ଉଦଳା (କେନ୍ୟୁଜ): ଆରଆଇଙ୍କ ମୁଣ୍ଡ ଫଟାଇଲେ ମାଫିଆ । ମୟୁରଭଞ୍ଜ ଜିଲା ଖୁଣ୍ଟା ତହସିଲ ଅଧୀନ ସପଞ୍ଚୁଆ ପଞ୍ଚାୟତର ସୁବର୍ଣ୍ଣମଞ୍ଜରୀ ଗ୍ରାମ ନିକଟରେ ଶନିବାର କାର୍ଯ୍ୟରତ ବଡପଥରା ରାଜସ୍ୱ ନିରୀକ୍ଷକଙ୍କୁ ପଥର ମାଫିଆ ମାଡ ମାରି ମୁଣ୍ଡ ଫଟାଇ ଦେଇଥିବା ଜଣାପଡ଼ିଛି। ତାଙ୍କୁ ଡୁକୁରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଅଣାଯାଇଛି ।
ସୂଚନା ଅନୁସାରେ ଶନିବାର ଭୋର ୫ଟା ସମୟରେ ସୁବର୍ଣ୍ଣମଞ୍ଜରୀ ଅଞ୍ଚଳରେ ବେଆଇନ ପଥର କାରବାର ଖବର ପାଇ ବଡପଥରା ଯୁବ ରାଜସ୍ବ ନୀରିକ୍ଷକ ଦୟାନିଧି ରାଉତ ଘଟଣାସ୍ଥଳକୁ ଯାଇଥିଲେ । ତେବେ ସପଞ୍ଚୁଆ ଫରେଷ୍ଟ ବିଟ ନିକଟ ରାସ୍ତାରେ ତାଙ୍କୁ ଜଣେ ପଥର ମାଫିଆ ଆକ୍ରମଣ କରିଥିଲେ । ମାଡ ମାରି ତାଙ୍କ ମୁଣ୍ଡ ଫଠାଇଦେଇଥିଲେ । ଖବରପାଇ ଖୁଣ୍ଟା ତହସିଲଦାର ଅଙ୍କୁର ଅଭିଳାଷ ପହଞ୍ଚି ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ । ଖବର ପାଇ ପୁଲିସ ତଦନ୍ତ ଆରମ୍ଭ କରିଛି ।
ସୂଚନାଯୋଗ୍ୟ, ବେଆଇନ ପଥର କାରବାର ପାଇଁ ଏହି ଅଞ୍ଚଳର ୬ଟି ପଞ୍ଚାୟତର ପଥର ଖାଦାନ ମାନଙ୍କରେ ଜୁଲାଇ ୧୭ତାରିଖରେ ୧୪୪ଧାରା ଜାରି ହୋଇଥିଲା । ଏହି ସୁଯୋଗରେ ନେଇ ମାଫିଆ ମାନେ ୧୪୪ ଜାରିହେବା ଭିତରେ ଦୁଇଥର ପଥର ବ୍ଲାଷ୍ଟିଂ କରିଥିଲେ। ପରଦିନ ତସହିଲ ପକ୍ଷରୁ ସୁବର୍ଣ୍ଣମଞ୍ଜରୀ ନାମକ ଅଞ୍ଚଳର ନିଷିଦ୍ଧ ଖଦାନ ନିକଟରୁ ରାଜସ୍ବ ବିଭାଗ କୋଟିଏରୁ ଉର୍ଦ୍ଧ୍ବ ଟଙ୍କା ମୂଲ୍ୟର କମ୍ପ୍ରେସର ଓ ହିଟାଚି ମେସିନ ଦୁଇଟି ଜବତ କରିଥିଲେ । ପୁନର୍ବାର ପଥର କାରବାର ହେଉଥିବା ଖବର ପାଇ ରାଜସ୍ବ ନୀରିକ୍ଷକ ଘଟଣାସ୍ଥଳକୁ ଯାଇ ଆକ୍ରମଣର ଶିକାର ହୋଇଛନ୍ତି ।
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…