍ଗାଲୁରର ଏକ ହସପିଟାଲରେ ଚିକିତ୍ସିତ ହେଉଛି । ରାଜବୀରଙ୍କ ବାପା କୁଳମଣୀ ବେଙ୍ଗାଲୁରୁରେ ସ୍ୱିଗି ଡେଲିଭରି ବୟ ଭାବେ କାମ କରିଥିଲେ। ମାସକୁ ତାଙ୍କର ରୋଜଗାର ମାତ୍ର ୧୫ ହଜାର ଟଙ୍କା ଥିଲା। ସ୍ୱଳ୍ପ ଆୟରୁ ସଞ୍ଚୟ ସମସ୍ତ ପୁଞ୍ଚି ଓ ଧାର କରଜ କରି କୁଳମଣୀ ପୁଅର ଚିକିତ୍ସା ପାଇଁ ୫ ଲକ୍ଷରୁ ଊର୍ଦ୍ଧ୍ୱ ଟଙ୍କା ଖର୍ଚ୍ଚ ସରି ଗଲାଣି। ତଥାପି ରାଜବୀରଙ୍କୁ ବଞ୍ଚାଇବାକୁ ହେଲେ ୧୬ କୋଟି ଟଙ୍କା ଆବଶ୍ୟକ। ଏଥିପାଇଁ ଦେଶବାସୀ ରାଜବୀରକୁ ସାହାଯ୍ୟ କରନ୍ତୁ ବୋଲି ସୋନୁ ସୁଦ କହିଛନ୍ତି।
ଫ୍ୟାନ୍ସ ଉତ୍ସାହର ସହିତ ପ୍ରଭାସଙ୍କ ଫିଲ୍ମ ‘କଲ୍କୀ 2898 AD’କୁ ଅପେକ୍ଷା କରିଛନ୍ତି । ଏହି ଫିଲ୍ମଟି ଜୁନ୍ ୨୭ରେ…
ପୋଲିସ ବାବୁଙ୍କୁ ମହଙ୍ଗା ପଡ଼ିଲା ପରକୀୟା ପ୍ରେମ । ପ୍ରେମ କରି ଫସିଲେ ପୋଲିସ ବାବୁ। ହୋଟେଲ ରୁମ୍ରୁ ପ୍ରେମିକା…
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…
ଲମତାପୁଟ : କେକରେ ଲେଖା ହୋଇଛି ରବି ଆଣ୍ଡ୍ ମଞ୍ଜୁ । ଆଉ ପାଖରେ ଫୁଲ ମାଳ ପିନ୍ଧି ଛିଡା…
ଲକ୍ଷ୍ମୀପୁର : ଏବେ ମୃତ୍ୟୁର ତାଣ୍ଡବ ଖେଳି ଚାଲିଛି ଡିଫଥେରିଆ । ଏହି ରୋଗ ଜଣକ ପରେ ଜଣକୁ ନିଜ…
ଜଳେଶ୍ବର : ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ଦକ୍ଷିଣ ପୂର୍ବ ରେଳପଥର ନୂଆଗାଁ ରୋଡ଼ ରେଳଷ୍ଟେସନ ମଧ୍ୟ ସ୍ଥଳ…